2017年11月18日 星期六

【Visée Glamorous Matte 全新型格妝容】

一到轉季時份就有好多品牌推出秋冬限定妝物,
所以早前Ms.Jovi亦出席咗KOSE Visée「 Glamorous Matte」發佈會活動
當日除咗可以即場大試新系列產品之外,
大會更請來來自日本嘅Visée 化妝大師,即場利用新系列產品,
示範日本最流行嘅秋冬妝容呢!
新系列「 Glamorous Matte」主張打造自然立體感效果妝容
所以眼影、胭脂及粉底都具有「純金粉體」,
而且全線化妝品均配合美容液成份,等一眾女生可以係化妝同時,
讓肌膚享受如護膚般嘅效果。
Visée 日本化妝大師係當天為模特兒示範咗日本最流行嘅型格華麗妝容。
只見模特兒係短時間內搖身一邊,即刻成為極具女人味又型格嘅女生,
簡直係一個Handsome帥氣得來又Glamorous華麗魅力嘅時尚妝容,
看起來又Sharp又迷人。
早前,Visée CRYSTAL DUO LIPSTICK經已大賣至數度斷貨,
這個膏唇能打造自然漸變櫻唇,當中久美亦有一試於手背,
發現其上色度及顯色度的確非常高,CP值滿分。
所以當日活動後,我亦急不及待地帶走了三件新品回家,
即刻感受如何化出一個型格華麗妝容。
新品分別係:Visée迷色啞緻柔潤唇釉、Visée迷色華麗魅色眼影盤同埋
Visée迷色華麗眩彩閃粉霜。
先就這個眼影盤包裝超唯美,而且共有兩個色系選擇,
BR-1 Beige Brown和BR-2 Pink Brown,而久美呢盒係BR-1 Beige Brown。
眼影粉質貼服又顯色,老實說以百多元一盒有八款色,真係不能不入手!
以啞緻同珠光等不同質感嘅各種深淺裸色組成,
用起來時可以隨意配搭不同質感同埋色調,打造多變嘅立體深邃魅惑眼妝。
用時可以由淺入深地塗上眼影,可以打造出有層次感嘅眼妝,
秋冬時分就可以化出一個較為型格的妝容。
眼影顯色度非常高,即使係新手都可以輕易打造出有層次嘅眼妝,
加上眼影中有美容液成分,用後眼部肌膚保持水嫩滋潤不乾燥,
而且眼妝亦可以持續一整天。
我會在眼中至眼尾位置用上較深色嘅顏色,有助大眼感覺提升!
由於這次型格妝容想突然唇妝,所以眼線則可用上啡色眼線,
輕輕地畫上一條幼身就可以了!
Visée迷色華麗眩彩閃粉霜亦是我試用後超推薦大家入手的好物!
限定2色有GD-1 Gold Sparkle和SP-2 Prism Sparkle,我選嘅係眩金色。
可以用於眼妝及唇妝,高密著度珍珠粉體,細幼又貼服,用後舒爽不黏笠,
加上它是純金粉體,用後可以塑造自然立體眼妝,只需要在日妝加以閃粉霜,
就可以變成party晚妝,就能夠閃亮全場。
可以以指尖沾取少量,點係唇妝或眼妝上,然後輕輕印開。
如果係眼妝上則能點於眼頭上,打亮眼妝;
塗抹於雙唇及眼珠位置上,更可以大大加強立體效果。
雙眼更顯有神,帶有自然立體效果,
對於OL來說真係好方便,只需要輕輕印上就能帶出簡單轉換妝容感覺。
Visée迷色啞緻柔潤唇釉,色澤啞緻,想妝容帶出型格感覺,
用它就最好不過了,它輕盈幼滑嘅Mousse touch質感,
能夠塑造出高顯色柔潤啞緻妝感。
一系列共有六種顏色選擇,無論想打造Sexy或者係Natural感都可以,
而我用的是RD480,主色澟然型格嘅Handsome Red 帥紅色。
富空氣感輕盈嘅幼滑Mousse Touch質感,
可以係唇上形成遮蓋唇紋同無負擔感薄膜,
加上它特別設計嘅彈性唇棒,可以一塗即能均勻唇色,令雙唇變得魅惑飽滿,
如果你平日少用唇釉,不用怕,因為新手也不容易失敗,
能夠輕鬆完成柔潤啞緻妝感。
這個超值得一讚嘅係,質地順滑易延展塗勻,
無需潤唇膏下雙唇仍可保持水嫩滋潤不乾燥,超好用。
想要打造不同嘅妝效,就好像是今次嘅型格妝容,
只需要簡單幾件Visée Glamorous Matte系列產品,
就能打造一個性感型格嘅華麗新形象。
加上全線化妝品均配合美容液成份,化妝同時讓肌膚享受如護膚般效果!

Visée迷色華麗魅色眼影盤 9g HK$138
Visée迷色華麗眩彩閃粉霜 5.5g HK$70
Visée迷色啞緻柔潤唇釉 5.6g HK$106
銷售點:KOSÉ專門店、專櫃、指定莎莎
Facebook:www.facebook.com/Viseehk/
Website:www.kose.com.hk/v2/visee
 Provided By Visée❞
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢 
#visee #viseehk #makeup #cosmetic #japan #lipstick #Rola #matte 
#mattelip #MatteLipLacquer #啞緻唇妝