他們係喺台灣有多間分店嘅日式燒肉店，
店內裝潢走中式路線，以中式古門同窗花，以及燈籠營造復古中國味。
台灣分店店員好友善，除咗介紹食法之外，仲會同客人傾下計講下笑，
非常熱心，每次去到都會逐一介紹食物點處理同有咩推介～
以香港地嚟講店內空間都幾好大，除咗卡位同用餐區外，
仲同台灣一樣設有吧枱區，可以睇住店員燒肉。
因為店內設儲物櫃，客人可以按需要將隨身物品擺放係儲物櫃，
輕輕鬆鬆咁享用燒肉。
當然價錢上就會係有所提升啦，但加幅都合理，可以接受嘅！
有蔥花同洋蔥碎，仲有一碟檸檬汁，配以烤肉帶出另一番滋味！
達拉斯係招牌牛肉嚟，取自牛前胸肋骨中間位置，
由於每日嘅供應都有限，所以聽到一有當然要點嚟試下啦～
原來達拉斯係因因為胡同燒肉老闆特別鍾意睇NBA，
所以以球隊達拉斯命名，肉味濃郁又Juicy，好好食。
牛舌面頭鋪上大量葱花，加上肉質較薄身，入口清新，
不過個人覺得香港分店嘅牛舌無台灣咁好食，
牛舌燒完須要同葱花捲住食，
入口爽口但係肉味無咁濃郁，同埋無咁Juicy，比起台灣遜色一籌。
呢客蟹膏生干貝我每次去台灣必點兩客食，其實佢係帶子配蟹膏，
大大粒帶子刺身肥美肉厚，加埋蟹膏更能帶出鮮美！
不過係香港點就比較貴啦，要成HK$100一客，
但由於我太想回味呢個鮮美嘅味道，所以都點咗一客。
不過，呢客蟹膏生干貝食落雖然軟嫩但不太有鮮甜味道，
同樣比起台灣遜色一籌。
燒青椒好好食，雖然非常簡單，燒起來完全唔考功架，
但勝在店家嘅蔬菜都幾新鮮，食落鮮甜。
同樣燒得剛剛好，唔會話燒到好乾咁，
食完咁多肉當然要食多D蔬菜。
雖然呢份山藥比起平日嘅貴，不過個山藥略嫌燒得唔夠香口，
份量亦比較少，相比起台灣點兩份先係呢個價錢，
而且又燒得香口，著實有D失色。
但係全晚有店員幫手燒，唔洗自己親自落手烤肉，
再加上服務都很不俗，呢個價錢合理，
但相比台灣就無得比啦，嚟呢度叫做解下思鄉愁。
橘焱胡同燒肉夜食
尖沙咀寶勒巷3-7A號萬事昌廣場1樓102號舖
聯絡MsJovi：
