特別係極潤保濕化粧水，以高效玻尿酸卓越嘅保水力成分風靡亞洲，
連我身邊嘅男仔朋友都有用！
用後認為果然名不虛傳，CP值超高。
「糀」即係由米經過蒸煮、冷卻、發酵而製成嘅一種純天然甜味劑，
就好似製造清酒、醬油、味噌等等一樣。
包括氨基酸、維他命、神經醯胺 (Ceramide)同礦物質等，所以具有高效保濕力，
特別能修復乾紋、缺水、暗沉肌膚，發揮極致功效，
令皮膚即時變得剔透水潤、明亮光澤，同時改善粗糙膚質，變得更細滑。
糀潤賦活雪凝精華Kouji Treatment Essence 110ml HK$239
糀潤雪凝霜Kouji Treatment Cream 50g HK$249
糀潤雪凝晩霜 Kouji Treatment Night Cream 50g HK$249
成個糀潤系列萃取自天然日本白米，
係白米發酵過程中會產生極微量嘅天然酒精，
所以使用時會散發出微微清酒甘香，同時一貫品牌作風，
成分無香料、色素同礦物油，唔會令到肌膚有任何負擔。
潔面產品絕對係護膚上非常重要嘅一環，
呢支潔面乳性質溫和，而且可以搓出大量泡泡，泡沫豐盈。
個人覺得任何皮膚所適合使用呢支潔面乳，
其酒精濃度極低，酒精過敏者亦可以放心使用，
而且用完之後皮膚唔乾燥，摸落去仲好柔滑。
亦因此解釋到其性質好溫和，就算呢排轉天氣使用都無問題。
蘊含高效保濕成分水解大米蛋白，富含氨基酸、維他命、葉酸等營養，
具有保濕同修復肌膚紋理功效，
水狀質地嘅清華非常易被皮膚吸收，滲透度相當高，
用後皮膚好清爽，唔會覺得笠痴痴。
精華同樣無添加MIT防腐劑、香料、色素同礦物油，連敏感肌都可以用，
用時會帶有淡淡清酒甘香。
我都會洗完後即刻拍上爽膚水，就立刻使用糀潤賦活雪凝精華，
可以先用掌心包著臉部，藉住雙手微微溫感令精華發揮功效可以更加好。
用後皮膚好清爽又能提升水分，同時皮膚可以更軟滑細緻，
仲令到後續使用其他護膚品吸收得更加好，呢支精華真係好討我歡心。
糀潤雪凝霜Kouji Treatment Cream
集合化妝水、乳液同美容液等多功效嘅全能面霜，具滋潤、鎖水、修復乾紋同調理膚質功效，質感好像雪糕咁柔軟，
而且更帶有少少彈性，介乎於cream同gel狀之間，用時非常易推。
少少份量就可以推得開開，而且用後能達致滋潤同時鎖緊水份，
能夠增加肌膚嘅抗禦能力，用後肌膚回復細滑緊緻，剔透潤澤。
呢個價錢同質素嚟講，真心幾抵用，用後塊面即時感覺到有補濕效果，
仲要搽完完全唔覺得有笠痴痴感覺，妝前使用都幾好。
糀潤雪凝晩霜 Kouji Treatment Night Cream
同樣集合化妝水、乳液及美容液等多功效的全能修護晚霜， 而且仲揉合咗面膜功效，可以係晚間深層修護受損肌膚。
晚霜相對面霜嘅質地較為杰身一點，但係推開之後又唔會覺得太笠，
薄薄搽一層就經已好足夠，唔洗用太多。
連續地使用可以改善枯黃暗啞膚色，令肌膚更細緻幼嫩，
同時亦都大大提升肌膚鎖水能力，尤其適合秋冬使用。
雖然有少少酒精含量，但絕對好溫和，連敏感肌膚都可以使用，
想滋潤修護不妨試試呢套肌研「糀潤系列」。
銷售點：各大萬寧、屈臣氏同莎莎
Website：www.hadalabo.com.hk
Facebook：www.facebook.com/hadalabohk
沒有留言:
張貼留言