2017年12月10日 星期日

►► 日本蛋糕粉絲必試-Patisserie Mon cher金栗堂鳥卷 ◄◄

Patisserie Mon cher嘅招牌堂鳥卷一早加入咗我喜歡嘅蛋糕清單之一,
鬆軟嘅蛋糕加上入口融化嘅特製香滑忌廉,真係好滋味。
上星期六係中環搵完牙醫覆診,見到Patisserie Mon cher嘅蛋糕,
忍唔住買咗一條堂鳥卷返公司同同事一齊OT食,
要嚟做下午茶就最好不過~
又有Hello Kitty蛋糕、Melody 蛋糕,每一件都好吸睛,
本身想試宇治抹茶堂島卷,可惜當日經已無哂,真係好受歡迎。
最後,買走咗一條金栗堂島卷,平日通常都係買堂島卷,
見到加咗一粒粒大大粒嘅金栗實在太吸引啦。
金栗堂鳥卷嚴選3種北海道牛奶而製,再加上大大粒金栗同埋金栗蓉,
外層蛋糕非常鬆軟,表面再灑上白雪雪嘅糖霜,見到都覺得好幸福。
一條可以分大約五至六件左右,分完出嚟都幾大件,
二百蚊都唔洗就買到咁好食嘅日本蛋糕金栗堂鳥卷,推薦!!
鬆軟香甜嘅蛋糕外層,再加埋超滑又rich嘅日本牛奶忌廉,
仲有甜度剛剛好嘅金栗蓉,味道好夾,一點都唔膩,
而且蛋糕入面真係有一粒粒嘅金栗,口感升華咗唔少呀,
食完真係覺得好滿足,係日本食到嘅幸福味道呀~

P.s:下次要早D去買埋宇治抹茶堂鳥卷嚟試先得!
聯絡MsJovi:
ww.jovi@ymail.com / www.facebook.com/blogger.ms.jovi/

【 偽韓妹必試-Yadah Velvet Mood Matt Lipstick 】

冬天一到,除咗買新衫之外又係時候入下新化妝品。
乾燥嘅天氣用Matt色系唇膏好易出事?只要夠滋潤一樣無有怕。
來自韓國嘅Yadah Velvet Mood Matt Lipstick,啞緻得嚟又唔乾燥,
上色度高又自然,重點係韓國天氣咁乾都受韓妹大愛,所以必定要試試!
啞緻同潤澤兼備嘅Yadah Velvet Mood Matt Lipstick,
唇膏配方備有三種植物性保濕油
荷荷巴油、玫瑰籽油、可可種籽油等保濕復合成分,
所以用完之後唔洗擔心唇紋走哂出嚟~
總共有成9隻顏色選擇啱哂多心女
由溫和嘅玫瑰色系,粉紅、淡桃紅,至到鮮艷嘅大紅色都有,
而我今次選擇咗04 True Red 同埋 05 Funky Orange
韓國製造一支只係唔洗一百蚊,價錢上好抵玩。
共色兩隻顏色睇落分別唔算勁大,不過05 Funky Orange會帶偏橙,
所以用後會令妝容較為有活力,而左邊04 True Red 則女人味一點。
雖然肉眼睇嘅分別唔大,但係一擦係身背,就明顯見到個分別。
上面偏橙紅色係05 Funky Orange,而下面就係04 True Red。
05 Funky Orange
偏橙嘅紅色唇膏,唇色同埋膚色不會形成太大對比,
所以輕易能夠使用,而且一讚係唇膏滋潤和持久性都相當不錯。
每日都月有塗口紅習慣,當一不使用就感覺整個人看起來很沒有精神和氣色,
對於化妝嘅女生來說唇膏絕對係最重要嘅一部分。
而Yadah呢隻橙紅色唇膏,能夠輕易襯托膚色,令肌膚睇落無咁暗沉蠟黃,
韓國好多女生都會選用橙紅色唇膏,係因為好顯白呢。
04 True Red
永不過時嘅紅色唇膏,擦起來更加顯白,
所以每個女生家中都應該有幾支紅色唇膏對吧?!
如果好似我咁單單塗上一層,經已見到上色度好出色,
立刻提升紅潤感,令到原本簡單嘅妝容可以生色不少。
加上霧感暈染嘅質地,平日較少用紅色唇膏嘅我都很喜歡這支唇膏,
薄擦很自然, 不突兀,厚擦也好看,
即使平日返工穿上隨性衣著,也可以用上這支04 True Red。
Website: www.ewha-care.com
Facebook:www.facebook.com/Ewhacare/
 Provided By 梨花 Ewha Care
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢