2018年11月20日 星期二

【Caudalie|Thé des Vignes聖誕前夕做好抗氧化準備】

聖誕將至,我經已開始搜羅禮物送畀朋友同家人,
而Caudalie全新Thé des Vignes 白麝香身體護理系列,非常芳香滋潤,
以珍貴天然嘅葡萄專利成分悉心呵護敏感肌,並透過浪漫香氣,
令人可以喺使用時放慢腳步,享受絲滑柔和嘅觸感同清新動人香氣。
高度天然嘅全新身體護理系列絕對係厚待肌膚恩物,
以獨家專利成分葡萄籽多酚同葡萄籽油提煉而成
再蘊含豐富保濕、抗氧化活性成分,成分仲不含有害防腐劑、
笨氧基乙醇、聚矽氧烷、礦物油、 鄰苯二甲酸酯、
硫酸鹽或動物等有害化學物,連敏感膚質或者孕婦都適合使用,
送畀愛好天然嘅朋友最合適不過
一口氣收到Thé des Vignes白麝香美肌護理油、白麝香滋潤抗氧潤膚乳、
白麝香滋潤抗氧潤手霜,可以好好享受屬於自己嘅時光,
再加上浪漫醉人嘅紫紅色包裝,可以趁住工作過後時間,
好好寵愛自己一吓,實在太幸福了吧~
Caudalie白麝香滋潤抗氧潤手霜
Thé des Vignes Hand and Nail cream 50ml HK$110
98%天然高效配方,包括獨家專利成分葡萄籽多酚、紅酒酵母®,
所以功用不容置疑,而且細細支放喺Office或者手袋都得,出街時用都好方便。
成分仲配合葡萄籽油、有機公平貿易乳木果油、牛油果同橄欖油複合物,
可以高效滋潤同時抗氧化,仲能夠強化指甲
我成日做gel甲,甲邊位置比較乾燥,呢支潤手霜可以有效滋潤乾旱雙手。
細緻嘅乳狀質地好易就能夠畀肌膚迅速吸收,感覺被滋潤成分包裹著,
好滋潤,但係用完雙手唔會笠痴痴,所以質地非常討好,
再加上白麝香、橙花、茉莉同薑酒等清新迷人芳香香味,
用後心情更加好,喺Office有時做到好累時,
聞一聞其香味好治癒呢
Caudalie白麝香滋潤抗氧潤膚乳
Thé des Vignes Nourishing Body Lotion 200ml HK$198 / 400ml HK$290
96%天然高效配方,同樣蘊含專利成分葡萄籽多酚、葡萄籽油、
銀杏葉萃取、芝麻油同琉璃苣油,
可以協助對抗老化、促進肌膚更生
深層保濕,紓緩轉季或者冬天時皮膚嘅乾燥不適。
唔單止係冬天,一年四季我都好著重使用潤膚乳,
因為本身我嘅皮膚比較乾淨又易敏感,增加皮膚水分絕對能減低敏感情況,
所以Body Lotion真心唔可以因為懶惰而唔用。
質地輕盈滋潤而又唔黏膩,比起潤手霜更加水潤,
能迅速滲透肌膚,用後皮膚好軟滑,著短裙去party都唔怕。
最令我欣賞嘅係其獨特香調揉合白麝香、橙花、茉莉同薑酒,
香氣同潤手霜係一模一樣嘅,成set咁用,好舒服令人好relax,
可以令肌膚留下細膩誘人嘅淡淡香氣。
Caudalie白麝香美肌護理油
Thé des Vignes Body & Hair Nourishing Oil 50ml HK$180
呢支美肌護理油絕對係我近日新寵,用後可滲入肌膚底層,
作出深度滋養,強化同促進肌膚更生。
同時可紓緩肌膚因乾燥而引起嘅痕癢、脫皮、繃緊等問題,
好適合乾燥至極乾嘅膚質,而且我仲發現佢有多個用法!
獨特天然配方蘊含強效抗氧化嘅專利成分葡萄籽多酚,
各種珍貴植物油,例如:葡萄籽油、特級初榨洛神花油、
特級初榨堅果油、乳木果油同芝麻油等等,仲無防腐劑同矽樹酯。
護理油質地輕柔清爽不黏膩,就算早上返工前使用,
都唔會覺得油笠笠,反而皮膚好夠滋潤,有一層薄薄嘅保護膜咁。
有效多功能調理面部或者身體肌膚、指甲、頭髮,
仲可以當作沐浴油或按摩油使用,照顧到全身需要。
我習慣沖涼後皮膚喺半濕狀態下,即刻用護理油、滋養肌膚底層,
再搽上潤膚乳鎖緊皮膚水分,雙重修護肌膚。
我會喺夾髮造型前輕輕塗抹喺髮尾位置,
修護毛燥髮尾同時先打好個底,避免頭髮因造型而受損。
另外一個小貼士分享畀大家,就係可以喺瞓係腳板底塗上一層護理油,
再加厚厚一層潤膚乳,然後著襪睡覺,可以幫手軟化腳部皮膚,
重複進行幾次,死皮大大改善,腳跟位置滑好多!!
芳香滋潤嘅Thé des Vignes白麝香身體護理系列,
可以令你由頭到腳都得到呵護,絕對係冬天嘅恩物。
送畀朋友或者自己,獎勵一吓成年嘅努力啦~
Website:http://hk.caudalie.com/
Facebook:www.facebook.com/CaudalieHK/
 Provided By Caudalie 
聯絡MsJovi:
ww.jovi@ymail.com / www.facebook.com/blogger.ms.jovi/

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#GrapePower #CleanBeauty #GrapeBeauty #CaudalieHK