中秋節就快到啦，又係一家人聚埋一齊嘅時間，
而一講到中秋佳節，月餅絕對係唔可以缺少嘅一環。
早前，我就同謝霆鋒一齊食月餅㖭。
「鋒味巴馬火腿蓮蓉月餅」同「 鋒味月曲奇(牛油味) 」，
居然可以喺活動上同大眾男神一齊品茶嚐月餅，實在太開心啦。
但係，見到霆鋒唔係最最最重點，而係⋯⋯
哩兩款月餅打破傳統得嚟又好食，實在要跟大家分享一吓！
鋒味曲奇一向我都好喜歡食，因為味道特別又唔會過甜，
早前嘅「蝦條味曲奇」亦係創新得嚟好好食，
絕非市面上常見嘅口味，味道出奇地夾。
今次活動主角當然係全新推出嘅「鋒味．盈月禮盒」，
全新包裝設計，包裝設計得好別緻，
送禮一流，亦可以同家人同朋友齊齊分享情味。
每年中秋食月餅最大嘅難題係點樣優雅巧妙咁切分月餅，
令到每一小塊都有同樣均等嘅蛋黃。
而謝霆鋒研發嘅「鋒味巴馬火腿蓮蓉月餅」，
就融合咗被譽為「意大利玫瑰」嘅上等巴馬火腿，
再配以優質湖南湘蓮精心製成嘅清香白蓮蓉，
採用埋精選頂級鹹蛋黃烘焙，層次豐富，甘香味濃。
哩款巴馬火腿脂肪分佈均勻，口感比起其他火腿爲柔軟，
而謝霆鋒研發時就好巧妙地先磨碎巴馬火腿後放係幼滑蓮蓉裏，
食落甘香得來又有口感，而且仲一啲都唔油膩。
反而甘甜同鹹香相互襯托，回味十足，
每一口都能夠食到鹹蛋黃、蓮蓉同火腿，滋味無比，
平日唔愛食月餅嘅我，都忍唔住食咗半個呢～
食月餅當然配茶道最合拍，當日仲可以一嚐茶老七嘅紫鵑紅茶，
同月餅、曲奇實在係非常巧妙配搭，仲可以消減油膩感。
「鋒味月曲奇(牛油味)」鬆脆曲奇外殻香滑濃郁，
內餡仲配上上鹹香粒粒蛋黃同清香蓮蓉烘焙，口感鬆脆，
大大擺脫傳統月餅嘅肥膩感。
以革新、反傳統方式，將月餅同曲奇特點混合，入口鬆脆，每啖有層次感。
鋒味．盈月禮盒(鋒味巴馬火腿蓉月餅4件 及 鋒味月曲奇(牛油味) 2件)
標準價 HK$328
優惠價 HK$278 (由8月21日至9月24日止)
