►► WIRED CAFE。美味水準之選 ◄◄

工作原故一星期出沒尖沙咀五日，好多食店都會幫襯過，
個人私心推薦一間大家都會聽過下，可能未試過嘅CAFE，
因為呢度嘅嘢食水平不但可以保持，而且主菜同甜品都好食。

講緊嘅就係位於Mira Mall地庫嘅WIRED CAFE，
唔單止lunch time，有時OT到8、9點，男友接收工就會嚟呢度食。

環境都幾舒服，唔會太過擠逼，而且椅子勝在幾好坐，
所以有時候夜晚諗唔到食咩，都會選擇嚟呢度食～

Menu上食物總類唔算話好多好誇張，
但係個人試過好多款都好好食，所以就算選擇種類一般，
但係仍然心得我心！

Salmon Salon Rice HK$88 (推薦指數: 4/5)

先分享一下男友最愛點嘅三文魚牛油果飯，
由於它混合了一些開胃醬汁，所以食起嚟好滋味，
仲可以令到牛油果大大減膩呢！

左：Peach ＆ Grapefruit Squash HK$48 (推薦指數: 3/5)
右：Blue Lychee Fruit Tea HK$58 (推薦指數: 4/5)

男友點嘅係左邊Peach ＆ Grapefruit Squash，帶有少少苦，
個人來說就一般喜歡，因為喜歡味道較清甜一點嘅飲料。
而右邊我點嘅Blue Lychee Fruit Tea我就好喜歡了，
因為甜度剛剛好，加上有大量新鮮水果，係夏天飲用最合適不過～

Squid Ink Spaghetti HK$88 (推薦指數: 4.5/5)

如果你唔怕食完之後，牙齒會沾上一點點墨汁，
推薦你要點呢個食，雖然賣相唔係話好別緻，
但係味道上調配得恰度好處，而且意粉爽滑彈牙。

每一條意粉都有沾上墨魚汁，真係吃不罷口，
如果蜆肉可以更加肥美，相信個人評分更高！！！

Plain Toast HK$68 (推薦指數: 3.5/5)

雖然近日pancake人氣高企，不過Toast係我心目中仲佔有一席位。
呢個Toast都幾有誠意，除了份量同賣相唔錯之後，
重點係Toast入面係沾滿蛋醬。

加上鬆軟嘅口感，大口大口咬嚟食，好爽！
但由於份量比較多，所以兩個人食完主菜之後再食，
都經已飽到食唔哂啦。

如果出開尖沙咀又諗唔到食咩，可以試下呢度，
但係夜晚時間都比較多人，有機會要等一陣間呢。

Blogspot She Elle BeautyExchange 

UBeauty TheZtyle SheWIn Cosmopolitan

FaceBook WeShare OpenRice