聯乘推出限量化妝品，每次都教人感到非常喜歡同意外。
教我最難忘嘅就好似藝術家村上隆、Super Mario Bros等等，
而今次就係同吃貨至愛嘅La Maison du Chocolat合作！
有多款型格且甜美嘅彩妝產品， 相信任何饞嘴美美都難以抵擋其誘惑。
包括眼影、唇膏、唇筆、眉 Gel 、睫毛膏、胭脂、多用途光影粉、卸妝油同香水。
原來Shu uemura 國際藝術總監 Kakuyasu Uchiide 本身就好鍾意朱古力，
而且仲好欣賞 La Maison du Chocolat 啲朱古力好似藝術品咁珍貴，
兩個品牌嘅理念都好相似，都係講求專業手工、嚴謹細緻態度同無限創意，
所以今次嘅合作係鼓勵別人由視覺、嗅覺同觸感，
全面感受朱古力嘅味道。
La Maison du Chocolat嘅莓味黑朱古力，好滑好香濃。
融入咗濃郁朱古力香味同色調，
用落真係有朱古力香味㗎，而且唇色仲好適合秋冬彩妝，能夠帶來甜蜜暖意！
塗上咀好滑好順，真係啱哂秋冬妝容，而且試過好多Matte唇膏，
呢款唔會乾到唇紋盡現，而且顯色度好高。
朱古力香味可以持續好一段時間，香到好似成嘴朱古力咁(為食～)。
以朱古力顏色作為包裝，仲印有是次聯乘品牌名稱呢～
塗上咀原來不難carry，反而帶出一點型格呢。
Ganache & Praliné Eye Palette眼影盒，
設計到好似一盒雜錦朱古力一樣，好可愛呢，
顏色靈感源自巴西、加納和格瑞納達嘅可可豆。
容易配搭唔同造型，除咗融入朱古力香味之外，
仲有 #Dark Cacao同#Framboise Berry兩種朱古力色調配搭選擇，
前者以啡調為主，後者就為酒紅色，屬於極大熱嘅大地色系。
哈哈哈，我就比較喜歡#Framboise Berry呢盒眼影色，
出嚟效果好持久又顯色，化妝新手都輕易能夠使用。
望落亦好似一粒朱古力咁呢，柔滑質地輕輕試上手亦非常上色又易推。
Shu uemura聯同La Maison du Chocolat 嘅 #deliciouscolors 彩妝系列，
將濃郁朱古力香味融入彩妝產品，再加上精緻型格包裝，快啲帶返屋企，
又或者買畀朋友做聖誕節禮物啦！！
Unlimited Rouge Supreme Matte豐盈啞緻唇膏 HK$220
Ganache & Praliné Eye Palette眼影盒 HK$500
Creamy Dome Blusher膏狀胭脂 HK$250
Website：www.shu-uemura.com.hk
Facebook：www.facebook.com/shuuemura.hk
