2018年10月18日 星期四

【打造立體緊緻小臉｜Lancôme立體塑顏緊緻系列】

相信每個女生都希望擁有立體緊緻小臉，除咗靠treatment同埋日常按面之外，
護膚品亦都係相當重要一環，早前我就收到Lancôme立體塑顏緊緻系列，
星空紫色嘅包裝非常吸睛，可以同時抗皺緊緻、舒緩同修復肌膚。
新產品仲要香港率先有售，大陸未有售，深信一推出定必被搶購。
立體塑顏緊緻修護啫喱Rénergie Multi-Cica Gel Apaisant 3ml X 7 HK$700
立體塑顏緊緻修護乳霜Rénergie Multi-Cica Anti-aging Repair Crème 50ml HK$820
立體塑顏緊緻面膜Rénergie Multi-Lift Masque 75ml HK$700

 成個系列都幾銀同星空紫色為主，放喺屋企見到都心情大好，
無法啦，紫色就係有一種迷人嘅力量。
立體塑顏緊緻修護啫喱
Rénergie Multi-Cica Gel Apaisant 3ml X 7 HK$700
以獨立支裝設計，一次用一支，一共7小支嘅修護啫喱，
專門針對乾燥、痕癢、 泛紅同敏感皮膚。
而且功效通過曾進行激光療程嘅肌膚測試，
據說只需要用7天，肌膚就可以得以鎮靜舒緩！
小巧設計非常方便，就算持去旅行都唔會阻位，
加上面膜剛剛好嘅分量，絕對係懶人好物。
重點一提，面膜極致清爽輕透嘅啫喱質感能瞬間降低肌膚溫度 2.8°C，
用嚟紓緩做完光學或有熱力 treatment後嘅皮膚就最好不過。
啫喱面膜蘊含保濕同鎮靜活性成分，包括咗甘油、維他命原 B5等等，
所以敷後皮膚好舒適，發揮深層舒緩功效，
又可以改善乾燥繃緊泛紅問題。
可以豪氣咁連續7天使用或者作週期性護理，
只需要洗面後全面敷上，靜待 10 分鐘後沖洗即可。
唔好睇佢細細支得果3ml呀，經已好足夠全面同上頸使用，
另外比較乾少少嘅位置就再揸厚啲！
敷完之後毛孔收細咗少少，而且皮膚比較亮白，
有效改善繃緊泛紅，特別係做完光學後用，明顯皮膚無咁乾燥。
立體塑顏緊緻修護乳霜
Rénergie Multi-Cica Anti-aging Repair Crème 50ml HK$820
專為修復肌膚屏障功能而研製同時結合咗立體塑顏緊緻系列嘅抗皺緊緻功能，
配方採用Up-Cohésion 科技，糅合啟發自太空生物科技嘅活性成分，
高科技複合物蘊含鳥苷，呢個成分係透過生物科技萃取喺細胞中嘅分子， 
具有幫助提升皮膚基礎支撐纖維結構特性。
除此之外成分仲配合蕨葉精華 (髓桫欏)，幫助強化纖維組織母細胞骨架特性 ，
同埋積雪草萃取物成分，積雪草呢個成分以舒緩特性著稱，
之前都有同大家分享過，超喜歡呢個成分，
同時乳霜再結合埋因舒緩同修復能力好高嘅維他命原 B5。
可以直接擠係皺紋位置，有舒緩同修護功效，同時能夠抗衰老同強化肌膚，
幼滑嘅質地一揸就可以吸收，皺紋確實有即時減淡。
個人好喜歡呢個質地，性質溫和，用後皮膚好軟滑，
相信長期使用，緊緻嘅輪廓離我不遠呀！
立體塑顏緊緻面膜
Rénergie Multi-Lift Masque 75ml HK$700
雖然呢件產品叫做緊緻面膜，但係用後係唔需要過水嘅！
嶄新科技蘊含17%蜂蠟同棕櫚蠟，
配方可以協助女生喺睡眠時間幫皮膚重新，改善彈性加強緊膚功效。
用時能夠包圍肌膚，面膜質感可以令肌膚感受極緻舒適，
肌膚可以獲得舒適承托，充滿健康神采。
質地同樣好細滑，揸上皮膚後有即時緊緻同提拉嘅感覺，
長期使用肌膚會變得更緊緻、五官更分明更具立體感。
由於質地唔會好似平日要洗嘅面膜咁杰身，所以多揸一點都無問題，
我會當sleeping mask咁用，每日護膚程序最後一步使用，
然後直接倒頭大睡！！
第二日起身用水清洗走就okay，用完之後皮膚摸起嚟好軟滑，
膚色會較均勻，意外地發現其保濕力都唔差，有驚喜！
個人都幾喜歡呢支立體塑顏緊緻面膜呢～
想打造立體緊緻小臉，絕對唔可以得個講字！Take Action啦！！
Website：www.lancome.com.hk/
Facebook：www.facebook.com/lancomehk/
❝ Provided By Lancôme❞
聯絡MsJovi：
ww.jovi@ymail.com / www.facebook.com/blogger.ms.jovi/


免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#lancomehk #renergie #renergiemulticica
張貼者： 於
標籤： , , , , ,

沒有留言:

張貼留言

訂閱： 張貼留言 (Atom)