2017年8月30日 星期三

【The Face Spa - LipoHIFU擊退肚腩仔 】

身為OL當然都有每日勁坐8個小時嘅生活,
加上鍾意飲凍嘢(特別係夏天嘅時候啦),雖然平日睇相見我好似都細細粒咁,
但其實我有一個大肚腩,只係我掩飾得好所以你地唔知道。
(文章尾段有優惠放送~)
為咗可以改善身型,唔洗著衫再遮遮掩掩,
上星期六去咗位於中環威靈頓街嘅The Face Spa幫手,
因為佢地係一間一站式個人美容護理中心,有專業醫生駐場,
仲有經驗豐富美容治療師照顧客人面部需要。
環境好舒服,一到達就有美容師遞上一杯檸檬草花茶,
呢D貼心服務比起大型美容院做得更出色同細心呢。
The Face Spa提供好多唔同品牌嘅面部護理療程,
例如:Dermalogica、La Mer、Swiss Perfection同埋Eminence等,
當中包含咗皮膚分析、深層清潔、去除角質、面膜、面部和肩頸按摩
同時也可加配儀器例如精華導入和鑽石磨皮機等。 
所有面部護理都係一對一度身訂造嘅,美容師會根據您當日皮膚狀況和需要,
選擇合適您嘅產品,值得一提嘅係The Face Spa收費係中環地段嚟講價錢好合理。
而且佢地仲推出由美國製造嘅自家品牌DR.T SERIES護膚品
等大家平日做完光學療程時可以加強修護肌膚,補充肌膚營養。
不過最叫人安心嘅係見到好多Botox、Restylane、Sculptra等空瓶,
可見醫生經驗相當豐富,亦為好多客人進行過注射或其他醫學療程。
呢度每間房間空間感十足,而且仲有可以供兩人使用嘅房間,
咁就可以約埋好朋友或者另一半一齊扮靚靚啦。
今次我做LipoHIFU療程嘅房間就係呢度啦,
相比好多美容院,呢度提供嘅空間同整潔度絕對值得一讚。
LipoHIFU療程係D咩嚟呢?
HIFU係聚焦超聲波(High Intensity Focused Ultrasound)
我都試過做HIFU面部療程,但原來係可以應用係身體部位,
係非入侵性瘦身療程嚟,主要要嚟減肚腩、修腰、大小腿、手臂bye bye 肉等,
透過當中熱力深入底層,破壞同溶解頑固脂肪,
深度係可以直達肌底13mm㗎,所以做完即時會有初步緊緻效果。
由於做身體部分同做面部HIFU唔一樣,所以儀器嘅頭都會唔一樣,
進行療程嘅手法都會唔同。
正方型嘅治療頭每次會打五百幾點,而且可以深達肌底13mm,
同一般面部HIFU長方型治療頭完全唔同,由於範圍廣,
所以每次療程時間都唔洗一小時,啱哂我呢D無時間又貪靚嘅女生。
為咗了解自己身型比例同埋有無療程效果,
係進行療程前佢地就先幫我進行記錄同埋測試。
療程前我的肚腩仔對上嘅脂肪有10mm,而肚腩仔有成12mm,
雖然我嘅身型都算係瘦,不過因為成日食同坐、又鍾意飲凍嘢,
而且又小運動嘅關係,所以有個鬆泡泡肚腩,
搞到就算夏天都遮遮掩掩唔太敢露腰。
由於LipoHIFU係非入侵性瘦身療程,過程唔洗麻醉,
而正式開始前,醫生係我肚腩仔位置上先畫上記號,
等我知道將會進行治療嘅範圍,再塗上凍gel,
凍gel可以幫手減低治療時候嘅微溫,塗上肚仔度時有D冰涼。
老實說,其實過程中嘅感覺唔算太大,沒有接受唔到嘅感覺,
只係會有D酸軟麻痺感覺,所以好容易接受!
而且進行療程嘅手法亦同面部HIFU好唔同,
醫生會利用正方型嘅治療頭按壓住需要進行治療嘅部位,
每一下會大概放置數十秒,我會有輕輕感受到熱力注入身體嘅感覺。
係進行療程期間,醫生除咗同我講解療程資訊外,
亦不停詢問我嘅治療感覺,可見佢地服務相當細心體貼,
所以整個治療十分輕鬆~
完成療程後,第一時間當然係睇下有無效果啦!
肚腩仔對上嘅脂肪原本有10mm,療程後即時減至6mm,
而肚腩仔原本嘅12mm就下降為11mm,
聽醫生講呢個只係療程後即時效果,慢慢會見到個效果更加明顯,
而且效果可以持續約三個月呢!
由於LipoHIFU療程效果實在太令的滿意,放相!
開心share一下我療程前後即時效果啦,
明顯肚腩仔有被擊退,除咗量度得到數據之外,
亦見到肚腩位置有緊緻效果,整體身型線條更加靚。
如果你係準新娘又或者試過好多方法都擊退唔到肚腩仔,
久美建議大家一試由The Face Spa醫生主理嘅LipoHIFU療程!

優惠分享:

只需要係預約前講係MsJovi久美小姐讀者,就可以以優惠價HK$2,000,
享用一次價值HK$10,000嘅LipoHIFU療程啦。

Website: www.facespahk.com
Facebook:www.facebook.com/facespahk/
電話:5438 5700 / 2815 1580
 Provided By The Face Spa

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢