而Caudalie全新Thé des Vignes 白麝香身體護理系列，非常芳香滋潤，
以珍貴天然嘅葡萄專利成分悉心呵護敏感肌，並透過浪漫香氣，
令人可以喺使用時放慢腳步，享受絲滑柔和嘅觸感同清新動人香氣。
高度天然嘅全新身體護理系列絕對係厚待肌膚恩物，
以獨家專利成分葡萄籽多酚同葡萄籽油提煉而成，
再蘊含豐富保濕、抗氧化活性成分，成分仲不含有害防腐劑、
笨氧基乙醇、聚矽氧烷、礦物油、 鄰苯二甲酸酯、
硫酸鹽或動物等有害化學物，連敏感膚質或者孕婦都適合使用，
送畀愛好天然嘅朋友最合適不過！
一口氣收到Thé des Vignes白麝香美肌護理油、白麝香滋潤抗氧潤膚乳、
白麝香滋潤抗氧潤手霜，可以好好享受屬於自己嘅時光，
再加上浪漫醉人嘅紫紅色包裝，可以趁住工作過後時間，
好好寵愛自己一吓，實在太幸福了吧～
Caudalie白麝香滋潤抗氧潤手霜
Thé des Vignes Hand and Nail cream 50ml HK$110
98%天然高效配方，包括獨家專利成分葡萄籽多酚、紅酒酵母®，
所以功用不容置疑，而且細細支放喺Office或者手袋都得，出街時用都好方便。
成分仲配合葡萄籽油、有機公平貿易乳木果油、牛油果同橄欖油複合物，
可以高效滋潤同時抗氧化，仲能夠強化指甲，
我成日做gel甲，甲邊位置比較乾燥，呢支潤手霜可以有效滋潤乾旱雙手。
細緻嘅乳狀質地好易就能夠畀肌膚迅速吸收，感覺被滋潤成分包裹著，
好滋潤，但係用完雙手唔會笠痴痴，所以質地非常討好，
再加上白麝香、橙花、茉莉同薑酒等清新迷人芳香香味，
用後心情更加好，喺Office有時做到好累時，
聞一聞其香味好治癒呢！
Caudalie白麝香滋潤抗氧潤膚乳
Thé des Vignes Nourishing Body Lotion 200ml HK$198 / 400ml HK$290
96%天然高效配方，同樣蘊含專利成分葡萄籽多酚、葡萄籽油、
銀杏葉萃取、芝麻油同琉璃苣油，
可以協助對抗老化、促進肌膚更生、
深層保濕，紓緩轉季或者冬天時皮膚嘅乾燥不適。
唔單止係冬天，一年四季我都好著重使用潤膚乳，
因為本身我嘅皮膚比較乾淨又易敏感，增加皮膚水分絕對能減低敏感情況，
所以Body Lotion真心唔可以因為懶惰而唔用。
能迅速滲透肌膚，用後皮膚好軟滑，著短裙去party都唔怕。
香氣同潤手霜係一模一樣嘅，成set咁用，好舒服令人好relax，
可以令肌膚留下細膩誘人嘅淡淡香氣。
Thé des Vignes Body & Hair Nourishing Oil 50ml HK$180
呢支美肌護理油絕對係我近日新寵，用後可滲入肌膚底層，
作出深度滋養，強化同促進肌膚更生。
同時可紓緩肌膚因乾燥而引起嘅痕癢、脫皮、繃緊等問題，
好適合乾燥至極乾嘅膚質，而且我仲發現佢有多個用法！
同各種珍貴植物油，例如：葡萄籽油、特級初榨洛神花油、
特級初榨堅果油、乳木果油同芝麻油等等，仲無防腐劑同矽樹酯。
都唔會覺得油笠笠，反而皮膚好夠滋潤，有一層薄薄嘅保護膜咁。
仲可以當作沐浴油或按摩油使用，照顧到全身需要。
我習慣沖涼後皮膚喺半濕狀態下，即刻用護理油、滋養肌膚底層，
再搽上潤膚乳鎖緊皮膚水分，雙重修護肌膚。
修護毛燥髮尾同時先打好個底，避免頭髮因造型而受損。
再加厚厚一層潤膚乳，然後著襪睡覺，可以幫手軟化腳部皮膚，
重複進行幾次，死皮大大改善，腳跟位置滑好多！！
可以令你由頭到腳都得到呵護，絕對係冬天嘅恩物。
Website：http://hk.caudalie.com/
Facebook：www.facebook.com/CaudalieHK/
沒有留言:
張貼留言