2019年1月6日 星期日

【久美新寵!vivo V11詳細評測】

好多朋友仔都見到我呢排帶住兩部電話出街,
電話未壞點解又會買多部電話呢,全因vivo V11影相太出色,
令到我不得不乖乖入手帶回家,當係聖誕節禮物送畀自己!
信唔係太多人認識呢個品牌,小妹都係,若非去搞上台續約, 
手多多試玩都唔知有呢個咁正CP值又高嘅品牌。 
vivo係中國智能手機品牌,2011年推出首部智能手機,
根據2017年IDC數據,佢經已成為全球五大手機品牌。 
而今年亦成為中國智能手機銷量第三大品牌
早前亦係FIFA俄羅斯世界盃全球官方贊助商同指定手機品牌,
實在大有來頭同實力!
大家呢家用電話嚟不開都係上網、睇片同影相,
而令我乖乖入手呢部電話主要原因係V11個水滴屏設計
成個mon嘅視野更大, 睇片、上網都睇得更爽。
V11電話一早經已痴好mon貼亦備有保護套,
所以一買返嚟叉叉電就即刻可以用,呢部機有雙引擎快速充電,
由0-100%叉電只需要1個鐘頭多啲,叉電快D慳返D時間,
所以買完返嚟食個lunch就叉爆電啦。
相比其他M字額嘅屏幕,呢部vivo V11有6.41吋水滴屏
Super AMOLED全高清顯示,只係保留前置鏡頭喺屏幕上,
配合超窄邊框 ,用落令視野更廣闊,要嚟打機或者睇片一流。
另外值得一提嘅係V11 加入
「屏下指模+面部識別」嘅混合認證方法
兩者同時啟用就可以將解鎖時間縮短,好方便,屏幕指紋用落仲好有科技感。
我咁鍾意影相,入手呢部vivo V11就當然因為影相靚,
啱哂我呢啲成日鍾意自拍同四圍影嘅人。
前置高清2500像素鏡頭,可以配合3D美顏。
獨立咁幫五官進行立體美化、逆光拍攝模式,
令自拍效果自然相片又清晰,
影完相之後唔洗再花時間執相就經已可以post得,實在太方便!
逆光拍攝效果好靚,而且仲內置咗好多濾鏡tim,細緻度高,值得一讚。
其實內置前鏡頭已有少少美肌效果,但係我本身皮膚比較多瑕疵,
當然採用前置AI美顏鏡頭啦~
而V11嘅主鏡頭方面就採用Dual Pixel(雙核像素),
所以令感光能力大增,對焦速度快。
每張照片都好清晰,就算背光影相都無問題。
真心推薦如果喜歡影相嘅朋友不妨考慮一吓,
日光相片清晰、銳利,個人覺得就好似帶咗部相機出街咁方便,
想點影就點影,以3千幾蚊呢個價錢相信連一部好少少嘅相機都未必入手到。
用V11唔洗推高ISO,只係簡單拎起影相,都經已影到靚相,
咁係因為內置嘅AI拍攝功能,會自動偵測場景而選用合適拍攝設定,
就算平日影相唔叻嘅朋友仔都無難道。
再加上主鏡頭擁有1.28μm單像素尺寸以及f/1.8大光圈,
令到相機感光能力大大增強,就算室內唔太光嘅地方影相,
相片效果同樣不錯。
就算喺唔夠光嘅環境底下影相,推高少少ISO,
相片依然見得吓人,色準不俗,唔會濛查查!
身為一個foodie,當然四圍食四圍影,呢部vivo V11真係好滿足我拍照需要,
鏡頭利用咗AI嘅能力,識別所要拍攝內容,無論係食物、植物定人像,
效果好自然,所以我呢家出街同去event都無再帶相機,直接帶呢部電話就得。
同朋友食飯,佢用A字頭電話影相,我就用Vivo V11影,
影出嚟我唔需要再用apps執相同顏色,就可以直接post得,
比起佢影完相又要推光、再執色同細緻度,入手呢部電話後我大大節省唔少時間。
V11採用全新AI暗光演算法能夠瞬間獲取最多高達6幀嘅圖像,
再進行智慧優選演算法合成,能夠大大降低暗光環境保證拍照質素,
仲可以還原更多畫面細節,前排同男友食飯,
見到夜影好靚,隨手影一張都令我好滿意。
3千幾蚊雖然唔係話一個平到唔洗考慮嘅價錢,
但我試過上手、摸過外型之後,絕對認為呢個價錢十分「合理」,
如果大家有睇開我嘅分享,呢大半個月我所有相片都係用vivo V11影㗎,
只係無刻意開機身水印畀大家知。
可能你會問點解無啦啦咁急買部電話,哈哈,
因為聖誕節,想送一份禮物畀自己好好慰勞一吓自己,
而且聖誕節要去上海玩,生日又有birthday trip,
唔想咁重帶部相機,呢部電話真係好選擇,
因為機身輕巧又夠薄,帶去旅行絕對無問題。
順帶一提,V11採用真三卡槽設計,備有獨立嘅microSD記憶卡插槽,
到時點影同用Wi-Fi電話卡都好方便,大家記得留意吓我嚟緊生日之旅嘅相片啦。
Facebook:https://www.facebook.com/vivohongkong/
Website:www.vivo.com


聯絡MsJovi:
ww.jovi@ymail.com / www.facebook.com/blogger.ms.jovi/