2018年7月29日 星期日

【Elizabeth Arden奇肌超導活妍系列 - 2018盛夏護膚新品】

Elizabeth Arden喺2016年推出奇肌超導活妍精華
當時都有同大家分享過,精華非常好用,
以豐富複合益生菌精華結合臻極天然植物萃取,
用後能維持肌膚表層菌群平衡,強化肌膚天然防禦力,
修復受損屏障同時啟迪細胞再生,
加倍提升後續護膚功效,令護膚成效事半功倍。
今個夏天,品牌再以益生菌糅合植物萃取,
推出全新奇肌超導煥膚面膜奇肌超導潔顏霜
由護膚第一步起促進肌膚內在防禦力,令肌膚由內而外綻放健康光采。

原來要維持肌膚健康、美麗關鍵取決於菌群與肌膚之間嘅平衡。
奇肌超導活妍系列以豐富益生菌群糅合天然純淨植物萃取成分,
促使肌膚同菌群之間達致完美平衡,從而提升肌膚持水度,令肌膚更顯明亮剔透。
奇肌超導潔顏霜 
SUPERSTART Probiotic Cleanser -Whip to Clay- 125ml HK$270

潔顏霜添加咗益生菌,有效徹底潔淨肌膚,強化肌膚天然防禦力,
仲有甘油、礦物粉紅泥同綠泥
好似磁石一樣吸走毛孔內雜質污垢,用後能維持肌膚持水力。
擠出嚟嘅潔顏霜有啲似礦物泥質地,但係好水潤嘅。
而且一遇水後,就會瞬即轉化為棉棉清潔泡,
但呢支潔顏霜用法有少少特別,唔係一般洗臉產品嘅用法。
用時需要係乾肌上均勻塗抹,等大概1分鐘左右,
就可以以溫水輕輕以畫圓方式按摩,直至轉化成泡沫,最後以清水洗淨。
我試用一個星期左右,覺得呢支潔顏霜可以袪除臉上簡單彩妝,
亦能將毛孔內殘餘雜質清除,重點用後皮膚可以保持水潤潔淨。
奇肌超導煥膚面膜 
SUPERSTART Probiotic Boost Skin Renewal Biocellulose Mask 4pcs HK$480

計落差不多成HK$120一塊嘅面膜有幾巴閉?
原來一片奇肌超導煥膚面膜嘅益生菌含量
比奇肌超導活妍精華多達2倍
仲結合埋透明質酸滋養成分,能瞬間補充肌膚表層益生菌含量,
促進菌群同肌膚之間平衡,以強化肌膚天然防禦力。
100%由植物萃取而成嘅生物纖維面膜
物料纖維比頭髮幼細達1000倍,無重剪裁敷時非常緊貼面部輪廓。
由於面膜比較貼薄,所以敷時記得放上面,對好面型後先撕走網面呀。
另外,除咗以上兩種主要成分外,仲具有Ceramides 1、3、 6、膽固醇、植物鞘氨醇,
能維持肌膚天然脂質屏障健康必要物質,有效賦活細胞,重煥肌膚緊緻彈性。
15-20分鐘後就可以取下面膜,面上仍有精華,所以可待肌膚吸收餘下精華,
隨後使用日常晚霜,敷面明顯皮膚更加白滑嫩滑,用後皮膚好水潤。
我覺得面膜嘅效果都可以keep到2-3日,因為敷完果幾日皮膚無咁乾,
上妝都易啲,不過由於價錢都比較高,所以我就約兩星期先捨得敷一次,
但如果有重要日子,不妨前夕一星期敷兩次左右,維持健康水潤肌膚!

Facebook:www.facebook.com/ElizabethArdenHK
Website:  www.elizabetharden.com

 Provided By Elizabeth Arden
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#SkincareGoals #ElizabethArdenHK

2018年7月28日 星期六

【美眉記大公開!BrowBrow Beauty Place】

好啦,來跟大家分享一個扮靚秘密,跟排好多朋友話我畫眉靚咗好多,
NONO!其實我唔係畫眉技巧好咗,而係去Brow Brow Beauty Place 度,
做咗佢哋獨家嘅「素顏眉」,效果真心超讚!
來跟大家公開分享我的美眉記~
早係上個月,去咗位於銅鑼灣嘅Brow Brow Beauty Place
吸引我嘅原因係佢哋獨創嘅「素顏眉」,呢個Level up咗嘅技術,
無咗好多傳統半永久眉嘅缺點,令我連素顏都總算見得下人,
化妝果陣真係慳返好多時間!
半永久化妝術款式愈來愈多,我之前都做過幾次,
但每次做完都會變深色,好似小虎眉咁,做完果幾日會有少少唔方便,
而且又會有流血結痂情況,過幾日會甩皮,有啲又唔濕得水喎。
而 Brow Brow Beauty Place 嘅「素顏眉」無呢啲問題,真心好方便效果又靚。
首先眉師會先幫我卸走眉妝,然後分析下我本身條眉嘅問題,
我除咗高低眉(好多人都會的!)之外,之前做嘅漂眉顏色都灰咗,
而且眉頭又唔自己,好似甩色咁,眉型睇落似男仔眉。
而且令我最唔開心係有一邊眉嘅尾端之前漂落咗,
從而搞到高低眉問題更加嚴重,睇落更唔對稱。
雖然一字眉一直好受歡迎,但係唔係話興就要整㗎嘛,
最重要係襯自己面型,效果先至自然美觀。
經過溝通下眉師會建議最襯我面型嘅眉型同長度
創造啱心水又自然嘅美眉。
整「素顏眉」前,大家可以明顯見到我高低眉問題,而且眉頭兩邊不一。
來多張close up畀大家睇清楚啲,眉尾部分更有少少甩色,
顏色睇落亦比較灰色,所以每日我都需要畫眉,唔能夠節省時間呀。
開始前,眉師會先用眉筆畫個眉型畀我睇,
問吓我鐘唔鐘意同埋係唔係我心目中嘅眉型。
由於我想正面水平線睇落高低眉問題無咁嚴重,
所以眉師好仔細咁幫我畫草稿眉型,盡量滿足我需要。
由於敷咗麻膏先整眉,所以過程真係唔太覺得痛,
只係feel到有嘢刮吓條眉咁,怕痛嘅女生都能接受呀。
當眉師整好咗一邊仲會即時畀我睇效果,真係令我好滿意。
Close up畀大家望吓當日我剛整好嘅「素顏眉」啦,
自然到好似用咗眉粉畫眉咁
而且效果一啲都唔死實,真心好鍾意。
為咗更加方便大家睇到個分別,我將before同after放咗一齊畀大家睇。
除咗雙眼變得更加有神之外,條眉變得柔和自然,效果好靚,
重點係改善咗我嚴重高低眼眉問題。
完成後記得頭兩個鐘頭唔好濕水就okay,效果自然到當日同朋友出街,
都無人覺得我整咗眉,睇落富有層次感
同之前出現黃小虎嘅過程大大不同,
即日已經可以正常洗面、卸妝,感覺太爽了吧。
療程後幾日都無出現甩皮問題,
亦真係完全無出現腫痛問題,
加上素顏眉比霧眉更為淺層, 基本上療程後頭一、兩日都無同事知我整咗眉,
只係個個話我眉型畫得靚咗( 暗笑XD) 。
效果可以維持約1至2年,呢家只係要加小小眼影畫條眼線就可以出街,
大大減低咗每日化妝嘅時間,而且瞓醒個樣睇落非常有神,
真係全靠條眉咋。
Brow Brow Beauty Place係我目前最喜歡嘅一間半永久療程中心。
其實我之前整過內眼線覺得整得好差,無信心再去整,
見到Brow Brow Beauty Place呢度有美瞳線同髮線,
遲吓睇吓會唔會再同大家分享啦。
想知價錢,以下係素顏眉、飄眉、美瞳線價錢同資料: 
http://www.browbrowhk.com/lp.pricelist/

Facebook:www.facebook.com/Browbrow.hk
Website: www.browbrowhk.com
 Provided By BrowBrow Beauty Place
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢

2018年7月23日 星期一

【必訪!Shiseido 一站式Beauty Zone】

前排同大家分享過全新Shiseido Ultimune Power Infusing Concentrate,
更不得不同大家分享位於尖沙咀全新嘅Shiseido Beauty Zone,
BA話呢個Beauty Zone裝潢同東京分店好相似,絕對係貪靚女生必check in。
門口嘅design經已令我覺得好靚,而且富有空間感,
原來Shiseido Beauty Zone劃分咗幾個區域
提供唔同服務,令我即刻急不及待即時要參觀一吓!
一入去就會見到「顧客休息區」,可以畀客人舒服嘅環境休息同等候。
極吸睛嘅「Shiseido Parlour」,呢個係東京銀座限定嚟㗎!!
點解咁講?原來 Shiseido 除咗護膚品同化妝產品外,仲有女生最愛嘅零食甜品,
味道仲好好,實在令人好興奮。
「美容區」設有獨立美容房間,畀客人一個舒適寧靜環境扮靚,
享受ME TIME,做個treatment 扮吓靚,同時relax一吓!
形象指導區」,化完一個美美嘅妝容點樣配搭衣著或者飾品呢?
又或者如何配襯適合自己嘅飾物同造型,提升魅力,
呢個區就可以畀你同三五知己齊齊上堂happy sharing。
呢度仲設有「Shiseido美麗教室」,不定期舉辦唔同嘅護膚或化妝指導班,
就算係唔係會員,只要有興趣都可以報名參加,絕對係唔能夠錯過。
除此之外,稱得上為一站式Beauty Zone,當然齊哂所有產品提供,
慢慢試清楚先至再入手啦~
全港首部「美容魔鏡」,即刻要試用一吓佢嘅魔力啦。
先利用Shiseido SKINsensor 進行5分鐘肌膚免疫力測試,
測試結果都算可以接受,成續比起以往好,證明勤力護膚有回報。
SHSIEDO SKINsensor係全球首個能檢測皮肌膚免疫力指數儀器,
只需5分鐘,就可準確感應肌膚免疫力指數、水份、黑色素、彈性、膚質年齡,
通通都一目了然,深度了解肌膚狀態,加以改善。
跟住美容顧問就會選擇出個適自己嘅產品同埋使用步驟。
最後仲會係螢幕上顯示出我哋嘅樣子,同時智能模擬正確塗抹護膚品步驟同手法。
測試可以追跡12個月免疫力指數變化,配合個人護膚指導,
度身訂造獨家「防禦X重整」修護方案。
每次檢測皮膚後,免疫力指數記錄同個人修護方案,會傳送給到個人電郵帳戶,
咁就可以隨時隨咁跟進肌膚狀態,方便每次肌膚檢測後同專櫃美容師詳細諮詢。
順帶一提,測試後仲有杯日本茶同Shiseido Parlour朱古力,
真係令人心情大好呢。你都想了解多啲自己肌膚需要?
快啲去Shiseido Beauty Zone潮聖啦!

Facebook:www.facebook.com/SHISEIDOHK
Website:www.shiseido.com.hk
 Provided By theztyle.com & SHISEIDO
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#ShiseidoHK #Ultimune #StrongerEveryday #Ultrahydration #肌膚回復水潤 #Ultrasmooth #肌膚再見細緻

2018年7月21日 星期六

【飲得到的Sleeping Mask!】

每日收工累都連paper mask都無時間敷,sleeping mask絕對係懶人一個好選擇,
但我今次想分享嘅sleeping mask,唔係用手塗,而係飲得到嘅!
講緊嘅係LANEIGE 全新膠原蛋白美肌飲
當中成分配合 5000mg 微分子膠原蛋白,可以高效滲透至肌底,
把握肌膚晚間黃金修復期,補充同時激活膠原再生,擴大肌底儲水空間,
修復缺水紋理,回復彈性緊緻,就好似飲得到嘅 Sleeping Mask一樣。
飲用咗兩個星期,足足14支,當然要同大家來一個分享。
成分入面有綠茶 GABA 成分,萃取自韓國頂級 AMOREPACIFIC 集團綠茶,
有助舒緩緊張同壓力,提升睡眠質量。
同時大家都知綠茶GABA可以高效抗氧,抵禦游離基侵害,預防膠原蛋白流失。
另外仲蘊含萃取自魚類優質膠原蛋白,極細分子量,
比起市面上較知名Collagen品牌喺萃取自豬嘅膠原蛋白折然不同,更易吸收。
唔講你唔知,原來肌膚由20 歲就會開始老化,每年身體流失約 1%膠原蛋白,
當膠原組織減少,肌膚就會失去承托而變得鬆弛,各種肌膚問題亦隨而來。
每盒膠原蛋白美肌飲有30小支,為一個月飲用量,
唔好見佢細細支得25ml ,成分入面仲有天然紅石榴含豐富維他命C同礦物質、
美國青提同伊朗椰棗,仲有埋意國紅橙等等。
以上種種成分都係有助促進膠原合成,抑制黑色素形成,
抵禦紫外線侵害同時中和有害嘅游離基,預防肌膚內膠原蛋白被損害。
呢一堆就係我呢14日儲嘅空瓶,
LANEIGE膠原蛋白美肌飲得諗係我飲過嘅膠原飲品入面味道最好,
甜甜酸球,唔會有怪味,飲用起嚟好舒服~
除咗可以生膠原BB之外,Collagen Drink嘅海洋深層水,
富含豐富礦物質同微量元素,所以飲用後可以達致高效補濕。
以往飲好多Collagen Drink都話係早上飲用,
皮膚黃金修復期其實喺晚上11點至凌晨2點,
喺呢段時間入身體同皮膚注入營養,效果可以更加好,
彷如飲得到嘅Sleeping Mask~
另外,一般女生每日新陳化謝會帶走5000mg膠原蛋白,
所以呢支LANEIGE Youth Collagen Drink好足夠補充營養,
改善肌膚狀況,淡化細紋,再加上有綠茶GABA成分,
飲用後仲可以瞓得好啲呢。
飲用咗兩個星期啦,由於比較短時期未有太大效果可以睇到,
不過我就覺得期經前後皮膚無咁乾燥同無咁易泛紅敏感,
而且皮膚睇落都幾有光澤,唔會太暗啞,持續飲用深信更好呢~
呢家凡購買3盒膠原蛋白美肌飲,可以額外免費獲贈20支,好抵呀!
另外,喺LANEIGE專門店、專櫃同香港官方網上商店購物更可享免費送貨,
快速安全配送,齊齊飲sleeping mask,捉住膠原,減慢流失啦。

你都想了解多少少: bit.ly/2IA0Vl9

Facebook:www.facebook.com/LaneigeHongKong
Website:www.laneige.com/hk/zh

 Provided By GI Laneige
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#飲得到的SleepingMask #LANEIGECollagenDrink #LANEIGEHK