2017年12月1日 星期五

【 BOTANIST-對抗毛燥髮絲 】

除咗要幫皮膚保養,亦唔好忘記頭髮嘅重要性,
要知道bling bling順滑嘅頭髮亦會令人加分,
試諗下一把長長順滑嘅頭髮,真係連回頭率都會高D ga~
日本大熱天然品牌植物學家BOTANIST推出天然護髮產品,
除咗包裝夠簡約美之外,用完亦真係令人有驚喜,
怪不得成為過日本、美國、法國樂天網嘅No.1!
成日聽人地講話白色蓋同黑色蓋,其實有咩分別呢?
原來BOTANIST嘅洗頭水主要分兩個系列,以黑白色樽蓋來分類。
黑蓋係保濕系列,洗頭水味道為杏桃加茉莉,護髮素味道為蘋果加莓果,
適合髮量多、粗硬髮質嘅人士;
白蓋係滋潤系列,洗頭水味道為青蘋果加玫瑰,護髮素味道就相同,
適合一般髮量同埋幼軟髮質嘅人士。
我嘅頭髮一向又幼又少,所以當然選擇白蓋啦!
BOTANIST Shampoo 絕對不含化學物質「矽靈」成份,
亦無人工合成物質,蘊含大量天然植物成份,如椰子、甘蔗、牛油果等。
只係搓幾搓就好易可以起泡,而且泡量都幾多,
所以用起上嚟好舒服,加上香噴噴果味濃郁,
青蘋果加玫瑰原來可以咁夾,用時心情大好。
除咗洗頭時有陣陣香味,香味都可以Keep到好耐,
能夠保持住清爽又香噴噴嘅頭髮。
同樣都係蘊含大量天然植物成份,
當中包括:椰子、棕櫚、大豆、甘蔗、甘草、粟米、牛油果同澳洲堅果,
聽到咁多植物成分就知道真係好滋潤啦。
BOTANIST護髮素味道為蘋果加莓果,同樣都係香噴噴,
雙重香氣,感覺真係好清香呀~
一向使用護髮都只會塗係髮尾位置,減到扁塌同樣黏笠感覺,
用完之後,頭髮真係好順滑,而且非常有光澤。
嚟自日本,而且價錢又唔貴,
大大支天然護髮產品只係一百蚊左右一支,
加上用完之後頭髮滑溜溜又有光澤,個人覺得CP值好高!
睇完分享之後,覺得黑蓋定白藍適合你呢?
記得要按個人頭部膚質同埋髮質選用合適自己嘅洗髮產品,
先可以對抗毛燥髮絲,擁有bling bling動人嘅秀髮!
 Provided By BOTANIST
聯絡MsJovi:
ww.jovi@ymail.com / www.facebook.com/blogger.ms.jovi/

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢 
#BOTANIST #植物學的生活方式 #對抗毛躁 #日本人氣護髮系列