上星我趁放假同家姐上咗Café 100 by The Ritz-Carlton，
品嚐春曉下午茶，仲喺天際100影吓相打吓卡，
當日天氣放晴，可以望住維港景色傾住計，
品嚐賞心悅目嘅甜品小食，真係幾relax，
畢竟呢段時間，特別年尾，真心身心疲累。
喺咁高同咁開揚嘅地方，享受一下悠閒時光，重點係好天氣時，
是但拎起部電話都可以影到靚相，絕對係香港打卡好去處，
而且下午茶更加係由The Ritz-Carlton酒店團隊精心設計呢。
對住落地玻璃窗飲住一杯香滑嘅咖啡，心情都特別好，
單係環境都經已值回票價。
咁靚嘅環境又有咁精緻嘅下午茶，
好難忍手，當然要不停咁影相。
四款咸點：
烤雞配橘子果醬，甘筍麵包
中式鹵水雞蛋沙律，迷你麵包
煙三文魚醬多士
烤蘑菇芝士蛋撻
四款甜品：
芒果布丁，芒果莎莎
荔枝玫瑰慕斯杯
朱古力紅桑子撻
英式鬆餅配果醬及奶油忌廉
因為當中嘅沙律比一般更入味，
而且仲更加有特式，食落更滋味又有層次。
煙三文魚醬多士味道非常滋味，
一口一個，作為下午茶咸點適合不過。
而且蛋撻好香滑，撻皮亦好鬆化，好香口呢。
而我最愛食嘅英式鬆餅，Café 100呢度做得不錯，
充滿奶香味，塗上一點奶油忌廉，入口係外脆內軟嘅口感，
我很喜歡這個呢。
芒果布丁，芒果莎莎味道酸酸甜甜，
似係布丁口感但食落又似係楊枝甘露，
入口充滿濃濃芒果味，咁多款甜點之中最深得我心。
仲有呢款荔枝玫瑰慕斯杯，
味道清甜仲要帶有荔枝果肉，口感好好，而且玫瑰慕斯非常香滑，一值呢個玫瑰同荔枝嘅配搭。
食物味道亦相當不錯，如果同朋我或者另一半輕鬆下，
絕對係一個唔錯嘅選擇。
Café 100 by The Ritz-Carlton
尖沙咀柯士甸道西1號環球貿易廣場(ICC)100樓天際100香港觀景台
聯絡MsJovi： ww.jovi@ymail.com / www.facebook.com/blogger.ms.jovi
