2018年9月16日 星期日

【YVES ROCHER - 植萃活水系列HYDRA VÉGÉTAL】

無論肌膚屬於咩類型,一年365日早晚都需要補濕滋潤,
先至能夠保持肌膚舒適,亦都係保持肌膚健康嘅基礎。
想48小時擁有水嫩肌?
咁你就唔可以錯過YVES ROCHER全新推出嘅植萃活水系列。
YVES ROCHER全新推出嘅植萃活水系列
以幫皮膚注水、儲水、鎖水為大前提。
成個系列都以海水藍色作為包裝,望落感覺好fresh好清爽。
YVES ROCHER嘅植物學家,
就由一種具有卓越保濕機制嘅多肉植物中揾到生物研發靈感:
番杏科葉
番杏科葉能夠抵抗惡劣環璄,有好高嘅儲水能力,
可以喺好植物或人類生存嘅絕地裡繁殖,茁壯成長,
能夠將活性成分為肌膚提供保濕作用。
成個YVES ROCHER植萃活水系列,
就以番杏科葉的細胞萃液為核心成分,
幫助肌膚儲存水分,鎖住水分係唔同嘅皮層之中,
持續為肌膚釋放水分長達48小時!
植萃活水細胞爽膚水200ml HK$95
爽膚水質地非常清爽清新,能活化肌膚,
合理可以幫助去除肌膚殘留雜質污垢同化妝品,
可以喺早晚潔膚後使用,用完之後皮膚好水潤又有光澤,
呢支爽膚水勝在價錢合理,每1ml只係唔洗HK$0.5 ,
所以我每次都會用兩次抺走皮膚上嘅污垢。
植萃活水極緻滲透保濕精華30ml HK$270
呢支保濕精華係成個系列裏面最吸晴,
因為入面除咗同樣蘊含番杏科葉活水細胞,
仲有超微細補濕珠珠,迅速滲透肌膚,瞬間提升肌膚水分。
皮膚會因為蒸發作用而不斷流失水分,
呢支精華就可以滋潤肌膚,48小時無間斷持續為肌膚補水。
清爽質地,可以喺爽膚水之後使用,
逾90%為天然成份,當中無礦物油、人造色素或防腐劑,
所以用完皮膚光滑柔軟。
日日開住冷氣瞓,都唔會覺得皮膚乾爭爭,
精華相當溫和,補濕珠珠會係按摩期間溶化滲入皮膚,
有效保濕之餘仲又透薄又清爽!
植萃活水48小時豐凝保濕面霜50ml HK$190
日霜質地輕盈,用完之後肌膚即時感到水潤柔軟,
覆蓋喺皮膚上形成保護膜,負責鎖住水分同精華,提供皮膚所需要嘅營養。
九月開始轉季啦,想皮膚轉季時無咁容易乾燥同敏感,
就要識得為肌膚做好深層保濕,持續48小時為肌膚無間斷補水,
防止水分流失Keep住水潤飽滿感覺。

購買地址:https://yves-rocher.hk/stores/
Website: www.yves-rocher.hk
Facebook:www.facebook.com/YvesRocherHongKong/
 Provided By DearBeauty & YVES ROCHER HK
聯絡MsJovi:
ww.jovi@ymail.com / www.facebook.com/blogger.ms.jovi/

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#YvesRocherHK #MyLittleBluePotion #HydraVegetal #植萃活水系列 #‎Dearbeauty #DearbeautyHK