2019年8月19日 星期一

【久美大愛台灣TTMask精萃黑面膜系列】

台灣品牌TTMask,我非常非常喜歡嘅其中一款面膜,
之前去台灣旅遊都有入手帶返香港,估唔到呢家喺Colourmix卡萊美有得賣,
而且價錢仲唔貴tim呀,大家快啲䏲吓我嘅分享再去入手一試啦!
由台灣製造嘅精萃黑面膜系列,以活性炭纖維及水針布織製而成, 
可以一邊敷臉同時有效吸附多餘油脂,當中活性炭能淨化毛孔,
因此用後能大大提升皮膚吸收力。
TTMask精萃黑面膜系列包括有:
黑珍珠亮透靚白黑面膜
白金玻尿酸水感黑面膜
金箔煥齡奢寵黑面膜
三款面膜用後我都好喜歡,但我皮膚較為乾燥缺水,
所以我喺台灣時都只係入手白金玻尿酸水感黑面膜,
因為用後可以立即補充水分,皮膚水潤柔軟。


黑珍珠亮透靚白黑面膜 (30ml x 10片)
萃取自大海嘅黑珍珠精華,富含天然礦物質同胺基酸,
可以舒緩肌膚因環境、生活壓力下累積嘅疲倦黯沉,賦予飽滿神采。
另外仲配合咗多重植萃精華,包括牡丹花、熊果素同百里香等等,
用後可以掃走暗沉膚色,昇華肌膚防禦能力,煥發透亮凝白光澤。
非常喜歡面膜嘅水針布質感,質材柔軟貼服,能緊緊包覆面部,
伸展性好高,用時唔會出現移位問題,
又能承載大量精華,係我喜歡呢款面膜嘅原因。
用後皮膚好水潤,而且明顯更亮白,透明感提升不少,
如果曬後想使用美白面膜又怕太乾,呢款就集齊保濕同光澤兩者嘅功能啦。


白金玻尿酸水感黑面膜 (30ml x 10片)
可以緩和敏感或者缺水泛紅,能軟化膚質,告別粗糙,重現飲飽水肌膚,
呢款面膜含大量補濕精華,用後可即時為肌膚注水。
當中添加咗強效補濕成分玻尿酸精華,由小分子加以高濃度配方,
因此用後能深層補水長效保濕,維持肌膚高含水量,
另外神經醯胺可同步活化修復,改善乾燥脫屑,徹底潤澤肌膚
能即時改善乾燥,修復受損肌膚,
當皮膚極缺水或泛紅時使用就最適合不過。


金箔煥齡奢寵黑面膜 (30ml x 10片)
呢款面膜添加咗24K高純度金箔,可顯著活化同時預防衰老
金箔成分主力可以躍動肌膚細胞彈性。
另具有水仙萃取同四胜肽等深層保濕成分,可重喚嫩肌年輕彈力。

近鏡畀大家望吓,面膜沾滿金箔,
而質地同另外兩款一樣都係咁舒適。
用後皮膚好光澤,而且水潤又緊緻,
肌膚平滑柔嫩,感覺到回復生機活力,如果你想注意改善初老,
回復皮膚彈性,咁就可以選擇呢款面膜。
三款面膜各有特式,照顧唔同皮膚需要,
TTMask精萃黑面膜系列性價比高,而且充滿大量精華,
最令人喜歡絕對係其極具彈性嘅面膜,可以100%包裹全面!

銷售點:全線Colourmix卡萊美獨家發售
Website: www.colourmix-cosmetics.com
Facebook:www.facebook.com/colourmix.cosmetics
❝ Provided By colourmix❞ 
聯絡MsJovi: ww.jovi@ymail.com / www.facebook.com/blogger.ms.jovi
Blogspot She Elle BeautyExchange 
免責聲明: 是次產品/產品資料由品牌提供, 本文章內容屬個人意見及感受,
並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢 
#TTMask精萃黑面膜系列 #TTMASK #黑面膜

2019年8月14日 星期三

【小資女必讀!低⾄專櫃半折!一線美妝護膚產品網購平台】

平日返工咁忙,真係未必有時間可以慢慢行街,
更莫講話四圍格吓價,至抵精明眼啦!
今次同大家分享我好喜歡嘅網購網站,
因為我平日真係比較少時間行街,所以網購對我嚟講真心好重要,
可以足不出戶,無時無刻購物

net-a-porter

相信好多都人認識英國網站net-a-porter,站內有大量奢侈品品牌,
Gucci、Chloe、Balenciaga、Saint Laurent、Isabel Marant、Prada等等,
估計多達800個或以上品牌。

好多時候我會等佢瘋狂大減價就入手,特別係一啲貴價時裝品牌,

好似我上次買一條皮帶送畀男友,折咗計落都只係HK$1,000左右。
另一方面,我好喜歡其精緻嘅包裝同埋非常方便嘅退換貨服務,
不過網站要買滿HK$2,500先可以享有免運費送到香港,
有時單買護膚品或者化妝品真係未必夠呢個金額,
咁就要額外畀大概HK$50嘅運費。

LASAGAIA.COM
主力銷售各國著名嘅品牌護膚品、彩妝、化妝品、香水等等,
係一個大型美護膚同化妝品網購平台。
網站內好多一線品牌都有,包括 :
ESTEE LAUDER、LANCOME、LAMER、FRESH、ORGIN、
CLE DE PEAU、GIORGIO ARMANI、YSL 等等。
只需購物滿HK$499就免運費,大概幾天就可以收到戰利品,
加上品牌同產品種類繁多,仲周不時會有優惠減價tim,
所以呢個網站成為我近排至愛。
超推薦大家了解LASAGACIA BEAUTY BOX,
分別有Basic同Premium兩款選擇,
分享吓呢期Basic Beauty Box燒吓大家先。
Basic Beauty Box入面有:
1x KIEHL'S 特效保濕面霜50ML
1x FRESH 大豆卸妝潔面乳 150ML
1x 靈芝菇菌抗逆健膚紓緩水 200ML
1x NARS 炫⾊色腮紅 #4013
1x DIOR Rouge 傲姿唇膏 #999
原價HK$1,550,呢家只係HK$1,088,
計落差不多成7折,真心抵,而且入面嘅產品仲係品牌嘅hero product!
產品有機會會同香港專櫃包裝有少少唔同的,
因為產品係嚟來⾃世界各地所授權同合法嘅分銷公司,
不過可以放心嘅係100%保證係正貨同新鮮度滿分。

SHU UEMURA 

petal 55 foundation brush for fluid foundation
而且網站內經常有減價產品,呢個掃真心好用,
之前都有同大家分享過,用後個底妝好貼服無掃痕,
呢個掃之前係畀人搶到無哂貨,仲要一向無discount,
LASAGACIA只係HK$380,原價要HK$450。
CLE DE PEAU BEAUTE 
HYDRO SOFTENING LOTION LOTION HYDRO ADOUCISSANTE 170ml
呢支我呢排用緊,覺得好保濕同埋鎮靜肌膚能力幾好,
喺專門店要HK$950,LASAGACIA只係HK$719!
Shiseido Eye Power Infusing Eye Concentrate 15ml
之前同大家分享過,呢支係敏感眼必用嘅眼部精華,
真係好好用,用後眼部肌膚更加穩健,專門店HK$550,
LASAGACIA只係HK$393,真心好抵買,
所以我都忍唔到手入手咗啦!
順帶一提,LASAGACIA 已經進入咗香港啦,
唔單止係護膚品同化妝品店零售商,亦係一個創新平台,
目標仲會開發更多獨家系列產品,例如 LASAGACIA 美容盒。

LASAGACIA 網站 www.lasagacia.com 

LASAGACIA 香港 Facebook 專頁 – LASAGACIA @lasagacialimited 

LASAGACIA 香港官方 Instagram – @lasagacia

Sephora
最後要分享嘅係Sephora,相信大部分女生都有幫襯過,
網站上只需買滿HK$299就免運費,其實等於一件貨就免辨運費咁濟。
另外分享一個小攻略畀大家,
結帳時只需將試用品添加去購物袋,就可以免費享有試用品啦,
如果試用品缺貨時Sephora就會提供替代品。

鐘意喺呢個網站購物嘅原因,係因為佢有好多美妝品牌,

好多都係香港未有專門店,所以我就能夠快人一步試新品,
滿足哂我咁要新鮮感嘅需要。
另外,我大部分時間都會喺「特賣」區睇吓有咩荀嘢入手,
經已以7折買過幾次BENEFIT COSMETICS嘅眉妝好物。

今次分享到呢度,大家又有無心水美妝護膚品網路參考吓呢?

聯絡MsJovi: ww.jovi@ymail.com / www.facebook.com/blogger.ms.jovi

Blogspot She Elle BeautyExchange 

2019年8月5日 星期一

【有機天然護膚產品ARGITAL - 溫和呵護肌膚】

早前認識咗個好值得了解同欣賞嘅天然有機護膚品,
就係嚟自意大利嘅意大利有機護膚品牌,
由生物學博士Dr. Ferraro創立,
品牌創辦人致力發展有機綠泥同埋植物精油,
致力打造改善人體身心平衡嘅產品,為每一個人帶嚟自然同健康。
品牌產品獲得多個有機認證,包括:
德國BDIH,歐盟Demeter,歐洲Bio Organic。
而且所有產品不含任何化學物,
無添加人工防腐劑人工香精同色素礦物油
仲拒絕進行動物測試,所以懷孕媽媽或者敏感肌都好啱!
當日親身了解咗品牌產品後,就帶走咗四件產品回家試試,分別係:
女性私密潔膚乳Personal Hygiene Soap 250ml
天然植物精油潔面乳Vegetalatte Milk Cleanser 200ml
防敏紫羅蘭精油霜Allergen-free Violet Cream 50ml
有機天然精油綠泥膏Argiltubo 250ml
最令我感有興趣嘅當然係有機細綠泥,
產於意大利西西里島南面嘅一片無污染海岸,綠細泥沈積咗1600萬年,
當中含豐富礦物質同微量元素,可活躍人體每個細胞,
係最天然嘅抗氧化有機物。
女性私密潔膚乳Personal Hygiene Soap 250ml
低敏無皂性,用後可有效增加天然抗菌能力,預防細菌感染, 
無論喺係生理週期或者懷孕期間都可以使用,能提升抵禦力。
成分具有茶樹精油、薄荷精油、薰衣草精油、乳酸、丁香精油、安息香脂、
綠花白千層精油等,除咗有潔淨能力外,
特別針對女性私密部位作抗菌保護
用時帶有淡淡香氣,質地舒爽又溫和,長期使用唔單止能減少發炎,
又可以改善異味,用後感到潔淨舒爽,又可滋潤私處,
生理週期時用真係可以大大減低異味,好喜歡呢。


天然植物精油潔面乳Vegetalatte Milk Cleanser 200ml
無泡配方潔面乳,成分包括有問荊草、維他命E、甜杏仁油、
綠泥膠、天竺葵精油等等,能清潔毛孔污垢
如果簡單嘅防曬都可以卸除,用時只需取適量直接以卸妝棉卸妝,
再用清水洗淨就okay。
當中所含嘅綠泥膠富有礦物質同稀有元素,
用後能滋潤柔嫩肌膚,同時令肌膚潔淨嫩滑。
潔面後皮膚好潔淨,雖然比較少用無咩泡泡嘅潔面產品,
但係用後真係好舒服,皮膚仲明顯亮白不少。


防敏紫羅蘭精油霜Allergen-free Violet Cream 50ml
做好潔淨當然要補濕啦,呢支精油霜專為敏感肌膚設計,

不含任何香精、香料同有害化學添加物,
盡量減少對肌膚有可能致敏嘅成分。
成分蘊含紫羅蘭萃取、金盞花萃取、安息香、水解小麥蛋白、
橄欖油、甜杏仁油、綠泥膠等等,
以上成分可以舒緩肌膚不適能夠滋潤同時保護肌膚。


成分溫和而且用後絕不黏膩,
輕輕一推就可以推開被皮膚吸收,吸收後皮膚好柔軟、光滑細嫩,
可令後續保養成分能夠加速吸收。


有機天然精油綠泥膏Argiltubo 250ml
呢個絕對係非常好用嘅袪痘痘面膜,
可深層潔淨毛孔同時平衡油脂分泌
對於油性或者暗瘡肌膚十分適合,
能夠有效針對發炎紅腫,令到暗瘡可以加速代謝。
只需要將有機天然精油綠泥膏敷喺臉部或頸部,或者其他身體部位,
例如:背部等等,更能適用於曬後或燙傷、昆蟲叮咬等時使用。


通常我會敷上大概10分鐘左右,留意厚度唔好太薄,
遮蓋到膚色就可以,當綠泥膏就會變乾,就可以利用清水洗淨。
面膜泥帶有少許冰涼感,用後可以為面部深層清潔毛孔,
皮膚立即好光澤亮麗
每星期使用一至兩次,不但角層死皮有所改善,
油脂亦無咁明顯,能令肌膚內嘅毒素排出,減少暗瘡形成,
另一方面又可以有效促進淋巴液同血液循環。
Website: www.argitalhk.com
Facebook:www.facebook.com/argital.hk
❝ Provided By Argital❞ 
聯絡MsJovi: ww.jovi@ymail.com / www.facebook.com/blogger.ms.jovi
Blogspot She Elle BeautyExchange 

免責聲明: 是次產品/產品資料由品牌提供, 本文章內容屬個人意見及感受,
並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢 
#argital #argitalhk #argital綠泥面膜 #有機天然護膚產品


2019年8月4日 星期日

【抵擋都市污染 - GIORGIO ARMANI Beauty極致再生濾光抗污染防曬霜】

都市污染日益嚴重,再加上游離基、UVA、UVA同UVB對皮膚嘅侵害,
實在要每個moment都要好好照顧皮膚~
GIORGIO ARMANI Beauty 嘅CREMA NERA EXTREMA極致再生系列,
有一新成員推出,就係極致再生濾光抗污染防曬霜SPF 50+/PA ++++ ,
用後真心覺得好好用,可足夠滋潤肌膚同時全天候保護肌膚。
另外,ACQUA PANTELLERIA極致再生精華活膚水亦有升級版,
兩者同時使用,每日出街就可以抗氧化抗污染,更有效修復肌膚。
我經已用咗差不多一個月,真心好喜歡呢兩件產品,
雖然就有少少貴,不過用後效果好好,值得了解同入手!
極致再生濾光抗污染防曬霜
MOISTURIZING UV FILTER SPF 50+/PA ++++ 30ml HK$950 
以嶄新濾光系統科技 (Filtering System Technology) 配合極高防曬度,
全面保護肌膚免受游離基、長波 UVA、UVA和UVB的侵擾之外,
又能達至抗衰老同抗污染功效,為肌膚提供強大保護膜。
全新配方特別注入咗天然刺山柑精華同DETOXYL抗氧化因子,
呢兩種成分為肌膚對抗污染同時擊退氧化跡象
夏天用防曬就怕就係笠痴痴,但係呢支完全無呢個問題,
好透薄又唔黏笠,完全無厚重感。
除咗能夠高效防曬外,成分仲加入咗豐富非洲再生植物精華、
乳木果精華中嘅維他命E,用後能改善水油平衡,
舒緩肌膚敏感同埋具有保濕作用,所以用後皮膚好柔軟細膩又唔乾燥。
我比較懶惰,由於用完呢支皮膚夠水潤,所以無再額外使用底妝產品,
用後皮膚好光澤而且又唔會有泛白問題,大讚!!
喺夏天單單做好防曬措施係未夠㗎,補濕仍然係保持青春美肌嘅關鍵!
Giorgio Armani 極致再生精華活膚水
ACQUA PANTELLERIA 150ml HK$915
可以為肌膚注入水份,呢支活膚水兼具乳霜嘅滋潤同精華修護功效,
係一支一物活膚水,配合多種唔同用法,就可以煥活肌膚嘅水潤生命力。
極致再生精華活膚水成分採用源自意大利Pantelleria火山島上嘅泉水,
再加上非洲再生複合物成分,同時結合咗高效抗氧化嘅意大利葡萄柚萃取物,
再以透明質酸、甘油加上五種保濕因子而成。
水感啫喱配方可以瞬間融入肌膚,加強吸收力,令後續吸收事半功倍。
只需要喺使用爽膚水後以化妝棉將水精華均勻塗於面上,
就可以喚醒肌膚,加強皮膚水分。
又可以直接用手塗上水精華,以指尖或指肚打圈按摩,
就可以發揮即時補濕同柔滑肌膚功效,如果當皮膚狀態唔好時,
妝前使用呢個方法,上妝會更容易同貼服!
由於其延伸性十分高,所以用後好快融入肌膚,
好喜歡其淡淡葡萄柚香氣,使用後可以溫和照顧皮膚需要,
皮膚水潤又飽滿,重點係亮滿光澤。
每日出門口前做好呢兩重肌膚防禦,咁就唔洗擔心都市污染影響皮膚,
為肌膚對抗污染及擊退氧化跡象,光澤肌膚GET!

Website: www.giorgioarmanibeauty.com.hk
Facebook:www.facebook.com/armanibeautyHK
❝ Provided By GIORGIO ARMANI Beauty❞ 
聯絡MsJovi: ww.jovi@ymail.com / www.facebook.com/blogger.ms.jovi
Blogspot She Elle BeautyExchange 

免責聲明: 是次產品/產品資料由品牌提供, 本文章內容屬個人意見及感受,
並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢 
#GIORGIOARMANI #ARMANIBEAUTY #CREMANERA #MOISTURIZING #UVFILTER
#UVB #UVA #Beauty #Skincare #Skinprotector #極致再生濾光抗污染防曬霜