2020年3月30日 星期一

【STAY HOME享用SPA美容|100% 純天然 - Clarins植物金萃精油乳液】

喺新冠疫情壓力下,唔單止個人情緒,
連皮膚都一落千丈,愈來愈差,
早前收到Clarins全新登場嘅植物金萃精油乳液
一瓶雙極擁有精油同乳液
護膚同時好似幫皮膚進行香薰Spa一樣,
能夠幫自已緩解壓力同時恢復極度缺水肌膚嘅活力同光采,
為身心帶來愉悅嘅感官體驗。
日日戴住口罩,皮膚都難以吸一口新鮮空氣,
所以睇落真係無哂生氣,著實要好好呵護照料。
Clarins植物金萃精油乳液靈感源於美妍中心嘅專業美容師,
多年嚟會以客人肌膚需要,
再用人手將護理油同其他護理產品混和使用而研發而成,
將經典嘅蘭花面部護理油,
結合100%純植物萃取乳液二合為一, 比例分量完美混合。
Clarins植物金萃精油乳液 35ml HK$580
無香料.無色素.無化學防腐劑,100% 無添加
如果喜歡做香薰Spa嘅你,仲可以留意埋同系列其他護膚產品,
當中包括面部、身體護理油、香薰身體護理、沐浴產品同香薰蠟燭等。
精油乳液具有蘭花面部護理油專為缺水性肌膚而研製,
蘊含榛子油、蘭花萃取,有效調理膚質細緻毛孔,
當中廣藿香精油嘅香氣更可調理同煥活肌膚,
另一方面,仲特別結合蘭花和廣藿香精油,
有助調理同煥活肌膚,重拾足夠滋潤度嘅膚質。

除咗冬天比較乾燥嘅時候我會加入護膚油,
平日都無習慣使用護膚油,因為怕太笠導致生油脂粒,
但係呢款雙管設計令油份比例控制得剛剛好。
一分量足夠按摩全面,雙重質感下令精油乳液輕盈柔滑又唔油膩,
為身心帶來最愉悅嘅感官體驗,放鬆緊張心情。


乳液質感帶有精華油,所以用時相當容易推開,
其愉悅芳香來自當中嘅植物精油同植物萃取完美結合,
獨有嘅辛辣、琥珀同麝香香氣,可以幫助調和身心,
用後令我感到心情相當愉悅,能放鬆一整天繃緊情緒。


能有效解決水油不平衡問題,將水分緊鎖肌膚之中,
加上一讚其質地唔會過於滋潤,就算係混合肌都可以安心使用,
用後唔會生油脂粒或者引發暗瘡問題,
真心覺得不油、不膩、不厚重,能做到全面性晚間修復
Website: www.clarins.com
 Provided By CLARINS

聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#AromaPhytocare #ClarinsHK #PlantGold

2020年3月26日 星期四

【戴口罩後嘅肌膚補濕極都乾?PHYTO-C 維他命 B5 補濕精華】

自從新年後日日戴口罩後,肌膚真係愈嚟愈差,
比起平日我會更加小心護理,盡量減低肌膚負擔,
但發現補濕極都係乾,搞到生哂暗瘡?
咁就要真.補濕應付大壓力同疫情下嘅肌膚,
PHYTO-C 維他命 B5 補濕精華採用高濃度細份子的透明質酸,
容易被皮膚吸收,深層改善肌膚缺水問題,
用後能提升肌膚保濕能力。
呢家天氣比較潮濕,再加上戴住口罩令肌膚相當焗促,
所以太滋潤嘅護膚產品未必合適使用,
而維他命 B5 補濕精華質地清爽又能保濕鎖水,
仲有抗菌消炎特性,啱哂呢家使用。
PHYTO-C由全球第一位研發穩定維他命C (L-抗壞血酸)
配方嘅科學家Dr. Mostafa Omar於1995年創辦,
致力用天然草本成份研發最革新安全有效護膚配方,
而且所有產品只會喺醫院、診所同認可美容中心發售。
維他命 B5呢個護膚成分好用係人都知,
皆因非常溫和,具卓越吸水同補水能力,
能夠協助鎖住皮膚底層水份,令皮膚持續補濕。
  
呢支維他命B5補濕精華就有超過二十年以上嘅研製經驗
當中蘊含高分子、高含量、高濃度透明質酸鈉同美肌成分,
可以將水分迅速滲透肌底,形成鎖水膜,鎖緊水分。


精華質地介乎凝露同水狀之間,觸感輕柔幼滑,
所以用時好易就可以推開,單獨或配合美容導入儀使用都可以,
因為當中不含香料、添加劑,連敏感皮膚都可以使用,
可以快速喺屋企享用一個home treatment。


精華素的保濕能力相當不錯,用後皮膚飽滿水潤,
而且又唔會覺得油膩黏稠,乾紋變得無咁明顯。
有時候妝前使用,會令妝容更貼服,
就算戴咗全日口罩,皮膚都無咁易出油,
有效改善肌膚水油失衡問題
可鎮靜皮膚,重拾盈潤亮澤。
PHYTO-C 維他命 B5 補濕精華30ml HK$750
Facebookwww.facebook.com/PhytoC.hk
Website: www.phyto-ceutical.com.hk

 Provided By PHYTO-C 
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢 

2020年3月22日 星期日

【純淨日間葡萄美白組合 - Caudalie還原透亮奶凍肌】

雖然日日戴住口罩,不過就嚟夏天,
都應該要好好準備一番以亮白美肌迎接夏日來臨
但係市面上嘅美白產品普遍選用酸類、高光敏性,
又或者係一啲低穩定性美白成分,如維他命 C,
用後不但容易刺激肌膚,而且朝早使用亦有機會引起光敏感,
導致黑色素含量增加,所以好多時美白產品只會夜晚使用。
由見及此,Caudalie 藉着初春之際推出安全純淨,
再以天然溫嘅葡萄美白成分為主嘅Vinoperfect葡萄美白日霜。
除咗面霜仲有Vinoperfect葡萄蔓極緻美白潤手霜新登場,
日日用清潔消毒產品再加上長時間喺陽光下,
雙手於不知不覺間變得又黑又粗糙,
Hand cream不但可以全日滋潤雙手,又能提亮膚色。
Vinoperfect葡萄蔓極緻完美潤白日霜 50ml HK$400
Vinoperfect葡萄蔓極緻美白潤手霜 50ml HK$130
當只可以夜晚護膚時使用美白產品,就會大大減慢美白進度,
而葡萄蔓極緻完美潤白日霜就能日間都可以安心美白去印,
素顏都能夠擁有白滑奶凍肌
面霜精選咗4大天然美白成分,包括:
獨家專利成份 Viniferine 葡萄藤萃取液、維他命 B3、
白牡丹同 100% 天然純淨礦物粉,其美白淡斑功效比維他命 C高出62 倍,
又唔會引起光敏感、刺激肌膚同埋用後出現乾燥等情況,
可以即時調整膚色,中和暗黃,防止油脂變黑而形成瑕疵。
個人都幾喜歡呢個面霜嘅質地,
好似奶凍咁嘅質感,輕柔又唔會黏笠,啱哂呢家嘅天氣使用。
雖然面霜係美白為主,但用後都幾保濕,
唔似其他美白產品咁用完皮膚又乾又甩皮,
而且又唔會造成粉刺暗粒,真心好用。
另一方面,好多敏感肌或者孕婦都唔敢用美白產品,
擔心會令肌膚敏感搞到出現反效果,
但係葡萄蔓極緻完美潤白日霜無矽、無礦物油、聚乙二醇(PEG) 、
有害防腐劑、石蠟、硫酸鹽同動物原材料等有害化學物,
真係好天然溫和,完全無出現刺痛或泛紅敏感
美白立即變得好easy!
要白就當然要白得徹底,所以除咗面部亦唔好忽略頸部同手部,
葡萄蔓極緻美白潤手霜當中 97%天然配方,
再加上無矽、聚乙二醇(PEG)、無礦物油等有害化學物,
非常時期真係要減少刺激肌膚,
最好要用無有害成份嘅手霜
呢支就絕對非常合適敏感肌膚使用。
呢支手霜只係HK$130,個人覺得都幾抵買,
皆因蘊含 500ppm 皇牌專利成分 Viniferine 葡萄蔓萃取液,
仲有白牡丹萃取物、有機乳木果油、牛油果油、葡萄籽油、
橄欖油同埋天然植物甘油,不但能滋潤度雙手,仲可以美白,
用後能高效淡化手部嘅色斑同時均勻膚色,
重點係滋潤得嚟又清爽,易吸收同時安全純淨又無毒,
十分高分,雙手肌膚得到有效改善呢。


想全日得到天然美白修護,又唔會出現光敏感或者敏感泛紅,
Caudalie嘅葡萄美白組合就可以幫手做好準備,
令肌膚剔透明亮,迎接夏日來臨。
Facebook:www.facebook.com/CaudalieHK
Website: hk.caudalie.com 

 Provided By Caudalie
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢 
#葡萄美白 #DoTheBringThing #CleanBeauty #GrapeBeauty #CaudalieHK