2018年10月3日 星期三

【Sa Sa x KOTRA Event - 韓國美妝節開鑼!】

莎莎已經連續3年成為韓國政府機構(KOTRA Hong Kong)嘅
指定合作伙伴,證明莎莎所售賣的產品均有正貨保證
所以我想入手韓國美妝護膚品時,都會去莎莎買,安心得多。
莎莎舉行「韓國美妝節」,仲邀請咗人氣星級化妝師RickyKAZAF,
喺現場分享韓國美妝tips、示範2018秋冬韓流妝容添。
只見RickyKAZAF簡單地利用幾件美妝品,
就能打造一個光澤嘅妝容,突顯咗model嘅五官,
2018秋冬韓流妝容重點著重於唇妝同光澤感,實在獲益不少呢。
大家可以由相片見到,model妝容好清新又亮滿自然光澤感,
而且唇妝仲化得好靚好精神呢!
化妝師RickyKAZAF用嘅美妝品,包括呢個牛奶仔牛奶妹系列,
少女心大爆發,太可愛啦,係莎莎經已有得賣啦。
活動後仲帶走咗幾件韓國護膚品返屋企,同大家分享吓!
其中品牌HUXLEY 仲係全新嘅韓國品牌,莎莎經已有得賣,
可以快人一步用,感覺實在太好。
Soo Beauté 草本精華小顏按摩膏 100ml
蘊含輕薄柔滑嘅濃縮植物油分子,有效持久保濕,
注入所需養分給予肌膚,透過按摩的動作將按摩膏融入皮膚,
改善膚質,同時修護面部輪廓線條。
每個星期可以幫臉部進行大約兩次按摩,
每次只需要取充足分量搽喺皮膚上打圈按摩,再停留5-10分鐘後用清水洗淨。
除咗質地好順滑有助按摩之後,植物油成分同時能平滑、修護同提亮肌膚,
按摩過後皮膚仲明顯回復光澤,輪廓線條顯得更突出


HUXLEY 仙人掌保濕潔面二重奏 (200ml + 200ml)
Huxley全線產品採用來自撒哈拉沙漠嘅仙人掌籽油,
仙人掌籽油比起橄欖油嘅維生素E高成400倍
很好抗氧化同保濕功效。
保濕潔面二重奏就可以由卸妝開始照顧皮膚,
卸妝同潔面絕對係護膚程序上重要嘅一環。
品牌通過Ecocert有機認證同低過敏性測試, 任何類型皮膚都可以安心使用,
個人就覺得更合適中性同偏乾嘅皮膚用。
簡潔嘅包裝再加上淡淡嘅香氣,絕對令人印象不錯。
能夠抹走化妝品同污垢,潔淨度挺高,用後感覺潔淨水潤,
重點性質溫和,唔會刺激皮膚,只需要一次就能夠帶走約9成妝物。
Huxley潔面啫喱同樣用後感不錯,含仙人掌提取物同有機仙人掌籽油,
用時覺得好溫和,而且清潔肌膚時亦能抗氧同補充皮膚水分。
潔面啫喱一向畀人覺得用完皮膚好乾,但係哩支用後皮膚唔覺得繃緊,
以價錢同質素嚟講,都值得大家試吓用!


DR.G 水瑩膠原蛋白面膜 1盒10片
DR.G面膜我經已用過幾盒,因為價錢平,成日敷都唔會心痛,
而且用完皮膚幾水潤,即時效果不錯。
呢款膠原蛋白面膜蘊含金合歡膠原蛋白、透明質酸、蘆薈葉提取物,
可以補充水分,賦予肌膚光澤同活力。
值得一提係面膜紙可以可以負載大量護膚精華,採用營養封鎖技術
防止營養流失,直接注入肌膚。
面膜敷起嚟均勻貼服,而且有大量精華,
敷完之後皮膚都幾光澤柔軟,而且可以維持好一段時間,
就算全日喺冷氣底下,仍然能鎖住水分,皮膚依舊可以好水潤呢。
莎莎推出咗好多限時優惠,真係令人買不停手,
入手指定韓國品牌產品滿HK$500即享有85折優惠。
優惠品牌包括:23 years ,banila co.,BRTC,Cremorlab,Dr.G,
FOREST N',Huxley,KOCOSTAR,Soo Beaute,the SAEM,VT。
莎莎韓國美妝節
日期:即日起至10月20日
快啲約埋朋友去掃貨啦!
Website: corp.sasa.com
Facebook:www.facebook.com/sasahongkong
 Provided By TheZtyle.com & Sasa

聯絡MsJovi:
ww.jovi@ymail.com / www.facebook.com/blogger.ms.jovi

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#KBeauty #Kotra #SaSaHK


►►抵食韓式放題-東大門韓國料理◄◄

有時候成班朋友喺旺角,真係會唔知食乜好。
而哩間東大門韓國料理放題我就光顧過幾次啦,
因為價錢合理、CP值高,而且啱晒食肉獸
就算同行有男仔朋友,都唔會擔心佢地唔滿足食唔飽!
座位同座位之間嘅空間感十足,環境幾好乾淨企理,
一班朋友聚餐都可以坐得幾舒服,食足兩個鐘頭都冇問題。
呢度係半自助半寫紙嘅放題餐廳
例如頭盤、湯品、刺身壽司、汽水同甜品就可以自助去拎,
而主食類就主要用餐紙點,另外可以加錢嗌其他熱食。
老實講呢個價錢收費本身唔係抱有太大期望,
但係一坐低就見到餐廳供應汽水一啲都唔馬虎,
而且仲有啤酒提供,誠意十足!
冷盤有泰式鳳爪、醃青瓜、泡菜,款式算多選擇,
呢啲冷盤要來配燒肉的確唔錯,可以減低油膩感。
一去到肚餓,仲有小食可以先食為快,
炸雞翼、春卷、蝦餅等等大量泰式小食,味道唔錯。
一讚嘅係呢度嘅冬陰公湯,味道好香濃,微微嘅香辣,
入口好惹味,連我呢啲BB班都可以飲到,仲好足料,
嚟食飯嘅朋友必定要試呀!
呢度仲有免費刺身供應,而且店員比得好大方,
唔使排隊之餘,仲大大碟今日拎俾你。
雖然三文魚唔算話好肥美,但味道比起係超市買的好,
我就鍾意燒熟嚟食。
一坐低,店員就送上一碟海鮮俾我哋,
絕對非常有心意,冇諗過呢個價錢,
仲會按人頭送上免費海鮮,海蝦入口肉質彈牙爽口。
厚切五花腩我覺得係必點嘅,經燒烤後會大幅收縮出油,
食落口好香,建議原塊燒熟唔好剪開燒,
等D肉汁可以鎖住係肉入面,入口肉味更濃郁。
上菜嘅速度好快,而且份量一啲都唔小家,
唔會好似出面啲放題咁,落幾次單先嚟,圖中為2嘅份量。
最鍾意嘅呢度係佢地嘅肉唔會加好多調味料,
所以一食就知道會唔會唔新鮮。
最後甜品仲有西米露、泰式糕點、西米布甸、生果等等,
質素都OK,講真呢個價錢提供咁多選擇,由頭盤至甜品都有提供,
仲有免費汽水同啤酒,整體質素又唔差,
店員嘅服務又快,絕對比起好多放題做得好。
如果成班朋友想食餐勁,又想價錢係二百蚊左右,
東大門韓國料理呢度絕對值得你考慮。

聯絡MsJovi:
ww.jovi@ymail.com / www.facebook.com/blogger.ms.jovi/