2018年1月21日 星期日

►► 夜貓串燒之選。肚餓了串燒烤焗專門店 ◄◄

喺尖沙咀返工,有時OT到夜夜地,唔想食西餐真係唔知食咩好,
而且好多餐廳都食過,加上做咗十幾個鐘個人又累,
想快食完即刻返屋企瞓(但又唔想食碗麵就算喎!),
近日發掘咗間新餐廳,絕對要分享一下。
就係位於尖沙咀亞士厘道嘅肚餓了串燒烤焗專門店,
先係地點方便,而且開到1:00AM,食物又唔錯,
仲有勁多手工啤選擇,可以講得上係夜消磨好去處嘅串燒店!
環境好relax,而且位置都幾多,
可以一行十幾個朋友一齊用餐都無問題。
呢度嘅串燒選擇有好多,除咗一般肉類同菜之外,
仲有幾多燒海鮮,啱哂海鮮怪~~
最令人開心嘅係,呢度有好多唔同嘅啤酒,
單係香港嘅手工啤就有成4、5款,最衰我第日返工,
下次一定會過嚟試下「回魂夜」,哈哈。
同埋食親串燒,都好擔心會整得好鹹,
呢度最窩心嘅地方係串燒以基本調味去處理,
另外每枱再放上唔同嘅調味品,等我地自己落手。
前:汁燒BB蘆筍 HK$39(推薦指數: 3/5)
燒得剛剛好,可惜唔夠嫩身,
食落帶有渣,但係勝在孜然粉加燒汁同蘆筍好match。
後:鹽燒牛舌 HK$59(推薦指數: 5/5)
呢個牛舌我覺得係必點呀,牛吞燒得剛剛好,而且食落彈牙,
入味又唔羶,比起好多串燒店,呢一間係做得非常好。
粉嫩嘅肉色入口仍然保留肉汁,食落一啲都唔覺得乾,
好值得encore多一串。
秘製汁燒鮑魚 HK$88/2(推薦指數: 4/5)
鮑魚好彈牙,而且亦相當新鮮,
加上秘製汁燒後嘅鮑魚好香好惹味。
鮑魚燒得恰到好處,而醬汁份量亦沒有蓋過鮮味,
微甜嘅醬汁有提鮮嘅作用呢,味道很不錯。
前:汁燒翠肉瓜 HK$20(推薦指數: 4/5)
翠肉瓜一向是我必點串燒之一,
今次我加埋encore一共點咗兩串,
係因為燒嘅時間控制得好,所以食落仍然juicy,
加埋份量比起出面好多串燒店為多。
後:甜薯串 HK$20(推薦指數: 4/5)
甜薯唔係間間串燒店都會提供,所以我次次見親都會食兩串,
夠哂香甜,外胞內軟,真係好好味。
原條鰻魚 HK$59(推薦指數: 3.5/5)
懶人一定會喜歡食,因為啖啖肉無骨,所以食落好方便。
魚肉嫩滑亦好入味,呢個價錢嚟講都幾抵食。
前:蒜蓉燒虎蝦 HK$59(推薦指數: 4/5)
虎蝦巨型虎蝦足足同隻叉一樣長,餐牌上寫明有15cm果然無欺場。
蒜蓉燒海鮮好味道不用多疑,加上虎蝦肉質挺彈牙。
後:蜜糖扇貝 HK$59/2(推薦指數: 2.5/5)
果然單靠蜜糖配海鮮有點失色,味道較淡,
幸好扇貝本身幾鮮甜,所以挽回一點分數,下次會試芝士同蒜蓉味。
棉花糖多士 HK$29(推薦指數: 3/5)
最後以棉花糖多士來作為總結,
面層棉花糖稍微焗焗,底層嘅多士亦有烘過,所以食落脆口,
而棉花糖又帶溶,絕對能過下BBQ癮。

總結全晚每人三百幾唔算太貴,食到都幾飽下,
而且呢度收成凌晨1點,對於夜貓一族嚟講係一個好地方!

肚餓了串燒烤焗專門店
尖沙咀亞士厘道17-19號6樓

聯絡MsJovi:
ww.jovi@ymail.com / www.facebook.com/blogger.ms.jovi/


沒有留言:

張貼留言