2018年5月29日 星期二

【Coppertone® 全新 Defend & Care系列.體驗 「輕感」防曬】

真係好熱好曬,氣溫持續高企,而且紫外線亦好高,
所以對於我嚟講,防曬同輕柔嘅妝美真係好重要。
呢幾日係台南,每日都34、35度,真係熱到⋯⋯
我直頭想「三點不露」,好彩我有帶齊防曬三寶,
太陽眼鏡、帽,仲有Coppertone® 全新 Defend & Care系列,
防曬產品以透亮配方帶來輕盈清爽嘅觸感,
同時有效阻擋紫外線UVA同UVB,戶外活動都無有怕!
Coppertone® 擁有多年研究防曬產品經驗,
一直堅持研發優質同創新嘅防曬產品為首要使命,
令唔同需要嘅人士都可得到有效防曬保護,
盡情擁抱陽光,喺夏日同陽光玩遊戲。

今次同大家分享嘅有:(由右至左)

Coppertone® 輕盈透亮防曬露SPF 50
Coppertone® 保濕泡泡防曬乳 SPF 50
Coppertone® 極緻補濕防曬噴霧 SPF50
專為面部肌膚而設嘅輕盈透亮防曬露
呢支係物理性防曬嚟,所以深得我心,就算敏感肌都無有怕,
可以有效阻擋98% UVA同UVB,SPF 50防曬系數,
能夠提供每日所需嘅全面防曬保護,80分鐘高效防水。
好多時唔鐘意用防曬最主要原因係質地過厚,
用後好容易出現一撻撻粘厚顯白情況,要花時間細心慢慢咁抹均,
而且有時用係面上仲會灰白得好過分,實在嚇親人。
而真心一讚嘅係Coppertone®質地透薄又水潤,好容易就可以推開塗抹,
塗抹後唔會出現反白問題,就好似平日用開嘅妝前底霜咁,
而且仲好水潤,用完皮膚完全零負擔,再上妝都唔會加重肌膚負擔。
呢支屬於水寶寶嬰幼兒系列嘅Coppertone® 保濕泡泡防曬乳 SPF 50
因為好多時小朋友都好抗拒使用防曬產品,呢支防曬就以泡泡形式出場,
同時性質非常溫和,不含香料、羥基苯甲酸酯同PABA1等等,
一貫高效80分鐘防水能力,小朋友想喺夏天點玩水都得啦~
幼細舒服嘅泡沫質感唔但受小朋友喜愛,仲唔會造成毛孔堵塞,
每天使用都無問題,其實除咗小朋友,大人用都當然絕對無問題啦。
泡泡質地好易被肌膚快速吸收,只需輕輕抹開就okay,
用後同樣唔會出現反白問題,而且一啲都唔覺得笠痴痴。
如果你屋企都有小朋友,同時又面對緊小朋友唔肯用防曬嘅問題,
呢支Coppertone® 保濕泡泡防曬乳 SPF 50絕對值得你放一支係屋企。
Coppertone® 極緻補濕防曬噴霧 SPF50簡直係懶人必備,
當炎夏著背心、短裙短褲仔時,一旦唔記得咗用防曬,
有機會會令手臂、後頸、小腿等等曬黑,仲變到兩截色tim呀,
所以除咗面部肌膚,身體任何每吋皮膚都同樣需要防曬。
360度噴咀設計,方便容易使用,只要按一按噴咀,
防曬即時可以均勻地噴到令每吋肌膚,全方位都可以得到防曬保護。
質地瞬間乾爽,噴後使肌膚光滑同柔軟,
唔會好似平日啲防曬咁用完皮膚好乾,同又油又厚嘅防曬簡直係兩回事,
加上呢支全新保濕配方,仲能幫助補充皮膚天然屏障以防止水分流失,
清爽雅緻,為肌膚帶來防曬護膚嘅清新「輕感」。
喺台南呢幾日全身全面都做好防曬措施,完全無擔心過返嚟香港會變黑妹,
全靠Coppertone® 全新 Defend & Care系列,畀我體驗 「輕感」防曬,
大大減低對防曬嘅厭惡感,告別又厚又膩嘅感覺!
Coppertone® 防曬產品系列萬寧獨家發售
Website:www.coppertone.com.hk
 Provided By Coppertone
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#CoppertoneHK #輕盈透薄 #DefendAndCare



【DIBI MILANO.Prodigio C40】

DIBI MILANO隆重推出細胞抗氧化系列Prodigio,
身為貪靚妹嘅我點可以錯過,當然要快人一步試試有幾好用啦,
所以早前就出席咗佢哋活動!
DIBI MILANO係一個來自意大利嘅尊貴品牌,
有成四十幾年歷史,而今次細胞抗氧化系列Prodigio
 聯同意大利國際級學府,經過20多年研究而誕生。

活動當日大會仲安排小手作畀我哋玩,
等我哋可以親手幫自己DIY一個小飾品,
我咁鍾意粉紅色,當然係整粉紅色畀自己啦~
以先進技術將膠原蛋白轉為100%純纖維,成就革命性嘅純膠原蛋白珍珠絲成分,
再配合咗具有抗氧成份嘅蝦青素,成就突破性皇牌產品 - 細胞抗氧化系列Prodigio,
為肌膚帶來全面性保護,同時作出抗氧化。

細胞還原抗氧化活膚療程套裝(30日)  
Prodigio C40 Anti Oxidant Kit (30 days) HK$2,600
打開盒子,入面會有一支30ml嘅細胞還原精華,另外有五粒純膠原蛋白珍珠絲。
其實呢盒係一盒30日療程套裝,用法喺頭五日將精華加入純膠原蛋白珍珠絲配合使用,
第六日開始就只需要直接用精華就可以。
療程可以幫手高效抗氧化同清除細胞內嘅自由基,
增強細胞再生能力,緊緻同提升肌膚活力、延緩衰老,
同時間淡化色斑,改善肌膚粗糙同埋缺水問題。
100%純膠原蛋白珍珠絲
打開後見到好似有粒小綿花球咁,只要將精華加至刻度位置,
當中嘅活性膠原蛋白就會溶於精華,只需要輕輕搞拌就可以使用,
好易就能被肌膚吸收。
另一方面,精華裡蘊含豐富蝦青素, 由海洋微藻類中萃取而成,
係高效嘅天然抗氧化劑,能穿越細胞膜內外層,
將抗氧化功效直達細胞內部,令細胞內外嘅自由基都能中和分解。
個人覺得精華極易被吸收,而且用後完全唔笠,
同埋頭五日配合純膠原蛋白珍珠絲一齊用,皮膚明顯bump飽水,
瞓醒第日皮膚都唔會覺得乾爭爭,肌膚滋潤感覺增加。

雖說品牌嘅售價唔算便宜,但係用完之後明顯令肌膚充滿活力,
皮膚狀態大有改善,仲能夠瞬間提亮膚色,值得投資!
呢幾日我去台南旅行,都有帶住佢幫我keep住肌膚水潤,
就算日日曬足咁多個鐘,乾紋都唔會浮哂出嚟,
有機會再同大家分享品牌其他產品啦~

Facebook:www.facebook.com/dibimilano.hk/
 Provided By DIBI MILANO
聯絡MsJovi:
ww.jovi@ymail.com / www.facebook.com/blogger.ms.jovi/

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#DibiMilanoHK #ProdigioC40

2018年5月27日 星期日

【Kiehl’s 金盞花系列-為肌膚帶來清新治癒感】

《花癒男孩》實在太有愛啦!
我講緊嘅係kiehl's同周柏豪、林德信以同埋余德丞,喺網上製作嘅微電影,
短片圍繞流動三文治店,以獨特嘅方式,治癒都市人唔同問題。
三個男生,一間三文治店。
外冷內熱嘅周柏豪、音樂藝術型嘅林德信,加上陽光大男孩的余德丞。
佢哋三個決定開設一間流動三文治店,每件三文治都印有唔同字句,
希望以文字「治癒」顧客,等佢哋食每件三文治時都感到輕鬆快樂。
就好似Kiehl’s金盞花系列一樣,
以天然嘅金盞花為肌膚帶來最溫和平衡嘅清新修護,
而當中選用嘅金盞花取材自世界各地唔同地方,包括埃及同印度。
金盞花精華同金盞花瓣,均蘊含豐富多醣、皂苷同類黃酮,
溫和嘅植物成分具有紓緩肌膚作用。
喺古印度阿育吠陀療法同傳統中國醫學嘅記載中,
早已發現金盞花有助肌膚抗炎,用作治療良藥長達多個世紀呢~
Kiehl’s 金盞花系列成分包括:
金盞花植物精華爽膚水 HK$210 (125 ml) / HK$300 (250 ml) / HK$490 (500 ml)
金盞花深層潔面泡沫 HK$260 (230 ml)
金盞花蘆薈鎮靜保濕凍膜 HK$390 (100 ml) 
之前都有同大家簡單分享過金盞花系列,天然花療力量好溫和,
今次再同大家分享係因為呢個系到可以幫大家紓緩又治癒夏天,
簡單3步體驗金盞花舒爽嘅治癒魅力️。
金盞花深層潔面泡沫Calendula Deep Foaming Face Wash
經典嘅金盞花爽膚水加入金盞花深層潔面泡沫,不含肥皂成份清潔配方,
豐富細緻嘅泡沬能徹底清除面部污垢同多餘油脂,同時有助保護肌膚天然屏障。
具紓緩功效嘅金盞花萃取精華之外,
亦具有極具保濕效能嘅甘油,可以充分發揮滋養同保濕功效,
洗面後都能夠keep住肌膚保持水盈潤澤。
就算不含肥皂成份,加水後起泡能力好好,
豐富細緻嘅泡沬用後能令肌膚潔淨無比,但係唔會抽乾肌膚水分,
所以呢支潔面泡沫經已係我第三支啦!
金盞花植物精華爽膚水Calendula Herbal Extract Toner
金盞花植物精華爽膚水係其中一件我最愛Kiehl’s嘅產品之一,
因為不含酒精,可溫和調理油性肌膚,夏天要嚟控油,
保持肌膚啞緻效果好好。
其配方蘊含整片天然金盞花瓣,
當中採用嘅金盞花唔會噴灑殺蟲藥,每片金盞花花瓣都經人手採摘。
呢支爽膚水能紓緩同令肌膚感到清新,所以好得我歡心,
加上好多香港人都係敏感肌,天氣又潮濕又充滿都市污染,
怪不得喺香港更加係最暢銷產品嚟啦。
金盞花蘆薈鎮靜保濕凍膜Calendula & Aloe Soothing Hydration Masque
呢盒保濕凍膜之前喺用清嘅產品分享上有同大家再review,
啫喱配方內蘊含150塊金盞花瓣同蘆薈成分,
只需輕塗面上,立即發揮清新保濕功能,肌膚感覺清爽涼快。
用完之後明顯皮膚會光澤咗同白滑咗,
特別係可以喺短短五分鐘就能夠為肌膚注入活力,效果好出色,
可以幫助減輕泛紅敏感,又可以令肌膚回復健康亮澤。
三文治可以治癒都市人心底裡問題,作出一個打氣,
而Kiehl’s 金盞花系列就可以治癒我哋敏感泛紅嘅肌膚,時刻保持清爽亮滑。
Kiehl's Website:www.kiehls.com.hk/
Kiehl's Facebook:www.facebook.com/KiehlsHongKong
 Provided By Kiehl's
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#Kiehls #KiehlsHK #CalendulaHeal #PoweredbyPetals #金盞花治癒 #花癒男孩