護膚品亦都係相當重要一環，早前我就收到Lancôme立體塑顏緊緻系列，
星空紫色嘅包裝非常吸睛，可以同時抗皺緊緻、舒緩同修復肌膚。
新產品仲要香港率先有售，大陸未有售，深信一推出定必被搶購。
立體塑顏緊緻修護乳霜Rénergie Multi-Cica Anti-aging Repair Crème 50ml HK$820
立體塑顏緊緻面膜Rénergie Multi-Lift Masque 75ml HK$700
成個系列都幾銀同星空紫色為主，放喺屋企見到都心情大好，
無法啦，紫色就係有一種迷人嘅力量。
Rénergie Multi-Cica Gel Apaisant 3ml X 7 HK$700
以獨立支裝設計，一次用一支，一共7小支嘅修護啫喱，
專門針對乾燥、痕癢、 泛紅同敏感皮膚。
據說只需要用7天，肌膚就可以得以鎮靜舒緩！
小巧設計非常方便，就算持去旅行都唔會阻位，
加上面膜剛剛好嘅分量，絕對係懶人好物。
用嚟紓緩做完光學或有熱力 treatment後嘅皮膚就最好不過。
所以敷後皮膚好舒適，發揮深層舒緩功效，
又可以改善乾燥繃緊泛紅問題。
只需要洗面後全面敷上，靜待 10 分鐘後沖洗即可。
另外比較乾少少嘅位置就再揸厚啲！
有效改善繃緊泛紅，特別係做完光學後用，明顯皮膚無咁乾燥。
Rénergie Multi-Cica Anti-aging Repair Crème 50ml HK$820
專為修復肌膚屏障功能而研製同時結合咗立體塑顏緊緻系列嘅抗皺緊緻功能，
配方採用Up-Cohésion 科技，糅合啟發自太空生物科技嘅活性成分，
高科技複合物蘊含鳥苷，呢個成分係透過生物科技萃取喺細胞中嘅分子，
具有幫助提升皮膚基礎支撐纖維結構特性。
同埋積雪草萃取物成分，積雪草呢個成分以舒緩特性著稱，
之前都有同大家分享過，超喜歡呢個成分，
同時乳霜再結合埋因舒緩同修復能力好高嘅維他命原 B5。
幼滑嘅質地一揸就可以吸收，皺紋確實有即時減淡。
相信長期使用，緊緻嘅輪廓離我不遠呀！
Rénergie Multi-Lift Masque 75ml HK$700
雖然呢件產品叫做緊緻面膜，但係用後係唔需要過水嘅！
嶄新科技蘊含17%蜂蠟同棕櫚蠟，
配方可以協助女生喺睡眠時間幫皮膚重新，改善彈性加強緊膚功效。
肌膚可以獲得舒適承托，充滿健康神采。
長期使用肌膚會變得更緊緻、五官更分明更具立體感。
我會當sleeping mask咁用，每日護膚程序最後一步使用，
然後直接倒頭大睡！！
膚色會較均勻，意外地發現其保濕力都唔差，有驚喜！
個人都幾喜歡呢支立體塑顏緊緻面膜呢～
Website：www.lancome.com.hk/
Facebook：www.facebook.com/lancomehk/
