【Kiehl's 百片微花治癒力量｜金盞花修復精華面霜】

Kiehl’s 以金盞花瓣而成嘅金盞花系列，
一直都被受敏感肌愛戴，系列中個人最喜歡金盞花爽膚水，
其成分萃取自金盞花卉及其他天然植物精華，
可以清潔肌膚、均衡油分同時活化調理肌膚，
重點係當中無酒精成分，用落溫和又舒服。

呢支金盞花爽膚水我經已用光光過三支，
佢嘅淡淡香味用時令到我感覺非常relax，又可鎮靜保濕肌膚。

近日金盞花家族新增成員，就係左邊嘅金盞花修復精華面霜，
蘊含高濃度金盞花精華同微金盞花瓣，
足足係有成一百片微金盞花瓣呢！

可瞬間紓解肌膚，當肌膚天然屏障受環境刺激物侵襲時，
能幫助強化保護屏障，源源釋放金盞花神奇修護功效。
當皮膚唔穩定時，持續使用就可以顯著減輕泛紅情況，
提升肌膚亮澤同水潤度。

精華面霜質地比較濃稠，打開之後帶有淡淡金盞花香氣，
用後可舒緩肌膚，提供持久保濕效果。

質地雖然有少少濃稠，不過用後滋潤唔黏膩，

就算夏天使用，黏笠度都絕對可以接受，

不過我就會選擇夜晚瞓前使用。

用後能快速滲透入肌膚，肌膚無重零負擔，

瞬間就可以舒緩肌膚唔舒服嘅感覺，重點淡淡香氣真係好清新！

喺冷氣底下可以厚厚塗上一層都無問題，皮膚keep住水潤，

能提升肌膚亮澤同潤澤度，不過想效果更加好，

搭配同系列產品使用，一定更能事半功倍。

如果你仲未感受過金盞花修復治癒力量，不妨試試看啦！

了解更多：金盞花修復精華面霜

Website：www.kiehls.com.hk/

Facebook：www.facebook.com/KiehlsHongKong

❝ Provided By Kiehl's❞


聯絡MsJovi：

ww.jovi@ymail.com / www.facebook.com/blogger.ms.jovi/








Blogspot She Elle BeautyExchange 





UBeauty TheZtyle SheWIn Cosmopolitan





FaceBook WeShare OpenRice





免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,





如需協助或希望獲得更多有關產品資訊, 請直接聯絡該品牌查詢

#CalenduLANDHK #KiehlsHK #100MicroPetals #CalendulaMiracle #微治癒 #Kiehls 

【LANCÔME 「我愛你520」限量版皇牌瑰麗豐盈唇膏】

剛剛過去嘅「我愛你520」，有無同另一半一齊過呢？

咁特別嘅日子，Lancôme 推出咗全新

「我愛你520」瑰麗豐盈唇膏，

可以稱得上係一朵能夠塗嘅玫瑰，包裝又靚又特別，

值得為摯愛送上呢朵獨特玫瑰，表達愛意，

所以我都送咗支畀男友媽咪！

最新推出嘅LANCÔME 「我愛你520」瑰麗豐盈唇膏，

當中包括令人心動嘅心形限量版，以及瑰麗玫瑰金限量版，

兩支都各有特色，兩支我都好喜歡～

「我愛你520」心形限量版 

Lancôme L'Absolu Rouge Cream瑰麗豐盈唇膏(絲滑) 

#368 LANCOME ROSE  HK$270

超靚呀！！係心形唇膏嚟，獨特心形切割，實在太特別，

男仔買嚟送畀女朋友一定tum得另一半好開心，

而且仲配合埋LANCÔME皇牌經典優雅嘅桃紅玫瑰色調#368。

「我愛你520」2019春夏大勢唇色限量版 

Lancôme L'Absolu Rouge Cream瑰麗豐盈唇膏(絲滑) 

#06 ROSE NUDE  HK$270

今年春夏大勢唇色係氣質玫瑰裸色，

再配合埋獨特玫瑰金包裝，

試問叫我哋女生如何忍手唔擁有呢？實在令人愛不釋手！

使用時只需輕按頂部一下，唇膏蓋會彈出來，

兩款顏色都相當顯色，而且唇膏質地幼滑均勻滑順，

上面嘅顏色為#368而下面嘅顏色為#06。

即刻塗上嘴畀大家睇清楚呢兩款顏色啦～

#368 LANCOME ROSE 呢隻顏色好高貴，

而且用後睇落氣色更加好，鮮艷嘅桃紅色澤非常容易carry。

雖然話係桃紅色，但係用後絕不對唔誇張，而且仲感覺高雅，

能夠為雙唇添多一點色彩，加上其滋潤質感，就算用前唔打底，

唔會令雙唇出現乾紋、細紋，

亦係令我一直喜歡用LANCÔME唇膏嘅原因之一。

#06 ROSE NUDE顏色係淺淺嘅珊瑚祼色，

本身以為自己未必可以carry到呢個柔和裸色，點知用落相當合適，

能夠令雙唇增添透亮柔嫩，唇部更顯豐盈，效果好不錯呢！

LANCÔME「我愛你520」限量版皇牌瑰麗豐盈唇膏，

喺Lancôme 專門店同崇光專櫃獨家發售，

快啲去買嚟送畀你心目中重要嘅人啦，

又或者可以為自己送上一份小禮物，獎勵吓平日工作嘅辛勞，

為自己打打氣！

Website：www.lancome.com.hk/

Facebook：www.facebook.com/lancomehk/

❝ Provided By Lancôme❞

聯絡MsJovi：

ww.jovi@ymail.com / www.facebook.com/blogger.ms.jovi/

Blogspot She Elle BeautyExchange 

UBeauty TheZtyle SheWIn Cosmopolitan

FaceBook WeShare OpenRice

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,

如需協助或希望獲得更多有關產品資訊, 請直接聯絡該品牌查詢 
#LancomeHK #Lancome520

【1分鐘亮膚面膜新體驗！philosophy透亮煥膚慕絲面膜】

呢排返工簡直係忙到一個點，
有一日要做足十四個鐘…真心攰，所以呢排都少咗做護理，
返到屋企想沖完涼就即刻上床瞓覺休息。
收到philosophy全新透亮煥膚慕絲面膜，
幾忙都即刻試用，因為只需薄敷短短一分鐘，
就能見到有即時提亮膚色效果，
就算一星期用上二至三次，都只係幾分鐘嘅事情！

philosophy renewed hope in a jar 
透亮煥膚慕絲面膜 HK$270

個人認為如果單靠日常洗臉真係未必可以徹底清潔肌膚，
慢慢就會殘留好多化妝品同護膚品積聚喺皮膚，
從而會堆積大量老化角質同油脂污垢喺皮膚，
唔單止令肌膚失去咗本身光澤，亦會影響後續保養品吸收，
所以做好去角質功夫的確非常重要。

不這春天時肌膚帶有乾燥又比較不穩定，天氣反覆之餘又潮濕，
所以要選溫和去角質產品，恢復肌膚彈性同光澤，
小心使用刺激性高嘅護膚同潔面產品，
因為太過激進會好易造成肌膚敏感。

透亮煥膚慕絲面膜含有菠蘿、矢車菊萃取精華同金縷梅花水等天然成分，
菠蘿萃取物成分天然又特別溫和，適合敏感肌膚，
可去除老廢角質同毛孔污垢，清除死去皮膚細胞；
矢車菊萃取精華有舒緩皮膚同鎮靜抗敏效果，能夠改善肌膚質感；
金縷梅花水就能夠軟化角質，進一步提升去角質成效，
重點能夠收細毛孔，回復白滑細緻肌膚。

藍色泡沫質地輕盈軟滑，薄薄咁塗上一層就可以，
敷喺臉上幼滑質感相當舒服，
一個星期只需兩、三次，就能夠淡化細紋，均勻膚色，
長期使用更可快速重拾健康肌膚。

敷上面時無任何唔舒服嘅感覺，只要輕輕以打圈方式按摩1分鐘，
再徹底洗淨就可看到即時去除暗啞效果；
如果角質死皮太厚的話，可以好似我咁，
先畀面膜靜待1分鐘，等天然鳳梨蛋白酶完成深層化學去角質程序，
再以打圈按摩方式揉除老化角質，最後洗淨面膜。

短短一分鐘，用後能夠清潔老化角質同埋帶走油脂污垢，

而且又能夠加強皮膚吸收度，
實在係好方便懶人或者忙碌時使用。

philosophy銷售地點 

沙田連城廣場20a號舖專門店 電話：2565 8333

尖沙咀彌敦道20號崇光百貨 電話：3911 1036

Facebook：www.facebook.com/philosophyhk/

❝ Provided By philosophy❞

聯絡MsJovi：

ww.jovi@ymail.com / www.facebook.com/blogger.ms.jovi/

Blogspot She Elle BeautyExchange 

UBeauty TheZtyle SheWIn Cosmopolitan

FaceBook WeShare OpenRice

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,

如需協助或希望獲得更多有關產品資訊, 請直接聯絡該品牌查詢
#philosophyhk #renewedhopeinajar #peelingmousse #1minuteglow #goodtoglow