2018年11月27日 星期二

【KIEHL’S|GIVE JOY. GIVE KIEHL'S – #KiehlsxAndrewBannecker】


就快到聖誕節啦,上星期Black Friday經已不停買買買,
屋企多咗兩個小成員,即係要連兩份聖誕禮物都要預多兩份,
所以今年比以往提早預備聖誕節禮物。
每年我最期待嘅節日真係莫過於聖誕節,
因為見到好多好靚好抵嘅禮物,心情都會即刻好好多!
就好似今年Kiehl’s 嘅節日限量系列,非常吸睛,
Kiehl's聯同插畫家Andrew Bannecker
設計燦爛繽紛嘅圖案,合作出咗可愛度滿分嘅節日限量系列
等我同大家分享一吓啦~~
由面部至身體護理產品️都有推出限量產品,真係好值得入手,
自用或者送畀朋友都好啱,因為Kiehl’s將你購買嘅產品,
放落美國知名藝術家Andrew Bannecke設計嘅節日主題禮物盒入面,
再精心包裝好,仲可以即場寫埋心意卡,完成獨一無二嘅佳節禮物,
送畀朋友或者自己都非常開心。
特別值得一提係個化妝袋真係好可愛又充滿節日氣氛,
你都想要?!
只需要購買產品或節日禮品套裝滿HK$1,200,
就可以獲贈呢個咁精美嘅Andrew Bannecker限量版化妝袋!
金盞花植物精華爽膚水
Calendula Herbal-Extract Toner 250ml HK$300
相信一眾粉絲絕不會陌生!
成分當中絕無酒精,萃取自金盞花卉及其他天然植物精華,
個人頗喜歡呢支爽膚水,可以抹走皮膚毛孔內嘅污垢,
用後皮膚感覺好清爽又柔順,重點有時皮膚乾燥可以快敷五分鐘急救。
特效保濕乳霜 
Ultra Facial Cream 50ml HK$295
24小時保濕面霜,有助減少水分流失, 同時可以由空氣中吸取水分,
呢個面霜係我身邊好多朋友回購又回購嘅好物。
而今次聖誕特別版蓋上面仲有一朵而幾何圖形拼成嘅聖誕花,
玩味十足,又有節日氣氛,送畀朋友相信實好開心。
經典潤膚乳 
Crème de Corps 250ml HK$285
Kiehl’s身體護理皇牌產品當然係呢支滋潤無比嘅潤膚乳,
可以幫助對抗自由基侵害,令肌膚保持天然水分平衡,
如果你皮膚本身比較乾燥嘅話,不妨用呢款產品。
Kiehl’s粉絲必讀優惠:
宜家只需購買產品或節日禮物套裝:
購物滿HK$1,200,可獲贈 Andrew Bannecker限量版化妝袋乙個
購物滿HK$1,500,可獲贈 Andrew Bannecker限量版化妝袋乙個同精裝版試用裝4件 
購物滿HK$1,800,可獲贈Andrew Bannecker限量版環保袋乙個及精裝版試用裝4件

快啲去Kiehl’s專門店了解一吓節日優惠組合啦!!

Kiehl's Website:www.kiehls.com.hk/
Kiehl's Facebook:www.facebook.com/KiehlsHongKong

 Provided By Kiehl's
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#Kiehls #KiehlsHK #KiehlsHoliday #KiehlsxAndrewBannecker #GiveJoyGiveKiehlsHK





【滋潤身心.寵愛自己 - NIVEA花香果油潤膚乳系列】

一到轉季,肌膚容易變得乾燥敏感,
面部、手踭、小腿等等位置會甩皮、出現泛紅情況。
而NIVEA嘅潤膚乳一向喺我Buy List上三大嘅上架潤膚乳,
因為深層滋養肌膚得嚟用後唔會覺得油膩,
全身塗得香香又能保持肌膚水嫩,CP值超標。
轉季除咗買衫褲鞋襪,更重要係滋潤一吓乾燥嘅皮膚,
唔知大家同我係咪有相同想法呢,
我覺得每晚幫自己全身揸上香噴噴嘅Body Lotion
真係一件非常放鬆嘅事情
皮膚摸落去好嫩滑,心情都特別好。
今次想同大家介紹香噴噴又夠滋潤嘅NIVEA花香果油潤膚乳,
乳液加入果油,質感細緻輕柔,能夠協助滋潤乾燥肌,
又能享受花香,真正從觸覺和嗅覺的寵愛感受。
NIVEA玫瑰香氛堅果油潤膚乳400ml
淡雅嘅玫瑰香氣可以瞬間舒緩身心疲累,清新柔和香氣用後令人非常relax,
舒緩一整日嘅壓力,同時用後瞓得能特別好。
NIVEA櫻花香氛荷荷芭潤膚乳 400ml
同樣香氣好淡雅嘅櫻花香氣,用後清新柔和香氣縈繞肌膚,
每次用完都會令我覺得有一絲絲幸福感覺,
令忙碌緊繃身心靈得到一點點嘅紓壓。
雖然lotion蘊含植物果油,但係用後完全唔會覺得笠痴痴, 
反而好輕盈易吸,有充足潤澤力滋潤身體每一吋嘅肌膚。
花香嘅氣味相信任何人都難以拒絕,清新柔和香味,
令人心情特別愉快。
我喜歡每日沖涼後,身上還有少少水分時直接揸上潤膚乳, 
水分同潤膚乳一齊被肌膚吸收,觸感會變得超水潤,
經過一整晚皮膚都仍然保持軟滑,香氣仲好持續呢!
玫瑰香氛堅果油潤膚乳加添咗珍貴堅果油;
櫻花香氛荷荷芭潤膚乳就額外加入荷荷芭油溶入潤膚乳內,
兩者同樣用後潤而不膩,能夠快捷修護乾燥肌膚。
玫瑰香味感覺好浪漫,而櫻花香氛就非常甜美,
由於每晚瞓前都會使用,所以無論睡袍或者床單都充滿呢股甜甜香氣,
香噴噴令我瞓得更好呢~
推開後肌膚就會呈現光澤感,連乾燥嘅手肘位置都有改善,
我最怕用好膩笠嘅潤膚乳液,呢款就啱哂我,水感又夠滋潤度,
好似有一層薄薄保護膜保護肌膚,減低乾燥泛紅等問題。
充滿水分又有光澤感嘅肌膚實在相當重要,
因為冬天時份都會穿上短裙短褲,如果乾紋盡現點見人呢?
NIVEA花香果油潤膚乳無論鎖水、滋潤效果上都表現得出色
以上架價錢真心覺得超值,一個冬天用上幾支也不心痛又不過分。
每日工作嘅壓力咁大,返到屋企當然要享受一個屬於自己嘅ME TIME,
敷吓面膜、揸吓潤膚露,女人絕對要懂得愛護自己,
有時間就要滋潤肌膚同時放鬆心靈啦。

Facebook:www.facebook.com/nivea.hk/
Website:www.facebook.com/nivea.hk/
 Provided By NIVEA
聯絡MsJovi:
ww.jovi@ymail.com / www.facebook.com/blogger.ms.jovi/

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#NIVEA #NIVEAHK #花香果油潤膚乳 #Rose #玫瑰香氛堅果油潤膚乳 #CherryBlossom #櫻花香氛荷荷芭潤膚乳 #清新花香 #水包油配方 #清爽保濕 #深層滋潤

2018年11月25日 星期日

【高質親民護膚好物|肌研「糀潤系列」】

肌研嘅產品一向以實力去勝盡一眾粉絲歡心,
特別係極潤保濕化粧水,以高效玻尿酸卓越嘅保水力成分風靡亞洲,
連我身邊嘅男仔朋友都有用!
「糀潤系列」由推出就一直好評不斷,今次收到一整套試用,
用後認為果然名不虛傳,CP值超高。
「糀」即係由米經過蒸煮、冷卻、發酵而製成嘅一種純天然甜味劑,
就好似製造清酒、醬油、味噌等等一樣。
「糀」呢個字眼好美,而且仲含有非一般的護膚成分,
包括氨基酸、維他命、神經醯胺 (Ceramide)同礦物質等,所以具有高效保濕力,
特別能修復乾紋、缺水、暗沉肌膚,發揮極致功效,
令皮膚即時變得剔透水潤、明亮光澤,同時改善粗糙膚質,變得更細滑。
糀潤潔面乳Kouji Treatment Cleansing Foam 120g HK$109
糀潤賦活雪凝精華Kouji Treatment Essence 110ml HK$239
糀潤雪凝霜Kouji Treatment Cream 50g  HK$249
糀潤雪凝晩霜 Kouji Treatment Night Cream 50g  HK$249

成個糀潤系列萃取自天然日本白米

係白米發酵過程中會產生極微量嘅天然酒精,
所以使用時會散發出微微清酒甘香,同時一貫品牌作風,
成分無香料、色素同礦物油,唔會令到肌膚有任何負擔。
糀潤潔面乳Kouji Treatment Cleansing Foam
潔面產品絕對係護膚上非常重要嘅一環,
呢支潔面乳性質溫和,而且可以搓出大量泡泡,泡沫豐盈。
能夠滲入至肌膚每個毛孔,將污垢清除,帶走油脂,
個人覺得任何皮膚所適合使用呢支潔面乳,
其酒精濃度極低,酒精過敏者亦可以放心使用,
而且用完之後皮膚唔乾燥,摸落去仲好柔滑。
加上洗面後皮膚好水潤舒適,原因係當中嘅保濕成分含量高達50%,
亦因此解釋到其性質好溫和,就算呢排轉天氣使用都無問題。


糀潤賦活雪凝精華Kouji Treatment Essence
蘊含高效保濕成分水解大米蛋白,富含氨基酸、維他命、葉酸等營養,
具有保濕同修復肌膚紋理功效
水狀質地嘅清華非常易被皮膚吸收,滲透度相當高,
用後皮膚好清爽,唔會覺得笠痴痴。
精華同樣無添加MIT防腐劑、香料、色素同礦物油,連敏感肌都可以用,
用時會帶有淡淡清酒甘香。
由於性質好溫和,所以連眼周同嘴角等位置都可以使用,
我都會洗完後即刻拍上爽膚水,就立刻使用糀潤賦活雪凝精華,
可以先用掌心包著臉部,藉住雙手微微溫感令精華發揮功效可以更加好。
用後皮膚好清爽又能提升水分,同時皮膚可以更軟滑細緻,
仲令到後續使用其他護膚品吸收得更加好,呢支精華真係好討我歡心。

糀潤雪凝霜Kouji Treatment Cream
集合化妝水、乳液同美容液等多功效嘅全能面霜,
具滋潤、鎖水、修復乾紋同調理膚質功效,質感好像雪糕咁柔軟,
而且更帶有少少彈性,介乎於cream同gel狀之間,用時非常易推。
少少份量就可以推得開開,而且用後能達致滋潤同時鎖緊水份, 
能夠增加肌膚嘅抗禦能力,用後肌膚回復細滑緊緻,剔透潤澤。
呢個價錢同質素嚟講,真心幾抵用,用後塊面即時感覺到有補濕效果,
仲要搽完完全唔覺得有笠痴痴感覺,妝前使用都幾好。

糀潤雪凝晩霜 Kouji Treatment Night Cream
同樣集合化妝水、乳液及美容液等多功效的全能修護晚霜,  
而且仲揉合咗面膜功效,可以係晚間深層修護受損肌膚。
晚霜相對面霜嘅質地較為杰身一點,但係推開之後又唔會覺得太笠,
薄薄搽一層就經已好足夠,唔洗用太多。
連續地使用可以改善枯黃暗啞膚色,令肌膚更細緻幼嫩,
同時亦都大大提升肌膚鎖水能力,尤其適合秋冬使用。
價錢親民又能高效護膚,可以日夜補水鎖水,長效潤澤肌膚,
雖然有少少酒精含量,但絕對好溫和,連敏感肌膚都可以使用,
想滋潤修護不妨試試呢套肌研「糀潤系列」。

銷售點:各大萬寧、屈臣氏同莎莎

Website:www.hadalabo.com.hk
Facebook:www.facebook.com/hadalabohk
 Provided By 肌研Hada Labo
聯絡MsJovi:
ww.jovi@ymail.com / www.facebook.com/blogger.ms.jovi/

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#白米の発酵力 #由2變3 #HadaLabo #肌研糀潤