2017年10月15日 星期日

【THEFACESHOP 全新抗敏保養系列 Dr.Belmeur】

THEFACESHOP 推出全新抗敏保養系列 Dr. Belmeur,
專為敏感肌膚而設。
敏感人士想有效改善肌膚敏感問題,
就要選擇合適的護膚品幫手,舒緩肌膚問題減少外來物對肌膚刺激,
更能解決皮膚根源問題。
THEFACESHOP嘅Dr. Belmeur系列就專為敏感及暗瘡肌膚而設,
成分溫和低刺激,所以用起嚟好安心。 
入面嘅草本親膚修護配方 Skin-sync RxTM係採用同皮膚組織相似嘅植物萃取成份,
當中嘅親膚性有助修復及保護肌膚,可以令肌膚鎮定唔易泛起敏感情況。
Dr. Belmeur系列有成十款產品,連化妝品都有,
安心配方去掉8種有害化學成分,不含防腐劑、合成色素、礦物油、
二苯酮-3、動物性原料、丙二醇(酒精)、乙醇、滑石粉、苯甲酸,
等我今次就同大家分享當中嘅日常修護卸妝水同淨膚保濕霜啦。
Dr.Belmeur日常修護卸妝水 300ml HK$120
具有很好嘅潔淨力同鎮定肌膚功效,
用時能溫和卸除彩妝,加上不錯嘅保濕力令到卸妝後肌膚仍舊水潤潔淨。
按壓式卸妝水用起來好方便,容易拿取適當分量,
加上低刺激溫和淨膚調理配方,能夠幫手調控肌膚過多油脂分泌、
同時淨化細緻毛孔,如果油性肌及痘痘肌用來卸妝都幾合適!
來一個小測試,先係手背上塗上眼線、眉粉、胭脂同唇膏,
再利用Dr.Belmeur日常修護卸妝水抹走妝物,
了解一下其潔淨度如何。
結果只係放在手背上約三十秒,然後輕輕一抹,
就能夠將手背嘅妝物徹底卸除,效果好理想!
Dr.Belmeur淨膚保濕霜120ml HK$160
溫和低刺激的保濕霜能滋養肌膚,當中蘊含橄欖成分,
可維持皮膚水油平衡、鎮定及強化受損受刺激敏感肌膚。
質地比較rich,但用起來幾好推,而且亦好易被吸收,
能夠有效預防肌膚乾燥,性質溫和又沒有香料氣味。
柔嫩延展性能瞬滲肌層,所以用起來能維持油水平衡,
並修護抵抗外在環境傷害,就算油性皮膚用起來都唔會覺得太油膩。
取適量並按照皮膚紋理輕塗後,輕輕拍打幫助皮膚吸收就可以,
滋潤度不錯,能增強皮膚天然皮脂保護層,
改善因皮膚乾燥而導致嘅瘙癢或龜裂等脫皮現象。

Facebook:www.facebook.com/thefaceshophk.official/
Website: international.thefaceshop.com
 Provided By THEFACESHOP❞
聯絡MsJovi:
ww.jovi@ymail.com / www.facebook.com/blogger.ms.jovi/
Blogspot She Elle BeautyExchange 
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#thefaceshophkofficial #ournaturalstory #DrBelmeur #MsJovi #久美小姐

【shedates x Vaseline閃爍Bling Bling手作坊】

呢幾日明顯feel到開始大風咗同凍咗, 
所以見到D皮膚同嘴仔都dry 咗好多,特別係個嘴仔,
擦起唇膏時見到自己有D唇紋。
上星期出席《shedates x Vaseline閃爍Bling Bling手作坊》
因為she.com美容編輯Heidi會分享絕密美唇秘技,
而且又可以同一眾bloggers朋友見見面,
仲可以DIY屬於我個人嘅Vaseline閃令令lip therapy小瓶~
一早就到達活動地點:Bread, Espresso & 
當然要同bloggers朋友影下相先啦,見到我pops 手上嘅閃令令Vaseline,
就知道今次主角就係佢啦!
今次《shedates x Vaseline閃爍Bling Bling手作坊》有好多嘢玩,
可以DIY Vaseline唇部磨砂及唇彩,
之後仲DIY屬於我個人嘅Vaseline閃令令lip therapy小瓶。
活動一開始,
就請到she.com美容編輯Heidi個人Vaseline唇部護理分享。
其實由細細個開始,我媽咪就會俾Vaseline我用,即係花士苓,
凡士林除咗可以為乾燥或受損肌膚鎖住水份,
又可以護唇,亦可以係屋企染頭髮前塗係髮邊,
防止染髮劑敏感問題,真係用途多多。
美容編輯Heidi後,大會安排我地享用美味嘅下午茶,
接著就開始DIY活動啦。
DIY Vaseline唇部磨砂:)
開始感覺嘴唇變乾,就算一日搽十次潤唇膏,
都要做多番功夫滋潤雙唇至得,而首要做就係幫雙唇去除多餘角層。

用上Vaseline再加入2茶匙粗粒砂糖做磨砂唇膜,
就可以利用Lip Balm係唇上厚厚咁搽一層,然後用保鮮紙封住佢,
敷上大約十多分鐘後係唇上打圈磨砂,就可以有效捽走死皮及減唇紋。
DIY Vaseline唇彩:)
如果平日買嘅唇膏太鮮色,買完覺得自己carry唔到,
又或者鐘意用凡士林不過又想有少少色,
就可以利用少少唇膏加入凡士林,混合後就可以成為自己喜歡嘅唇彩,
比起平日嘅唇彩嘅滋潤度高好多。
Vaseline 閃爍Bling Bling DIY裝飾:)
Vaseline迷你護唇霜真係好可愛好吸睛呀,
又有原味,又有玫瑰味同埋粒朱古力味,細細粒放係袋最好不過,
可愛之餘又可以令雙唇保持彈潤!
今次shedates就安排我地動手DIY閃令令lip therapy小瓶,
等我地可以拎迷你護唇霜都可以閃bling bling 又與別不同!
經典花士苓配方,可以即時軟化鎖水,
所以每年冬天我都會預備定Vaseline,即使天氣再乾都唔怕嘴唇見紋、爆拆。
DIY時我仲幫我嘅lip therapy小瓶痴咗好多閃bling bling,
打造獨一無二嘅迷Vaseline你護唇霜。
連樽蓋都有設計到㗎,見唔見到我個"J"字呢,哈哈~
今次shedates活動實在好好玩,希望下次都可以參加啦,
而且大家都要同我一齊捕實shedates D 活動即刻報名呀!

 Provided By She.com & Vaseline❞
聯絡MsJovi:
ww.jovi@ymail.com / www.facebook.com/blogger.ms.jovi/
Blogspot She Elle BeautyExchange 
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#Vaseline #Shecom #shedates #迷你護唇霜 #7g #玫瑰味 #朱古力味 


►► 入秋必嚐!火鍋英雄 ◄◄

呢幾日天氣開始帶涼,又係打邊爐嘅時間啦,
所以呢排返工個人做到呆哂後,當然食好西減下壓喇,
所以經朋友介紹下去咗銅鑼灣火鍋英雄打邊爐!

雖然近日好多新嘅火鍋店開張,但我覺得辣同唔辣湯底都做得出色,
火鍋英雄絕對係值得一試。
雖然呢度開咗唔係好耐,不過一嚟到就幾有好感,
因地坐位好闊落,而且裝潢花了好多心思,濃濃中國風。
如果三五知己嚟就可以坐呢D大枱,雖然無VIP房,
不過空間感十足。
一坐低就見到枱面已有圍裙,對於打邊爐來說,
有圍裙著實可以減低整污糟咗件衫嘅機會。
麻辣我就真係唔多啱,不過火鍋英雄呢度辣同唔辣都做得好出色,
所以對於我呢D唔食辣嘅嚟講,呢度同樣相當吸引!


「英雄八盞」+醬料 HK$18 (推薦指數:4/5分)
呢個「英雄八盞」絕對係要相機食先,因為呢個涼菜八小碟,
不論係味道同分量都值得一讚,當中分別有:
蓮藕粒、海帶、涼拌青瓜、木耳、豆乾、四季豆等等,
原來由四川師傳主理嘅,唔怪得之味道咁好啦。
醬料方面有好多選擇,連榨菜末都有,真係好少火鍋有配備,
仲有辣椒啦、蒜頭啦、味粉等等都有,完全可以整到自己心水醬汁。


重慶麻辣拼二十五年陳年花雕醉烏雞鍋 HK$188 (推薦指數:5/5分)
呢個雙併湯底個人好推薦大家一試!
因為可以照顧男友喜愛食重慶麻辣,又可以滿足我愛食養生鍋,
男友話個重慶麻辣都真係幾好食,而且麻味又夠,
加上個湯底仲加入牛油,愈食愈惹味。
而陳年花雕醉烏雞呢邊同樣好真材實料,
湯底有大量藥材,紅棗,龍眼肉,杞子,黨蔘,
龍眼肉仲好甜tim,而最特別嘅地方係用烏雞,
好少香港餐廳會安排烏雞,雖然好多女仔覺得賣相唔討好,
但真係好食好多,雞味重D入口又滑身好多~
肉質鮮嫩,食落有醉雞味而且唔會好似出面咁有雪味,
真係幾好食,沒有失望!!


英雄牛肉拼盤(小) HK$388 (推薦指數:4/5分)
平日兩個人出街打邊爐,一去到嗌牛肉就好麻煩,
因為每款嗌碟細都會好多,根本食唔哂,
呢度好好嘅地方係有拼盤叫,咁就可以一次過試哂五款牛!
當中分別有本地手切肥牛頸脊、美國極品肥牛、極品肥牛粒、
美國雪花肥牛及美國安格斯牛脷片,
我就最鍾意食美國雪花肥牛同本地手切肥牛頸脊,
牛味濃郁入口又軟滑,兩個人清哂個牛肉拚盤呀。


家鄉豆筍 HK32 (推薦指數:3.5/5分)
由於比較少見到有得點,所以叫左一份試試,
食落都幾特別,有D似係好多層腐竹咁,但由於佢好索味,
所以可以幫手索哂D湯底。


手打鮮蝦滑 HK$68 (推薦指數:3.5/5分)
呢個價錢嚟講都幾有驚喜,平日打邊爐如果彈牙同食到有蝦肉,
好多時HK$88-98呢D價錢走唔甩,但呢度只係HK$68,
重點係食落口都幾彈牙,仲有蝦嘅鮮味,加上份量都幾足下!


家鄉麵塊 HK$28 (推薦指數:4/5分)
平時打邊爐好少再嗌麵類,因為無咩特別同埋擔心太飽,
今次經店員推薦下,點咗呢個家鄉麵塊,好特別!
食落口感係麵塊但係好有咬口,有D彈身,
就算放得耐咗少少都唔會而且可以吸到湯底嘅味道,
食起嚟都幾滋味。


紅糖糍把塊 HK$38 (推薦指數:5/5分)
一客有成6件咁多,由於太飽所以真係食唔哂,
建議大家起碼有四個人先好叫,不過好推薦係一定要嗌嚟食!
因為一點都唔油膩,而且真係做到外脆內軟,
再沾上一D紅糖醬,甜度剛剛好,真係好好食。

全晚埋單每人四百蚊多少少,我覺得都幾合理,
如果成班人一齊食就更加好,因為可以嗌多D唔同嘅嘢食share,
我會加入火鍋英雄係冬天再嚟食嘅邊爐清單入面!
聯絡MsJovi:
ww.jovi@ymail.com / www.facebook.com/blogger.ms.jovi/