2018年6月4日 星期一

【晚間一步 綻放剔透亮澤肌 · dermalogica Sound Sleep Cocoon】

一向係敏感肌嘅我,試盡好多品牌,
皆因轉轉天氣、壓力等又好易出現甩皮、爆瘡等問題,
所以個人偏好無刺激性的防腐劑人造色素、香料或 
SD 酒精或甲醛等成分產品,相對會較深得我心。
而dermalogica®就係其中一個我幾鍾意嘅專業皮膚護理品牌,
品牌選用嘅原料除咗溫和,不含阻塞毛孔嘅礦物油同羊毛脂外,
佢哋仲獨創一套 FaceMapping®面形映像分析,
了解客人皮膚狀況,根據分析結果後訂制出合適嘅護膚品,
仲有個人化皮膚護理程序,同時作出生活及飲食習慣等建議,
著實喺從內而外咁照顧皮膚需要。
剛剛由台北返嚟香港,可能因為陌生床都唔算瞓得好好,
再加上天氣影響同作息時間有所改變,睡眠問題困擾下,
或多或少皮膚都一定有所影響,
(當我旅行時諗起返工有一堆嘢要處理,就更加瞓得唔好!)
可見優質嘅睡眠真係非常珍貴。
晚間睡眠係皮膚最佳嘅修復時間,但無充足睡眠,
皮膚立即出現明顯問題,
例如呢排我皮膚比較暗淡、幼紋同細紋、甩皮等等,
同時間作息癲倒下黑眼圈深咗,睇落殘咗,而且皮膚復修都有所減慢。
dermalogica紓壓酣睡亮肌啫喱面霜 Sound Sleep Cocoon 50ml HK$998
全新dermalogica紓壓酣睡亮肌啫喱面霜就正正好啱我呢排嘅皮膚,
呢個面霜係一個活化護理啫喱面霜,可加速皮膚係晚間修復,
令肌膚每朝醒來都綻放剔透亮澤。
包裝同樣簡約,而面霜以泵裝設計,用起來好方便,
容易就能取得所需分量,用後向左一扭就能lock住面霜。
當中獨有嘅成份可以為肌膚帶來天然活性夜間修復功效:
合歡樹皮萃取 - 減少因缺乏睡眠而引致嘅皮膚鬆弛、黑眼圈同眼袋。
吳茱萸萃取 – 改善暗啞同肌膚表面嘅質感,回復煥白亮肌。
卡卡杜李欖仁萃取 - 含有豐富維生素C,幫助肌膚抗氧化,從而改善同提亮膚色。
亞參果 - 滋養肌膚,令皮膚變得水潤彈滑。
啫喱狀嘅面霜好易就被皮膚吸收,用後唔會覺得黏膩,
皮膚反而喺好滑好舒服,立刻覺得水潤彈滑。
只需要係晚間護膚程序最後一步,
將 1-2 泵嘅sound sleep cocoon均勻咁塗抹於臉部同頸部,
然後加以輕輕按摩,幫助肌膚吸收,
最後將手掩蓋鼻同嘴,深呼吸 3 秒鐘,就可以直接入睡。
一邊按摩塗上面霜,一邊覺得不但能舒緩肌膚,
而且當中淡淡嘅精油香氣亦令人覺得好舒服。
面霜採用精油智能活化技術,加入咗法國薰衣草油,
再配合檀香同廣藿香,同時加強嗅覺享受,
幫助進入深層寧神嘅睡眠,令肌膚更健康~
喺最後深呼吸 3 秒鐘嘅過程,真係非常relax,
嗅覺享受同時個人覺得真係可以幫助進入深層睡眠
瞓得好啲皮膚自然更健康更好啦。
你都想係晚間修護肌膚,全新紓壓酣睡亮肌啫喱面霜的確幫到手,
用後肌膚光澤又能夠去黃,絕對係美肌神器!
Facebook:www.facebook.com/dermalogicahongkong/
Website:www.dermalogica.com.hk
 Provided By Dear Beauty & dermalogica
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#dermalogica #dermalogicahk #SoundSleepCocoon #紓壓酣睡亮肌啫喱面霜