2018年10月23日 星期二

【肌研Hada Labo新極潤「新肌研水」|打造海綿肌 - 吸吸吸飽水!】

秋冬天氣乾燥,更加要好好注意皮膚水分,
當皮膚含水量唔夠皮膚就會變得乾燥繃緊,唔好話個妝唔夠貼,
連揸嘢都唔吸收。
成日聽人話要先用爽膚水開通毛孔先能夠加強後續吸收,
結果又係咪真嘅呢?
早排就收到肌研送來嘅一份小禮物,有得玩小實驗,
仲可以試用全新推出日本升級配方極潤保濕化妝水,又稱「新肌研水」
肌研喺日本一直以「多元透明質酸保濕專家」聞名,
當中皇牌「肌研水」已經連續9年成為日本銷量No.1 化妝水,
CP值高,相信男生女女都唔會對呢個品牌陌生。
海綿肌理論小實驗
呢度有4塊海綿,正正代表唔同護膚程序下嘅皮膚狀態,
從而令我哋更了解正常護膚程序嘅重要性。
1.  乾燥海綿:直接塗上面霜
證實原來乾燥嘅表面張力大,所以護膚品無可能有效滲入肌底,
只能夠停留喺表面,就算揸幾貴嘅護膚品都無意思,白白浪費。
2.  清水海綿:只用清水保濕
用清水保濕,原來水分停留喺皮膚太耐會被空氣抽乾,
仲會抽乾埋皮膚底層水分tim呀。
3.  肌研水海綿A:加入「新肌研水」
皇牌「新肌研水」分子比水細小,所以能即時被肌膚吸收,滲透入肌底,
輕輕加入「新肌研水」,海棉即刻發漲飲飽水。
4.  肌研水海綿B:加入「新肌研水」後,再塗上而霜
利用「新肌研水」打開咗皮膚吸收通道,令到吸收能力大大提升,
加強後續吸收能力,再塗上面霜就可以好快被吸收,
令皮膚長時間水潤柔軟,達致飽滿水潤嘅海綿肌。
日本升級配方極潤保濕化妝水
(濃潤型及清爽型)170ml HK$135
每一滴都揉合咗四種透明質酸嘅黃金比例,
將唔同大小分子結構、特質同功效嘅透明質酸完美結合,滲透每一吋肌膚。
令皮膚可以層層吸水、鎖水、補水、儲水,大大提升肌膚保濕力,
幫手打造彈、滑、軟、潤嘅完美肌膚!
濃潤型「新肌研水」:
蘊含低分子透明質酸、中分子透明質酸、超級透明質酸同納米級透明質酸
清爽型「新肌研水」:
蘊含低分子透明質酸、中分子透明質酸、超級透明質酸同納米級透明質酸

可以因應天氣同個人膚質去選擇唔同嘅配方,「新肌研水」以
「高機能導入保濕科技」為肌膚層層吸水、鎖水、補水、儲水,
提供高效、持久保濕功效。
化妝水流動性高,亦能達致即時補濕效果,可配以多種使用方法,
可以直接倒喺掌心直接拍上皮膚,以掌心微溫增加吸收效果。
啪啪保水法簡單直接,每次敷面膜前我都會先拍上保濕水,
加強皮膚後續吸收能力呢~
另外,我亦都好鐘意配合導入機使用,幫助肌膚吸收之餘,
皮膚亦即時水潤飽滿度,望落好光澤。
又或者可以利用化妝棉倒足夠嘅「新肌研水」濕敷,為肌膚作出急救,
呢個用法通常我會喺妝前使用,快速提升皮膚水分,
令到妝容可以更加貼服,為肌膚達到持久水潤狀態。
畀多個貼士大家,如果想妝感更加持久貼服,
不妨可以將少量「新肌研水」沾濕粉樸,咁樣個妝感不但可以更自然,
睇落仲更加透薄光澤。
如果你有用過肌研水,今次全新升級配方極潤保濕化妝水,
絕對唔會令你失望,深信一眾粉絲又要入手啦!

銷售點:各大萬寧、屈臣氏、莎莎及藥房
Website:www.hadalabo.com.hk
Facebook:www.facebook.com/hadalabohk
 Provided By 肌研Hada Labo
聯絡MsJovi:
ww.jovi@ymail.com / www.facebook.com/blogger.ms.jovi/


免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#新極潤 #肌研水 #黄金比例 #4種透明質酸 #海棉肌 #hadalabohk