2017年12月8日 星期五

【 為肌膚來一趟8小時環遊世界潤澤之旅-Elizabeth Arden 】

係電車出event真係第一次,早排出席Elizabeth Arden8小時環遊世界電車活動,
可以認識新產品、又可以做唇膜同手部按摩,
而且仲有俄羅斯小鮮肉Ansheles做車長,大玩問答遊戲!
估唔到Ansheles嚟咗香港幾年,廣東話都講得幾好喎,
仲化身成為車長同我地主持呢個活動。
咁有心思嘅佈置一定要影多D相先得。
而且係電車上面一邊玩仲可以一邊食tim呀,
細細件嘅burger可以一啖一個,一邊望住香港夜晚嘅街境實在好嘆~
當日Elizabeth Arden為我地每人準備咗一本Passport,
入面mark低咗係電車度安排咗嘅活動,為肌膚來一趟潤澤之旅。
太忙沒時間美甲、旅行時因為搬動行李,雙手變得粗糙,
所以當日係電車享受咗一個手部按摩,深層滋潤雙手同埋柔軟十指,
輕輕按摩減低咗平日手部嘅疲倦,實在太舒服。
之後再即場進行咗個嘴部磨砂,然後再敷一個唇膜,
啱哂呢排天氣變化雙唇乾燥缺水,可以頃刻注入水分,柔軟雙唇。
活動完結唔少得嚟一張大合照,而且Elizabeth Arden仲送咗一個寶盒俾我,
原來係兩款8小時限量組合 – 環遊世界版:
包括經典8小時潤澤霜(Eight Hour® Cream Skin Protectant)同
一套兩件的8小時潤澤護唇組合(Eight Hour® Lip Protectant & Lip Scrub Duo)。
兩款8小時限量組合 – 環遊世界版嘅包裝好別緻,
以世界著名景點為靈感,結合創意插畫而成,
重點一提係新品容量特意符合TSA(美國運輸安全管理局)標準,
所以可以放係日常化妝袋、外遊行李箱或者機艙手提包入面,好方便呢!!
8小時潤澤霜(限量版) 50ml HK$190
經典傳奇嘅8小時潤澤霜,早已係品牌熱賣逾80多年嘅暢銷產品,
好早之前都有同大家分享過,係我婆婆好喜歡嘅產品。
以強效保濕因子、維他命E同埋溫和去角質成分,
為肌膚、指甲及秀髮帶來全效同全面性修護,令肌膚即時回復柔軟細滑,
能夠深層潤澤乾燥肌膚之餘,更有助保護肌膚抵禦外在環境傷害。
8小時潤澤護唇組合 13ml x2 HK$145
一套兩件嘅8小時潤澤護唇組合,計落每件只係幾十蚊,
但用落真係好方便,可以先去除老化角質再滋潤雙唇!
左邊為8小時唇部去角質霜,能為櫻唇袪除老舊角質;
右邊則為8小時潤澤護唇霜極致修護及滋潤雙唇,使其柔軟平滑。
以畫圓方式去除老化角層,減低雙唇出現唇紋問題,
用後只需要以以紙巾抹走便可以,用後能同死皮講拜拜~
用後雙唇柔軟平滑,無論身在何處,美唇都能成為注目焦點!!
Website:www.elizabetharden.com
Facebook:www.facebook.com/ElizabethArdenHK/?brand_redir=51898756636

 Provided By Elizabeth Arden
聯絡MsJovi:
ww.jovi@ymail.com / www.facebook.com/blogger.ms.jovi/

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢 
#EightHourTravels #MyEightHour #ElizabethArdenHK #EightHourCream 
#EightHourLipDuo #AroundTheWorld #MsJovi #久美小姐