2018年2月28日 星期三

【 Caudalie French Kiss滋潤抗氧護唇彩-打造kissable lips 】

甜蜜Kiss Kiss Kiss~
冬天最怕嘴仔太乾,因為睇落多唇紋又易甩皮。
Caudalie最近推出咗結合透亮色彩與抗氧專利成分嘅 
French Kiss滋潤抗氧護唇彩,
唔單止為雙唇帶來天然呵護,潤澤雙唇,同時作出抗氧修護。
最令人觸目嘅係護唇彩糅合咗Caudalie專利成分葡萄籽多酚,
97%天然配方,不含羥基苯甲酸酯,硫酸酯或鄰苯二甲酸酯,
所以平時食嘢時唔小心同其他食物一齊食入口都唔洗怕,
再加埋極好嘅抗氧功效,輕鬆打造kissable lips~
三款誘人色調包括:
Addiction紅桑梅色
Séduction淡玫瑰色
Innocence嫩粉紅色
滋潤抗氧嘅護唇彩成份天然,所以可以一邊扮靚一邊滋潤修護雙唇,
用咗一排唇紋同甩皮嘅問題都大大減少。
唇妝同潤唇護理二合為一,啱哂懶惰嘅女生,
而Caudalie護唇彩表面嘅天然蜂蠟能夠係唇上形成保護膜。
只要係護唇彩上輕按並打圈,直至蜂蠟脆衣同底下由天然蓖麻油、
葵花籽油同蘆薈製成嘅護唇彩融合,就會呈現軟滑滋潤質感,
好似法國美味嘅法式焦糖燉蛋般引人,來一個甜蜜Kiss Kiss!
Innocence嫩粉紅色
帶有輕輕香草同埋橙香嘅Innocence能自然地提升雙唇光澤,
締造年輕柔軟豐滿嘴唇。
喺冬天可以減少唇紋及脫皮,係冬天時不能缺少嘅隨身小物。
用時只需要打圈沾取,再輕抹,然後KISS!
Séduction淡玫瑰色
同樣帶有淡淡香草香氣,用起來時實在好舒服,
同時間令唇形能夠更精緻明確。
平日化一個淡妝如果想睇落氣色更好更有粉嫩感,
不妨可以用Séduction淡玫瑰色呢款。
雙唇睇落好粉嫩,仲有減齡效果,
而其光澤既效果令雙唇睇落更飽滿,飽滿度提升不少呢。
我就最鍾意放假同平日淡妝時候用,淡淡嘅粉色,
少女感的確大增!
Addiction紅桑梅色
紅桑梅色嘅色調係三款之中最顯色嘅,
能夠帶出一份自信嘅女人味。
質地順滑易塗,輕易能令到唇部性感有魅力,

簡單嘅美妝再配以性感水嫩紅潤美唇作為主角,
令人著迷同時又可以顯現出如巴黎女生嘅妝容,
看似自然隨性,卻舉手投足都散發優雅女人味嘅時尚風範,
色澤艷麗迷人。
如果想睇落更加精神更加迷人,
我會先以Caudalie嘅Addiction紅桑梅色打好底,
再係唇峰位置加入較紅嘅唇色,打造花辦唇妝!

Caudalie French Kiss滋潤抗氧護唇彩系列7.5g 售價HK$118
Website:http://hk.caudalie.com/
Facebook:www.facebook.com/CaudalieHK/
 Provided By Caudalie
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#FrenchKiss #Caudalie #CaudalieHK

2018年2月26日 星期一

►► 食過翻噚味-和牛燒肉‧純 ◄◄

自從上次食完和牛燒肉‧純之後,真心覺得好好味,
特別一讚係佢地嘅lunch set價錢合理而且非常高質素,
因為呢度嘅肉類供應全部源自日本政府嘅所屬農業組織,
農產經屠宰後再直接冷藏再運送嚟香港,同係日本食無分別!
正宗日式燒肉店,地方整潔而且通風亦都好好,
所以每次食完件衫都唔會有一陣味。
其實呢度除左主打和牛燒之外,
仲有刺身、沙律、壽司、壽喜燒等等,好多唔同種類嘅嘢食。
所以食和牛之前,先食一客沙律做starter,
有青瓜生菜等食落新鮮爽脆,加上紫菜碎及醋汁,
沙律嘅醋汁令到胃口大增,非常醒胃,雖然份量唔多但係對我嚟講啱啱好。
嘩~
見到和牛拼盤就流哂口水啦,最喜歡就係拼盤會有蔬菜伴旁,
可以食和牛時清下油膩感!
特選日本產和牛肉眼 HK$550 (推薦指數:5/5)
真心推薦每次必嗌和牛肉眼,油脂豐腴入口即溶再加埋濃郁牛味,
實在叫人欲把不能,每一口都覺得感覺相當幸福。
油脂分佈極好,所以只需要燒一會就能夠入口,
燒後只要加入少許鹽調味就可以帶出和牛嘅鮮味,
食落完全無筋,轉眼間就已經融化,入口齒頰留香。
日本產和牛牛排肉 HK$320 (推薦指數:4/5)
牛排肉雪花同樣都好細密,
所以個人覺得呢個和牛牛排肉絕對係超值之選,
而且會比較有口感,食落實在好多!絕無欺場。
日本產和牛上牛排肉 HK$205 (推薦指數:4/5)
上牛排肉肉質好厚身,而且紋理平均,
燒後肉汁仍然能夠保存得好好,同樣好好食,
所以我享用和牛燒肉‧純嘅和牛都唔喜歡沾任何調味,
基本上簡簡單單加入少許鹽經已好足夠。
牛舌 HK$108 (推薦指數:3.5/5)
薄切牛舌比起店內嘅厚切牛舌當然會比下去,但係以呢個價錢來說,
份量上都算係幾足,不過牛味同樣幾濃郁下,唔錯。
冬天食燒牛,當然少不了叫多個白飯食,真係好滋味!
雖然呢度每個白飯要成HK$30,不過用日本珍珠米煮成,
都係物有所值嘅,因為日本米煮成嘅白飯真係勁有嚼口同米香。
巨峰同荔枝梳打 HK$55(推薦指數:3.5/5)
再加埋同男友一人一杯嘢飲,呢餐真係好滿足,
飲品清新解渴得嚟又唔算太甜,成餐飯由飲品至主食都好滿足!
相信我又好多再嚟食多次㗎啦~~
聯絡MsJovi:
ww.jovi@ymail.com / www.facebook.com/blogger.ms.jovi/

2018年2月25日 星期日

【 Kiehl’s創先河-瞬效滋潤活肌精油面膜 】

面膜能夠融合三種冷壓式亞馬遜植物油而成?
作為面膜控見到有新嘢當然要快人一步試試!
講緊嘅係Kiehl’s瞬效滋潤活肌精油面膜,
以三種來自巴西亞馬遜​森林嘅冷壓式​植物​油,
直接注入水凝膠生物纖維素面膜材料,
呢排天氣又乾又凍,當然要試試睇下可唔可以滋潤一下肌膚啦。

Kiehl’s瞬效滋潤活肌精油面膜(Instant Renewal Concentrate Mask​)
HK$270 一盒4pcs
面膜中嘅三種冷壓式亞馬遜植物油分別為巴卡斯果油 (Pracaxi Oil) 、
苦配巴樹脂油 (Copaiba Resin Oil) 及 安第羅巴果油 (Andiroba Oil) ,
精華能能紓緩肌膚、為肌膚補充養份,用後令肌膚感覺滋潤,
並能覆蓋肌膚表面形成保護層。
以綠色為主嘅包裝非常清新,
而包裝袋外更印有清晰嘅成份標籤、使用方法同埋使用步驟圖。
面膜以兩片式設計,而質料上與傳統面膜很​不同,
瞬效滋潤活肌精油面膜採用特別嘅水凝膠生物纖維素材質,
能使精油成分更迅速滲透肌膚,可以舒適地緊貼各種臉型,
同時精華液不會隨面膜滴​下,所以可以一邊做嘢一邊敷面膜~
係清潔肌膚同埋爽膚後使用,用嘅時候只需要小心打開面膜,
然後除去背後透明膜,先敷用上半片面膜,再從面部中央向外撫平面膜;
跟住就可以敷上下半片嘅面膜,重複撫平動作就可以。
面膜十分緊貼肌膚,敷上後感覺好舒緩同埋好滋潤,啱哂呢排天氣,
雖然面膜以冷壓式植物油製成,但係用嘅時候一點都唔感到黏膩。
敷上大約10分鐘後就可以卸下面膜,
輕輕按摩剩餘精華,直至肌膚完全吸收就可以,每星期最多使用 4次。
使用後肌膚明顯立刻有光澤、細緻柔軟,
跟平日敷嘅面膜實在好不一樣,完全無厚重或油膩感,
質感輕盈真係好舒服。
想為肌膚提供強效嘅修護新體驗,
不幼試試Kiehl’s全新瞬效滋潤活肌精油面膜,
一星期敷上一次,為肌膚提供即時滋潤,令肌膚透現水潤!
Kiehl's Website:www.kiehls.com.hk/
Kiehl's Facebook:www.facebook.com/KiehlsHongKong
 Provided By Kiehl's
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#KiehlsHK #InstantRenewalConcentrateMask #InstantGlowHK

2018年2月17日 星期六

【 philosophy-time in a bottle基因修復再生眼部精華】

每個人都必經衰老,可是能透過修復來減慢衰老,
就係選用對嘅護理產品同埋健康生活。
而眼部肌膚天生薄弱亦最易反映衰老問題,
為咗防止眼部容易洩漏年齡秘密,一定要預防同做好修護。
philosophy 升級版time in a bottle基因修復再生眼部精華,
透過全新嘅全方位技術,解決眼部肌底問題,
以打造更柔滑、緊緻、有彈性嘅眼部肌膚。
成分中嘅獨家微脂體複合物同埋4大酵素,
能修復皺紋形成同時提升眼部肌膚緊緻度。
同時當中嘅高效維他命c8同專利抗氧化複合物,
能更新肌膚自我保護,免受游離基損害。
另外,喜馬拉雅山紅米、紅葡萄發酵萃取物同車前葉萃取物,
亦可以幫助抵禦老化跡象。
按壓式泵裝易於按取適當份量,
使用起上來方便不過~
粉色乳液狀眼部精華質感非常水潤,
絲滑質地很易就被推得開開,
清爽又易滲透,唔會引起油脂粒等問題。
帶有冰涼嘅感覺用起來好舒服,其滋潤度亦很好。
每次使用眼霜時我都會順道幫雙眼按摩做下運動,
加強眼周肌膚血液循環,同時亦加強精華吸收效果。
Keep住使用雙眼明亮有神,清爽又易滲透,
用咗一排覺得眼部乾紋有改落,就算收爐幾忙都睇落無咁累,
眼部護理真係好重要,一定要守護眼周肌膚,
姐妹們記得養成護理眼部習慣呀!
philosophy升級版 time in a bottle 基因修復再生眼部精華15ml HK$475
Facebook:www.facebook.com/philosophyhk/
Website:http://www.philosophy.com/

 Provided By philosophy❞
聯絡MsJovi:
ww.jovi@ymail.com / www.facebook.com/blogger.ms.jovi/

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#基因修復再生眼部精華升級版 #philosophy #timeinabottle #philosophyhk