2017年12月3日 星期日

►► Pizza Maru・韓式滋味炸雞 ◄◄

打從由韓國返嚟,就無食過韓國菜,好掛住當地醬油蟹同埋炸雞,
係香港我未搵到一間好好食,拍得住韓國嘅醬油蟹,
但係炸雞我就搵到代表啦,絕對可以一解想念韓國之苦。
嚟自韓國超人氣嘅韓式pizza店 - Pizza Maru,價錢唔貴,
而且仲有好多韓國美食,炸雞、Pizza、年糕、小吃,個人認為值得一試。
店內提供咗多款Pizza,除咗特色手工皮邊可供選擇,包括金芝邊、摩卡邊等,
亦有Pizza Mara擁有專利權嘅綠茶薄餅
綠茶薄餅原來係採用咗綠茶、綠藻,
同埋12種穀物如黑麥、黑米、大麥同燕麥等混合物製作餅底粉糰,
健康有營養,仲好低脂低卡路里,啱哂貪食又怕肥嘅女生。
Lychee Makgeolli HK$68 (推薦指數:4/5)
香甜荔枝味飲品,調配得非常好,味道清新怡人,
但可惜飲唔到酒精味道,不過易醉嘅女生都可以飲呢杯Makgeolli。
Korean Crab TIan HK$118 (推薦指數:4/5)
這個韓風蟹肉塔味道很清新,拿來當餐前小吃最好不過,
蟹肉塔旁邊跟有幾片薄薄嘅黑麥包,旁邊還有沙律醬和檸檬,
可以沾一些配以蟹肉沙律同黑麥包一齊食,相當好滋味。
蟹肉塔底層為厚厚嘅蟹肉,中間一層則有大量青瓜絲,而面層同樣係蟹肉,
所以食落唔會覺得好膩,反而係好清新。
我呢個蟹怪當然唔會放過任何一個食蟹嘅機會,
呢個韓風蟹肉塔只係百多元但係好足料,個人推薦大家可以點呢個。
Snowy Cheese Fried Chick6pcs HK$98 (推薦指數:5/5)
芝士秘製炸雞真係超好味!!!!
個人覺得好味過我係韓國食過嘅一間大型連鎖炸雞,
本身擔心兩個人食6件會太多,不過愈食愈滋味,6件好快就被KO。
炸雞舗滿濃香嘅芝士粉,值得一讚係外皮粉漿唔會過厚,
所以無咩肥膩感,而且炸得好香脆。
內裡嘅雞肉非常Juicy,一點兒都唔乾,
加上肉質鮮嫩,著實每咬一口都能夠做到外脆內軟,必點炸雞!!!
Cheesy Maru Oppa(Regular) HK$118 (推薦指數:3.5/5)
香雞、車厘茄、烤肉醬、沙律醬、西蘭花、腸仔、芝士等等,用料十足,
為咗試試新嘢今次放棄點芝士邊,選擇咗綠茶薄餅。
由於烤肉醬太多嘅原故,所以有D遮蓋咗香雞同芝士嘅味道,
而且餅皮略嫌較為軟身,但整體味道仍然不錯,不過下次會點芝士邊食了。
埋單每人二百幾蚊,但係食到飽飽,而且食物質素又好,
我一定會係短期內再嚟食過,因為有好幾款炸雞我好想試~~
聯絡MsJovi:
ww.jovi@ymail.com / www.facebook.com/blogger.ms.jovi/