開開心心迎接新年來臨，見到呢盒鮮紅氣墊即刻心心眼，講緊嘅係
限量版My Armani to go cushion couture edition
絲光輕透氣墊精華粉底。
粉底配方更特別注入大量美肌精華，上妝同時修護肌膚，
同時可以有效遮蓋瑕疵，用後皮膚好光澤，睇落好水潤。
絲光輕透氣墊精華粉底，將時裝元素融入粉盒設計當中，
別出心裁嘅放射性扇形線條作為靈感，將銀色亮面圖案點綴經典黑紅色粉盒，
完美地結合彩妝同時裝藝術，成為底妝界破格時尚！
最喜歡呢盒MY ARMANI TO GO氣墊精華粉底設計輕巧，
所以可以放入小手袋都無問題，可以隨時隨地上妝或補妝，
就好似化身成為專業化妝師咁，能時刻保持零瑕妝容。
打開後見到獨有設計嘅專用粉撲，即刻大大加分，
因為其水滴型設計可以輕鬆用喺臉部任何角度或者細微位置，
就算連連鼻翼、髮線、嘴角等位置都可以輕易精準咁上妝。
粉撲以柔軟嘅Neopora 智能物料製成，用時親膚舒適，
又具有相當好嘅抗菌性，而且可以好適量咁吸收粉底液，
所以上妝時均勻薄透，就算化妝新手都可以好易就能握掌同塑造完美妝效。
呢款皇牌「鮮紅氣墊」嘅絲光輕透氣墊精華粉底，具有高度遮瑕，
但係質地仍能保持輕盈透薄，除咗能完美遮蓋任何瑕疵，
就算層疊塗抹，妝容都保持輕盈貼服，望落一啲都唔厚重。
妝前我嘅皮膚屬於較暗淡無光同埋帶有少少偏黃，
睇落好殘好唔精神，而且面上亦有暗瘡印需要遮蓋，
而粉底中嘅極細膩色彩微珠就可以輕柔包覆肌膚，同膚色自然融合，
做出透薄而具遮瑕度嘅自然妝效。
再加上配方中嘅荔枝精華、甘油同透明質酸等護膚成分，
可以瞬間導入肌膚底層，釋放保濕功效，肌膚強效保濕18 小時，
再加上SPF23 防曬度，有效即時阻隔紫外線。
極快就可以完成底妝，唔單止輪廓更立體，
而且面上大部分印痕都可以遮得好好，
另外一提嘅係唔少氣墊粉底都有顏色氧化變灰問題，
但MY ARMANI TO GO氣墊精華粉底配方特意減少會令肌膚暗啞嘅填充因子，
同時採用液態珍珠母同絲亮光芒聚合技術，
用後能夠長時間保持妝容光澤，
肌膚散射光芒，同時又唔會阻塞毛孔。
絲光輕透氣墊精華粉底推出4款全新色調， 總共有10款不同專屬亞洲肌膚色調，
啱哂唔同膚色嘅女生都可以有屬於自己嘅色調，妝效又可持續一整日。
入手資料：
限量版MY ARMANI TO GO 絲光輕透氣墊精華粉底 (鮮紅氣墊) 同
雪紡水光氣墊精華粉底 (裸粉氣墊)(備有#2及#3色) ，建議零售價皆為$590。
Facebook：www.facebook.com/armanibeautyHK
沒有留言:
張貼留言