2018年5月12日 星期六

【The Body Shop 齊齊保護喜馬拉雅山瀕危小熊貓】

一直都關注永續社會議題同生態保育嘅 THE BODY SHOP，
係2016年開始就經已推動生態橋計劃，
目的係希望可以幫助瀕臨絕種動物永續茁壯。
近日久美發現喺2018年4月3日至6月2日期間，
凡購買一個喜瑪拉雅竹炭更新淨化面膜或者潔面皂，
品牌會捐出英鎊30便士畀Red Panda Network，
為幫助紅貓熊(Red Panda)重建棲息地，
保護喜馬拉雅山瀕危小熊貓出一分力。
當然啦，希望能夠做善事之餘，產品都係work同好用就更加開心，
所以今次同大家分享一下THE BODY SHOP：
喜瑪拉雅竹炭更新淨化面膜
喜瑪拉雅竹炭更新淨化面皂

 空氣中嘅污染物會阻塞毛孔，從而會引起膚色暗啞、油脂分泌過多、
毛孔粗大等問題，所以一定要定期深層清潔，徹底淨化肌膚。
竹炭排毒淨肌潔面皂100g HK$69
配方含有來自喜馬拉雅山嘅竹炭、
社群貿易茶樹油同埋桉樹油，主力能淨化肌膚，
有效去除雜質同污垢，個人認為適合中性至油性肌膚使用，
同時100% 純素主義者適用呢！
竹炭排毒淨肌面膜75ml HK$199
成分中同樣蘊含來自喜馬拉雅山竹炭、源於日本的綠茶葉，
同埋來自肯亞社群貿易嘅有機茶樹油，
能有效針對需要淨化排毒嘅肌膚，重現年輕活力光澤。
喜馬拉雅山竹炭，可以有效吸走皮膚上嘅油脂污垢，
不單止有助清除角質、導出雜質，更可改善油脂分泌過盛問題。
只需要喺卸妝同潔面後，以面膜掃將竹炭排毒淨肌面膜均勻地塗於面部，
用嘅時候注意避開眼周同唇周肌膚，需要時亦可塗於頸部同胸口位置。
敷嘅時候冰冰涼涼好舒服，
每個星期可以使用2至3次幫肌膚定期掃除角質死皮。
敷大約5至10分鐘後，喺面膜7成乾嘅狀態下以溫水沖洗並打圈按摩，
一邊打圈按摩順便可以一邊帶走老化死皮。
用後皮膚好光澤而且又唔乾燥，能夠暢通同時緊緻毛孔，
而且我覺得仲可以令到後續護膚品更加吸收呢～
快啲一齊幫助紅貓熊(Red Panda)重建棲息地，
為保護喜馬拉雅山的瀕危小熊貓出一分力啦。
Website: www.thebodyshop.com/zh-hant-hk/
Facebook: www.facebook.com/TheBodyShopHongKong/
❝ Provided By Propagate❞

聯絡MsJovi：
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#TheBodyShopHK #daretomask #Rewilding #竹炭排毒淨肌面膜 #竹炭淨肌潔面皂 
#Charity #Redpanda #propagate_hk
張貼者： 於 沒有留言:
標籤： , , , ,

►► 卡路里checked！饞嘴女生必到餐廳 ◄◄

想食好嘢又怕食完好肥？但如果每道菜你都知道卡路里咁就唔洗怕啦！
位於炮台山站 A 出口嘅呢間Helfit Lifestyle Club，
相信係你不二之選，著重食材的營養及熱量，主打推廣健康飲食文化。
Helfit Lifestyle Club有瑜珈課程提供，而餐廳更有營養師駐場，
所有嘅食物會註明卡路里同埋其營養價值，更選用健康方式來烹調。
餐廳環境簡約整潔，裝修帶有田園風，令人感覺放鬆。
除咗有set dinner之外，亦可以散嗌嘢食，
不過見到set dinner價錢咁抵，所以就同男友每人嗌一個試試。
當日晚餐都有好多選擇，我就點咗紅酒比目魚伴香煎帶子配紅酒汁(HK$288)，
而男友就點咗焗寶雲酥羊架伴新薯配百香里汁(HK$358)。
雅枝竹准山湯（卡路里：127)
呢個係我從未飲過嘅湯，對我嚟講非常新鮮，
原來雅枝竹又稱朝鮮薊，係菊科類植物的嘅花蕾，
湯口感幼滑，入口有點似忌廉湯但帶有少少酸味。
另外，附湯更有熱哄哄嘅餐包同埋橄欖油陳醋，食落好開胃。
蟹肉及蟹子沙律（卡路里：127)
雜菜沙律再加上頗多嘅蟹肉同蟹子，配以沙律醋上場，
係一個好開胃嘅前胃，而且口感清新。
焗寶雲酥羊架伴新薯配百香里汁（卡路里：422)
羊架係採用咗蒙古羊，而蒙古羊含有8種人體必需胺基酸同鋅質，
對於免疫系統好有益，有助於穩定血糖。
寶雲酥係法國南部一種傳統嘅焗羊架方法，
男友話呢個羊架處理得好好，首先食落完全唔油，
而且肉汁豐富，又好入味，重點食哂都唔覺得膩。
紅酒比目魚伴香煎帶子配紅酒汁 (卡路里：242）
比目魚無論係味道、營養、功效價值上都好好，而且魚肉細嫩，
好多時我都會嗌比目魚食。
一讚係餐廳嘅紅酒汁做得唔錯，能有提鮮作用，
加上魚肉嫩滑，只可惜魚皮未夠脆身，失咗一點分數。
不過伴旁嘅帶子好大隻，盡顯餐廳誠意，
而且帶子煎得剛剛好，食落仍然好juicy。
另外一個得分位係餐廳除咗注重卡路里之外，仲好著重營養，
主菜嘅伴菜份量好足夠，絕對唔會出現多肉少肉嘅問題，
而且伴菜亦好新鮮鮮甜呢！！
法式奶凍
法式奶凍加以藍莓醬，味道清新，唔會太甜。
薄荷茶
最後來一杯薄荷茶，作為晚餐嘅總結，
能促進血液循環同時紓緩壓力，實在令人感到relax呢！
三百幾蚊有齊頭盤、主菜、甜品同飲品，實在係一個抵食價錢，
而且呢度上菜速度好快，環境又簡約舒服。
同男友嚟食完飯之後，佢經已約咗同事食幾次lunch啦～
聯絡MsJovi：
ww.jovi@ymail.com / www.facebook.com/blogger.ms.jovi/

張貼者： 於 沒有留言:
標籤： , , , , , , , ,

2018年5月9日 星期三

【15分鐘貴婦級護理－日本殿堂級TOKI「升級版黃金毒蛇眼膜」】

原來當毒蛇為咗獵食，就會利用其毒液向生物注射毒素，
當中毒素會直接攻擊生物神經系統同肌肉系統，
導致其呼吸系統障礙、肌肉麻痺，最終令生物死亡，然後獵食成功。
而點解近呢十年咁多護膚品會使用天然毒蛇原液提練呢，
係因為毒液嘅毒性降低後，能阻斷肌肉神經訊號，
令肌肉收唔到神經訊號，咁就能有功減少動態表情紋，
同時肌肉得到放鬆，亦能夠抑制皺紋產生。
手上呢盒嚟自日本殿堂級美容品牌TOKI 嘅「升級版黃金毒蛇眼膜」 ，
喺日本屬於貴婦級別護膚品，眼膜萃取自純天然嘅蛇毒成分，
值得一提係升級版第二代黃金毒蛇眼膜嘅配方，
仲有國際特許成分基肽 3000 ，再配合埋改良版棉纖維膜布，
敷起上嚟feel得到更薄更貼。
一盒裡面共有60塊黃金毒蛇眼膜，即係30對嘅份量，
眼膜使用納米分子賦活作用技術，精華可以好精準咁滲至眼底，
能達致提拉緊緻，仲可以喚醒細胞自我修復，
keep住使用可以有效去皺、淡化黑眼圈，bling bling眼恩物！
納米分子賦活作用技術係將成分納米化，以強化產品嘅滲透性，
促進營養物質導入，令到用後效果更顯著同時提升其效用，
所以呢個眼膜敷大概15分鐘後，明顯見到眼袋位置即刻撫平同pump飽水。
TOKI升級版黃金毒蛇眼膜除咗天然毒蛇原液外，
成分中仲有5種SF皮膚再生成分同2種抗糖成分，能令眼周瞬間恢復彈性。
另外，具有積雪草提取物，呢個成分好出名能舒緩肌膚，
補濕同緊緻肌膚，可以加速淡化黑色素。
打開盒就見到附有鑷子可以方邊取出眼膜，
好細心嘅安排，因為一盒眼膜有60塊，咁就可以確保用時更衛生。
眼膜經已好整齊咁存送係盒內，30對眼膜，
每一片都充滿住精華，能對眼部肌膚做個特別呵護護理，
每個星期我會用一至兩次，所以一盒足足能用上三個幾月呢～
個人嚟講我會比較喜歡用布質眼膜，
因為夠貼服，敷緊果時仍然可以坐係度做嘢或者睇電視，
而且後眼周肌膚變得明亮水潤，保濕度大大提升。
喺化妝水同原液後，取出眼膜，先用一隻手固定，
然後用另一端慢慢向上提拉，令眼膜貼服於眼下，
一般敷眼膜嘅最佳距離係眼下3毫米左右，大概敷10-15分鐘就好足夠。
由於眼膜係腰果型設計，我亦會敷係法令紋位置作重點修護，
可以有淡紋抗皺嘅作用。
來一個貴婦級護膚，有效快速減退乾紋，
一次過改善眼部同法令紋位置嘅問題，我覺得保濕度好好，
可以快速滲透肌膚進行修護。
記得敷10-15分鐘就好足夠，喺半乾濕情況下就要拎走眼膜，
否則乾掉嘅眼膜會倒抽眼周皮膚水分，造成反效果呢！
用後眼肚位置仲有好多精華，需要進行按摩再幫助加強吸收，
效果都幾顯著，細紋同黑眼圈都有改善，能夠撫平緊緻鬆浮眼肌。
有效為幼嫩眼周肌膚提供營養，
同時眼膜具有多達180種成長因子同肉毒桿菌素，可加速細胞修復，
提高眼部自我修復，增加肌膚彈性。
TOKI升級版黃金毒蛇眼膜能一次過滋潤補濕、增加肌膚彈性，
改善黑眼圈同眼紋問題，令雙眼時刻保持醒神精靈，絕對值得一試。
想睇多啲分享？睇埋我條片啦！

 Very Lucky Japan Ltd 係TOKI Japan大中華嘅總代理 
WhatsApp即入手: bit.ly/57013678
WeChat: bestbeautyhk
Website: www.bestbeautyhk.com
Toki FB: www.facebook.com/jptokiasia
❝ Provided By Very Lucky Japan Ltd❞

 聯絡MsJovi：
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
張貼者： 於 沒有留言:
標籤： , , , , , ,
訂閱： 文章 (Atom)