2018年4月30日 星期一

【夏日必備「空氣感」防曬-Kiehl's 醫學全效抗污染防曬系列 】

唔經唔覺又就快到五月啦,
喺香港春天踏向夏天嘅過渡非常快,快到可能你唔為意,
但點都好,一年四季都唔能夠唔做好嘅就係防曬!!
防曬係保護肌膚免受日曬傷害嘅重要步驟,
Kiehl’s全新「醫學全效抗污染防曬系列」由研發專家研製,
當中兩款能同時防曬同埋抗污染,
3重防護配方,令肌膚免受紫外線、污染及自由基氧化傷害,
先進嘅抗污染防曬方案,
能阻擋UVA同UBV長短波紫外線更發揮高效保護作用,
使肌膚免受光侵害及黑色素形成,對抗陽光與污染物嘅侵害。
Kiehl's最新推出嘅醫學全效抗污染防曬系列,當中包括:
全新升級版醫學全效抗污染輕柔防曬乳SPF 50 PA++++
另外有兩款兼備護膚嘅調色功能新產品:
醫學全效抗污染素顏防曬乳SPF 50 PA++++ 同埋
醫學全效抗污染CC防曬乳 SPF 50 PA++++ ,
同樣具備先進防曬濾光系統同污染轉移技術,
仲可以預防肌膚過早老化。
一系列防曬具有細胞微球 (Cellulospheres)同黃芩苷 (Baicalin) ,
細胞微球特有多孔結構,能夠捕捉懸浮粒子,
以免懸浮粒子被肌膚吸收,引致氧化傷害;
而黃芩苷源自中國傳統醫學嘅黃芩根萃取 (Scutellaria Root Extract),
研究顯示有助防禦游離基對肌膚嘅傷害。 
好啦,等我同大家逐一分享呢三款防曬先!!!
醫學全效抗污染素顏防曬乳SPF 50 PA++++ 30ml HK$325
呢款防曬有即時亮白效果,
配方擁有成份荔枝萃取物同調色粒子配方,無Paraben防腐劑同人造香料,
輕盈質感不阻塞毛孔,如果平日唔化妝但想睇落無咁殘用就啱勒。
因為當中嘅荔枝萃取物同埋調色粒子能夠即時修正膚色同瑕疵,
所以肌膚睇落會無咁暗黃,能即時提亮同呈現亮白素顏膚色。
專門針對暗啞肌膚同面部瑕疵而設,而且呢款防曬質地好清爽,
用後再化妝都唔會覺得好厚重!!
全新醫學全效抗污染輕柔防曬乳SPF 50 PA++++ 30ml HK$325
升級配方保持超輕盈質感,而且仲新增咗抗污染微粒科技,
並注入防曬濾光因子同污染轉移技術的獨特組合,
提升防禦功能同時又能夠打造健康均勻膚色。
成分保留Mezoryl SXTM同Mexoryl XLTM專利,
可以雙重穩定抗UV濾光分子,
除了阻擋UVA 及UBV長短波紫外線之外,更發揮高效保護作用,
使肌膚免受光侵害及黑色素形成。
質感同樣十分輕盈啞緻,用後能夠4小時保濕同時呵護肌膚,
而升級配方新加咗抗污染微粒科技,Mexoryl SXTM同Mexoryl XLTM專利,
可以雙重穩定抗UV濾光分子,隔絕UVB同長短波UVA,
幫手發揮最全面高效防曬效果,保護我地嘅肌膚。



醫學全效抗污染CC防曬乳 SPF 50 PA++++ 30ml HK$325
擁有3重防護配方,令肌膚免受紫外線、污染及自由基氧化的傷害。
仲加入咗調色粒子,能夠即時修正膚色同面部瑕疵,
平日你唔想化妝或者想以淡妝示人,呢款就最岩用啦!
佢嘅質地比較起另外兩款有少少分別,但係同樣好易推,
能夠遮蓋泛紅,而且睇落亦好薄好自然。
淡妝嘅朋友呢款值得你一試,
比起平日好多CC Cream呢款仲有SPF 50 PA++++,
能夠長時間幫手對抗紫外線,等您無後顧之憂,盡情向夏天揮手,
非常喜歡呢!!
Kiehl's Website:www.kiehls.com.hk/
Kiehl's Facebook:www.facebook.com/KiehlsHongKong
 Provided By Kiehl's
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#空氣感防曬 #UltraLightDefense #AntiPollution

2018年4月29日 星期日

►► 滾得盞!必嗌康熙花膠雞湯鍋!滾得囍宮廷火鍋 ◄◄

身為火鍋控必定會四處尋食,而前排接男友收工,
搵到滾得囍宮廷火鍋,兩個人滾完之後,真心覺得滾得盞!
呢度係一間走華麗宮廷風嘅火鍋店,
除咗火鍋之外,亦有好多小炒供選擇,而我地當然主功火鍋啦。
一入門口就有張金碧輝煌嘅龍椅,
店內裝修得好似以前嘅宮廷咁,連燈飾、座椅全都一絲不苟,
著實係心底裡加咗分。
好啦,一坐低餐桌上有道「聖旨」同「接旨」,
原來係點餐紙同埋簡介,哈哈,真心覺得有心思。
前菜同醬料方面都盡顯餐廳嘅誠意,
前菜都幾好食,雖然我地只係兩個人,但係餐廳絕不欺場,
依然提供四款前菜俾我地。
特濃冰凍洛神花茶 HK$38 (推薦指數:4/5)
味道香濃飲落無糖水味,好冰凍,飲落味道帶少少酸,
所以打邊爐飲更加令人胃口大增。
康熙花膠雞湯鍋(半隻) HK$288 (推薦指數:5/5)
呢度嘅湯底實在太多選擇,
而我地見到其他枱都有點康熙花膠雞湯鍋,
所以被呢個花膠雞湯鍋吸引住,真係好正好有誠意!!
湯底雞味濃郁,色澤金黃,而雞係另上嘅,
養顏花膠大大片而且非常厚身。
餐廳教我地可以先飲雞湯,我飲咗兩碗先停口,
然後再放入花膠,而本身雞經已有7成熟,
所以食幾多落幾多就唔怕會嚡口。
放落湯底滾一滾就可以食,龍崗雞嘅雞肉非常嫩滑有雞味,
食落絕對唔油膩,
呢個湯底呢個配搭個人覺得超值,
如果唔係太飽,呢個湯底絕對可以湯撈飯嚟食!!
手切飛驒和牛(100g) HK$288 (推薦指數:3.5/5)
老實說呢個牛就有點點失望,上枱賣相非常精緻,
可惜油脂紋理分佈不算均衡漂亮,
雖然店員話可以兩食,但係見到仲係好冰,難以當刺身。
不過輕輕一涮之下,入口仍有入口即溶嘅感覺,
牛味挺濃而且食落好軟腍,不過不失,
可能打邊爐食返安格斯牛會比較合適,
下次多人嚟會點手切牛肉拼盤三試。
珍珠帶子墨魚丸(8粒) HK$78 (推薦指數:3.5/5)
自家手打嘅肉丸值得一試,入口彈牙,
絕對同平日街邊嘅肉丸口感完全兩回事。
墨魚丸入面有粒細細粒嘅珍珠帶子,能增加口感同鮮味。
海鮮拼盤 HK$368 (推薦指數:4/5)
我係一個海鮮控所以打邊爐點都要有海鮮先夠滿足,
不過兩個人打邊爐又真係好難嗌幾款海鮮,
所以呢個海鮮拼盤確係好啱兩個人share食。
拼盤入面有好多款海解,海蝦仲係新鮮到識郁㗎,
份量都幾足,兩個人食海鮮都食到飽飽呀。
特別一讚隻鮑魚好大隻又新鮮,入口彈牙爽口,
實在非常好食呀!!
窩荀 HK$32 (推薦指數:4/5)
窩荀係我每次打邊爐must have item!
呢度嘅窩荀好嫩口又唔老,好味道。
菜心苗&竹笙 前HK$28 後HK$58 (推薦指數:4/5)
菜心苗好新鮮。
而竹笙份量非常足夠,抵食,食落好爽口,
加上又索哂雞湯,真係食得好爽。
每日糖水 (推薦指數:5/5)
原來呢度每日都會有唔同嘅糖水送俾客人,
今日就有幸收到木瓜雪耳,煮得好好食,
唔會太甜但又可以清下熱氣,而且雪耳仲仍然入口好爽呢。

兩個人打就貴少少,每人6百蚊度,
但係呢度所有嘢食都好好食,我肯定會係短時間再嚟過!!

滾得囍宮廷火鍋
地址:北角馬寶道33號馬寶學林1樓116-125號舖

2018年4月21日 星期六

【專屬你的UV密碼-Dr.G Sun Code防曬乳 】

一年四季都應該要用防曬,無論係晴天陰天都要做足防曬功夫,
阻止肌膚老化,免受UV、污染同埋自由基氧化傷害。
Dr.G Sun Code防曬乳,以嶄新防曬概念, 
365天按照肌膚需要組合專屬防曬護理。
每個人需要嘅防曬產品唔只得一種,
要因應唔同肌膚需要、唔同天氣揀選合適防曬產品,
亦可以唔同功效嘅防曬產品組合成為無專屬嘅UV密碼~
一系列三款唔同嘅防曬產品,
當中包括美白配方、補水配方同埋溫和配方。
亮白修護防曬乳SPF50+ PA+++ 30ml 
深層保濕防曬乳SPF50+ PA+++ 30ml 
礦物高效防曬乳SPF50+ PA++++ 30ml
品牌重點著重安全、清爽、  無黏感、無著色,
所以一系列嘅防曬適合任何皮膚使用。
橙色嘅美白配方著重於高效防曬同埋改善膚色;

綠色嘅溫和配方100%安全配方,符合美國公民環保組織EWG綠色驗證,
當中更不含Parabens防腐劑、礦物油、色素同香料;

粉紅色嘅補水配方就能深層滋潤保濕,最適合秋冬季節使用。
橙色嘅亮白修護防曬乳適合任何皮膚,包括油性皮膚,
好快就能夠係肌膚面表形成保護,
佢係控油同避免皮膚泛油光方面好好;

綠色嘅礦物高效防曬乳適合任何皮膚,連敏感皮膚用都好岩,
用後皮膚好清爽,絕對無黏感同埋白痕問題;

粉紅色嘅深層保濕防曬乳同樣適合任何皮膚,
個人覺得乾性皮膚用就最合適不過,
佢係柔軟霜狀質地,所以好容易就能推開。
Dr.G 亮白修護防曬乳SPF50+ PA+++  50ml HK$220
升級版亮白防曬乳,通過皮膚刺激測試, 
用後能柔和膚色,達到粉雅自然效果。
含有抗污染複合物,
強化保護屏障同時有效阻隔微塵同污染侵害,
控油效果唔錯,用後肌膚好啞緻。
深層保濕防曬乳SPF50+ PA+++ 50ml H$192
100%物理性防曬,可以在肌膚表面形成保護屏障,
反射紫外線同藍光,輕透不泛白,能安全、高效咁保護皮膚。
三款防曬中呢支係我最喜歡嘅,
因為溫和又高效,而且用後又好清爽!
深層保濕防曬乳SPF50+ PA+++ 50ml HK$228
質感水潤, 深層滋養,抗衰老同時能呵護乾燥缺水皮膚,
而且仲有輕度調色作用tim。
用後肌膚有提亮效果,完全平日不化妝,
使用這支防曬亦好適合。
購買點 : 莎莎香港
Website:  corp.sasa.com
Facebook:www.facebook.com/sasahongkong
 Provided By the.ztyle
聯絡MsJovi:
ww.jovi@ymail.com / www.facebook.com/blogger.ms.jovi/


免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#DrG #SunCode #防曬 #SaSaHK






2018年4月18日 星期三

►► 橘焱胡同燒肉夜食-香港分店一試 ◄◄

我好喜歡到台北四處飲飲食食,而每次我必定會book食胡同燒肉,
他們係喺台灣有多間分店嘅日式燒肉店,
店內裝潢走中式路線,以中式古門同窗花,以及燈籠營造復古中國味。
台灣分店店員好友善,除咗介紹食法之外,仲會同客人傾下計講下笑,
非常熱心,每次去到都會逐一介紹食物點處理同有咩推介~
講返香港分店先,店內嘅裝潢同台灣相若,同樣走走中式路線,
以香港地嚟講店內空間都幾好大,除咗卡位同用餐區外,
仲同台灣一樣設有吧枱區,可以睇住店員燒肉。
有去過胡同燒肉嘅朋友對於呢part絕對唔會陌生,
因為店內設儲物櫃,客人可以按需要將隨身物品擺放係儲物櫃,
輕輕鬆鬆咁享用燒肉。
食物款或同台灣嘅差不多,肉類款式繁多,牛、豬、雞、羊都有,
當然價錢上就會係有所提升啦,但加幅都合理,可以接受嘅!
連餐具都同台灣一模一樣,令人好懷念台灣嘅旅行時光。
同日式燒肉店最唔同嘅地方係配料好特別,
有蔥花同洋蔥碎,仲有一碟檸檬汁,配以烤肉帶出另一番滋味!
達拉斯 HK$188 (推薦指數:4.5/5)
達拉斯係招牌牛肉嚟,取自牛前胸肋骨中間位置,
由於每日嘅供應都有限,所以聽到一有當然要點嚟試下啦~
原來達拉斯係因因為胡同燒肉老闆特別鍾意睇NBA,
所以以球隊達拉斯命名,肉味濃郁又Juicy,好好食。
牛舌 HK$98 (推薦指數:4/5)
牛舌面頭鋪上大量葱花,加上肉質較薄身,入口清新,
不過個人覺得香港分店嘅牛舌無台灣咁好食,
牛舌燒完須要同葱花捲住食,
入口爽口但係肉味無咁濃郁,同埋無咁Juicy,比起台灣遜色一籌。
蟹膏生干貝 HK$100 (推薦指數:3.5/5)
呢客蟹膏生干貝我每次去台灣必點兩客食,其實佢係帶子配蟹膏,
大大粒帶子刺身肥美肉厚,加埋蟹膏更能帶出鮮美!
不過係香港點就比較貴啦,要成HK$100一客,
但由於我太想回味呢個鮮美嘅味道,所以都點咗一客。
不過,呢客蟹膏生干貝食落雖然軟嫩但不太有鮮甜味道,
同樣比起台灣遜色一籌。
青椒 HK$30 (推薦指數:4.5/5)
燒青椒好好食,雖然非常簡單,燒起來完全唔考功架,
但勝在店家嘅蔬菜都幾新鮮,食落鮮甜。
秋葵 HK$30 (推薦指數:4/5)
同樣燒得剛剛好,唔會話燒到好乾咁,
食完咁多肉當然要食多D蔬菜。
日本山藥 HK$70 (推薦指數:3/5)
雖然呢份山藥比起平日嘅貴,不過個山藥略嫌燒得唔夠香口,
份量亦比較少,相比起台灣點兩份先係呢個價錢,
而且又燒得香口,著實有D失色。
三份肉類再點了三份蔬菜加兩杯飲品,埋單唔洗四百蚊一個人,
但係全晚有店員幫手燒,唔洗自己親自落手烤肉,
再加上服務都很不俗,呢個價錢合理,
但相比台灣就無得比啦,嚟呢度叫做解下思鄉愁。

橘焱胡同燒肉夜食
尖沙咀寶勒巷3-7A號萬事昌廣場1樓102號舖

聯絡MsJovi:
ww.jovi@ymail.com / www.facebook.com/blogger.ms.jovi/