2019年11月3日 星期日

【Giorgio Armani Beauty藍珠光訂製配方．全新DESIGNER LIFT設計師光感粉底液SPF 20/ PA+++】

有用過Giorgio Armani Beauty嘅粉底液都知道好用，
早前深受大家愛戴嘅DESIGNER LIFT粉底液，
推出咗全新DESIGNER LIFT 設計師光感粉底液 SPF 20/ PA+++，
蘊含藍珠光訂製配方，主要針對暗黃膚色，最適合黃皮膚嘅人使用。
我最喜歡Giorgio Armani Beauty嘅簡約設計，高貴又大方，
加上一個標誌性logo，完美演繹低調奢華。
品牌嘅粉底液我大大話話都用清光過三支，係用到一滴都無，
可見我覺得有幾咁好用啦。
今次仲收到EYE TINT薄紗眼影液同魅惑攝人持久眼線筆，
絕對係換季必入化妝品之選，等我同大家分享一吓啦。
DESIGNER LIFT 設計師光感粉底液 30ml HK$590
藍色logo設計象徵着最標誌性嘅普魯士藍珠光獨家成分，
黑色瓶蓋搭配磨砂質感玻璃瓶身，比起平日包裝更貴氣。
普魯士藍色有一個特點， 就係能加強黑色同白色，
活化呢兩種色調， 能完美咁平衡青光鐵藍嘅色度，令白色更光亮。
由於蘊含藍珠光訂製配方，所以化妝時可以瞬間修正皮膚觀感，
令肌膚睇落更柔滑，膚色更通透明亮，顯得無咁暗啞。
加上蘊含多種活性成份配方能帶來三重效果：
柔滑塑型、即時提昇同緊緻修護。
粉底液質感輕盈順滑，同時具備中至高遮瑕度，
用後唔單止自然貼服，妝效平滑持久，
明顯可以改善我膚色不平均問題，
就算暗瘡印都可以同時遮蓋得好好，效果真係非常理想呢！！
DESIGNER EYELINER 魅惑攝人持久眼線筆 HK$250
細緻嘅眼線筆用後極推薦，化妝時可以精緻準確，
輕易塑造出不暈染、不脫色、不起皺摺嘅均勻眼線。
採用獨特水感配方同極致精細的掃頭，可描劃精準Cat eye，
一讚係防水度高，持久力又強，能夠長時間12小時持久不脫色，
就算去街去足一日都唔怕會溶妝，美妝新手必備！
EYE TINT薄紗眼影液 HK$240
Giorgio Armani Beauty為呢款眼影液重新設計新形象啦，
同時仲創製出9 款全新時尚色調，當中包括金屬幻影色系，
為眼影、眼線筆同光影筆三合一嘅突破性彩妝產品。
推出至今咁受歡迎係因為其獨特處在於革命性科技 — 智能眼影薄膜。
獨有嘅水分色素懸浮科技，均勻散佈極細珍珠微粒喺配方中，
能長時間都保持妝效，絕不暈染脫色，同時質感順滑，
用後能帶來非凡亮麗妝感，輕易地塑造出輕透時尚眼妝。
可以幾隻顏色配搭使用，又或者單獨使用都可以，
其嶄新設計嘅掃頭，微微向前傾嘅設計可以好精準塗抹係眼窩位置，
連眼肚位置都照顧周到。
眼影顏色十分顯色，薄薄一層已經好上色，
輕輕幾點就可以化出好自然嘅眼妝，好推好用！
如果晚上想輕輕轉妝，加深點多幾點就可以，
隨時隨地演繹你嘅心情，絕對會令你一試愛上呀！
用完全新DESIGNER LIFT設計師光感粉底液，
影相時輪廓明顯更立體，而且皮膚睇落好光澤通透呢。
Giorgio Armani Beauty無論係底妝定彩妝產品，
效果都令人相當滿意呢。
Website： www.giorgioarmanibeauty.com.hk
Facebook：www.facebook.com/armanibeautyHK
❝ Provided By GIORGIO ARMANI Beauty❞ 
聯絡MsJovi： ww.jovi@ymail.com / www.facebook.com/blogger.ms.jovi
Blogspot She Elle BeautyExchange 
免責聲明: 是次產品/產品資料由品牌提供, 本文章內容屬個人意見及感受,
並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢 
#ArmaniBeauty #DesignerLift #GiorgioArmaniBeauty #EyeTint 
張貼者： 於 沒有留言:
標籤： , , , ,

【貫徹天然健康美膚理念 - BORGHESE炫目潤澤唇釉及睫毛膏登場】

相信大家同我一樣，屋企有好多唇釉唇膏，
咁係因為每支唇色都代表著住唔同心情、又可以襯托不同造型，
不過日日化上唇妝，對我嚟講如果唇妝可以有護膚成分更合心意。
BORGHESE貫徹天然健康美膚理念，早前推出結合護膚成分，
全新一共有8色嘅炫目潤澤唇釉，
色澤鮮明，用後散發炫目光芒。
BORGHESE炫目潤澤唇釉 HK$240
獨有配方提升持色度，蘊含多種天然植物油同植物萃取精華，
絕無化學成分，能為雙唇保持水分迅間撫平唇部紋理，
可以全日鎖色，打造光澤唇妝，持久度倍增。
唔同色調嘅唇色都帶比人不同感覺，
而炫目潤澤唇釉系列共有8色，
今次收到呢4隻顏色都好靚好易平日carry到，
加上質感順滑易推，有效滋潤乾燥雙唇，
隱藏同時撫平修飾唇紋，令唇妝性感順滑柔潤。
一次過試哂上手畀大家睇先，唇釉色澤鮮明，
散發炫目光芒，顯色度極佳，單塗上一、兩層咁就出色，
特別適合唇部皮膚容易產生唇紋同埋起薄皮皮膚嘅女生們，
就算用足全日同補妝後，都唔會令雙唇會有死皮或者好乾燥。
#Devotion 色
呢款豆沙粉色係我最喜歡嘅顏色，自然易襯，
唇釉成分有維他命E、蘆薈、二氧化矽同天然礦物等等，
有助改善乾燥所影響紋理，可以盈造豐厚感覺。
顏色好易襯，用後帶有一種溫柔婉約感覺，
比傳統一般唇膏更水潤，可輕易打造甜美感覺。
#Disco Kiss 色
想唇妝有閃令令效果，就要備有呢支Disco Kiss色啦，
用後令雙唇充滿亮麗水感光澤，
睇超好飽和又漲卜卜，迷人光澤感相信望落更動人！
#Darling 色
呢款唇釉同樣可以打造持久8 小時保濕潤澤，
顏色方面係比較成熟嘅酒紅色，塗後同樣不黏膩，
如果化一個簡單嘅妝容配上呢款唇色，效果相當不錯呢！
#Royal Flush 色
橙紅色唇釉用後令人感覺神采飛揚，單睇唇色好似平日較難carry，
但塗上嘴唇後，發現吸睛率滿分，一顰一笑都能牽動眾人目光呢！
極緻豐盈全效睫毛膏 HK$210
眼睛係靈魂之窗， 所以妝容上除咗唇部好重要，眼部亦不可忽視。
呢支睫毛膏成分天然，無添加有害物質，獨特嶄新配方輕盈具彈性，
能令睫毛膏包裹每一根睫毛，妝效持久，可以預防暈染，
用完之後唔會出現熊貓眼問題。
用後可令睫毛自然向上捲曲，雙眼睫毛濃密纖長，
色澤濃黑鮮明，能為眼神大加分！
❝ Provided By BORGHESE❞









聯絡MsJovi：



ww.jovi@ymail.com / www.facebook.com/blogger.ms.jovi/




















免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,























如需協助或希望獲得更多有關產品資訊, 請直接聯絡該品牌查詢 

#Borghese #Borghesehk #炫目潤澤唇釉 #極緻豐盈全效睫毛膏
張貼者： 於 沒有留言:
標籤： , , ,
訂閱： 文章 (Atom)