2018年6月10日 星期日

【歐陸時尚啞緻妝容｜YVES ROCHER】

YVES ROCHER 近排新推出咗一系列嘅彩妝產品，
產品均為 0% 矽、0%酒精、0% PARABENS 防腐劑，係好天然嘅彩妝產品，
加上品牌一向以產品質量保證，安全性高而且生產過程必須以保護地球為主，
同時榮獲咗多個法國NO.1 榮譽所以久美都對呢個品牌幾有好感。
一系列美妝沒有多餘包裝，明顯係走實力派，
加上價錢唔貴，值得小資女或者懷孕嘅媽媽可以一試。
Yves Rocher 輕透裸妝粉底液 Pure Light Nude Foundation 30ml HK$180
呢支粉底液有成6 種深淺裸色可供選擇配搭，
就算比較白皙或者皮膚較為帶黑嘅女生都有啱你嘅色號。
成分蘊含 YVES ROCHER植物園內獨有嘅活水細胞同 +98% 活性天然成分，
好強水潤感，係歐洲 2018今季最流行趨勢嘅 Matte  & Nude  (裸妝) 啞面妝容，
加上吸管設計，每次好易取得適中分量。
粉底液好水潤不乾燥，能塑造出透薄貼服妝容，
加上粉底液延展性同持妝度不錯，用後唔會好易就顯油光，夏日使用無負擔。
光澤度十分優秀，上妝時極度舒適，用後妝感自然唔黏笠，
遮瑕度方面不過不失，但能令妝感睇落透薄係夏天好重要呢。
淺棕色眼影用起來好方便，因為可以一物多用，
除咗當眼影，亦可以用來當作眉粉同面型修飾之用。
眼影同樣係0% 矽、0%酒精、0% PARABENS 防腐劑，加上顯色度不錯。
將眼影可以掃係顴骨位、 T字位同下巴部份來修飾面部輪廓，
營造出小臉嘅感覺。
胭脂能打造自然甜美嘅迷人雙頰，粉色胭脂恰到好處，
當你想突出唇膏時，淡淡嘅胭脂正正最好不過。
如果你嘅膚色係比較偏白的話，就非常適合使用淺色系顏色，
可以令妝容變得更清新，睇落好自然呢～
Yves Rocher 啞緻型彩唇膏 Matte Lipstick 3.7g HK$120
啞緻型彩唇膏蘊含山茶花油，有滋潤效果，啞而不乾、不易脫色，
而歐洲喺今季最流行美妝趨勢係Matte 啞面唇妝，
所以一定要有支Matte唇膏傍傍身！
唇膏包裝唯美，共有8種色調，適合唔同妝容同衣著打扮時使用，
同樣都係0%矽配方，塑造啞緻妝容同時達到滋潤效果。
我就收到4支唇膏，當中包154MATT同150MATT都好深得我心。
150MATT色較為粉嫩，適合自然或甜美裝扮，
日常妝容使用就最方便，因為自然不做作，
對於我哋呢啲OL就最喜愛不過！
154MATT色好似玫瑰色咁，粉嫩得嚟帶紅，
用後能顯白之餘，亦無鮮紅色咁有侵略性同型格，
能顯知性美，同時又有好氣色。
唇膏質地滑順輕盈好推勻，唇色鮮明，又唔容易顯唇紋，
就算用前唔打底都唔會覺得用後好乾，
長達 8小時不脫色嘅啞妝效果，令人好滿意。
Website：http://www.yves-rocher.hk
Facebook：www.facebook.com/YvesRocherHongKong
❝ Provided By YVES ROCHER  及Dear Beauty :www.dearbeauty.com❞
聯絡MsJovi：
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#yvesrocherhk #actbeautiful #grandrouge #mattlipstick #purelight #nudefoundation 
#nudeneverdry #dearbeautyhk
張貼者： 於
標籤： , , , ,

沒有留言:

張貼留言

訂閱： 張貼留言 (Atom)