2018年3月29日 星期四

【 告別厭世臉‧熬夜神器-SK-II 夜間修護賦活面膜 】

香港地每個人都生活忙碌,唔好講瞓覺啦,
連敷面膜都無時間,原來持續每日瞓少過五小時,
肌膚嘅水份狀態會倒退13倍,同時間破壞皮膚屏障功能,
慢慢就會出現唔同嘅肌膚問題,誕生「厭世臉」!
因為屋企嚟緊裝修,所以近日忙於搬屋事宜,
心情比較燥又多嘢諗,心身都好疲倦,
老講講連敷面膜嘅時間都少咗好多呀⋯⋯
好彩早前出席咗SK-II Overnight Miracle Mask Launch Party,
率先了解3月份先正式登錄香港嘅「晚安小膠囊」
外形好得意就好似咖啡膠囊咁,用法好簡單,
只需撕開膠囊包覆膜,係瞓前直接使用膠囊面膜,
一次用一粒,作為睡眠面膜或急救面膜用,
就算幾唔夠瞓都好,用呢粒熬夜神器第日都可以精神飽滿返工見人。
「晚安小膠囊」採用網狀凝膠科技,
結合咗SK-II經典成分PITERA™同天然睡木萃取( Sleeping Tree),
整晚為肌膚提供滋潤之外,亦可以喺於好短時間內深入滋養肌膚。
一步急救肌膚,短時間快速修護肌膚、促進其新陳代謝,
同時平衡肌膚油脂分泌、細緻毛孔、改善暗沉問題,
提升肌膚保濕力,令肌膚達致水油平衡的理想狀態。
你知啦,加班OT、Party狂歡、出trip等等難免會睡眠不足,
影響肌膚狀態,特別係每次去完Party皮膚差到一個點,
第日果個樣真係好難見人。
可以先使用神仙水再配合「晚安小膠囊」作為急救護理,
淺黃色凝膠質地非常幼滑易推,
同SKII嘅面霜質地相近,但較輕盈一點都唔覺得油膩。
本來以為一粒嘅份量好似好多咁,
但係慢慢塗上面時經已好快就被肌膚吸收,
所以一粒「晚安小膠囊」真係剛剛好一次分量用於眼、面同頸部。
由於只需要塗上「晚安小膠囊」就可以瞓覺,
所以實在大大節省卻唔少護膚程序同埋時間,
而且第日起身feel到皮膚好似飲飽水又好光澤,毛孔明顯細緻咗。
雖然價錢唔算係便宜,但實在一分錢一分貨,
而且細細粒又方便帶去旅行,又係忙碌生活既護膚好幫手,
能夠急救同埋穩定乾燥缺水肌膚,
簡單1個步驟,塗上就可以放心直接去瞓覺,方便、快速、高效率!!
SK-II「夜間修護賦活面膜」(OVERNIGHT MIRACLE MASK)
HK$650 6pcs

Website:http://www.sk-ii.com.hk/
Facebook:www.facebook.com/SKIIHK
 Provided By SKII
聯絡MsJovi:
ww.jovi@ymail.com / www.facebook.com/blogger.ms.jovi/


免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢


2018年3月27日 星期二

【 溫和補濕面膜-Dr. Hsieh 玻尿酸長效保濕面膜 】

台灣嘅面膜一向都受歡迎,價錢合理又高效,
所以每次去親台灣都會掃一堆返嚟,
補充一下我嘅面膜櫃桶!(無錯,係有兩個櫃桶!!)
今次想同大家分享Dr. Hsieh 玻尿酸長效保濕面膜
6片裝一盒,售價為HK$118。
呢款係升級版嚟,有七大沙漠植萃添加、
月見草根短葉絲蘭根仙人掌花蠟菊木同
沙漠馬鞭草龍舌蘭木餾油灌木,
適用於各種膚質,個人特別推薦俾乾燥缺水肌膚用,
效果都幾明顯。
呢款面膜無酒精、無色料、無礦物油同動物油脂,
就轉轉季肌膚乾到甩皮都好,都可以改善乾燥缺水,
全靠NASHA大小分子透明質酸。
當中高純度透明質酸能夠強化保水力,
同時沙漠絲蘭植萃就能夠提供肌膚表層保水,
同一時間深層儲水調理肌膚油水平衡。
面膜質料為天絲纖維,用落非常貼面,
而且滲透滿滿嘅精華,對於近日忙於搬屋嘅我,
敷住呢塊面膜執屋好方便,
因為貼面度滿分!!
用後皮膚即刻光澤水嫩咗好多,
第二朝起身塊面明顯水分依然足夠,
雖然比起一般台灣其他品牌嘅面膜價錢較高,
不過效果唔錯,溫和又補濕呢!!
Dr. Hsieh 玻尿酸長效保濕面膜評分(5★為滿分,☆為0.5分):
貼面度:★★★★★
補濕度:★★★☆
溫和度:★★★★
光澤度:★★★
亮白度:★★★☆
整體評分:★★★☆

入手在以下連結:
My Princess HK 我的公主 : https://www.myprincessyoyo.com/product-3736.html
 Provided By Dr. Heish香港代理商
聯絡MsJovi:
ww.jovi@ymail.com / www.facebook.com/blogger.ms.jovi/


免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢

2018年3月25日 星期日

►► 鬧市中的聚腳好地方-串酒里KEBABEER ◄◄

有時想同班friend聚下腳又唔知去邊好,今次有介紹俾大家~
就係位於佐敦漢國中心對面嘅串酒里KEBABEER!
串酒里KEBABEER引入火山石燒技術,
所以串燒食落唔會乾爭爭,能夠鎖住肉汁,令食物外脆內軟~
要搵到串酒里要穿入一條小巷,有室內同埋室外兩部分,
我地就選擇坐係室內,枱與枱之間富有空間。
最吸引我地嘅係串酒里有全港獨有粗口手工啤,
所以成間小店入面有好多擺設,哈哈,
可以慢慢試下唔同手工啤,又可以同三五知己傾下心事!
餐廳嘅menu明顯落過心思設計,而且獨有粗口手工啤實在好搶眼,
佢地嘅手工啤喺發酵中期加入冷泡啤酒花,
再配以唔同口味,所以款款手工啤都各有特色。
左邊:蜜桃菜頭
右邊:香甜蜜糖
手工啤酒(各HK$68)非常易入口,味道唔會太濃,岩哂一眾女生,
香甜蜜糖嘅味道比較特別,飲落帶有微微甜香。
而啤酒背面都有講返呢個字嘅意思,好生動好特別,
簡直係可以推動到香港嘅文化,而且啤酒仲可以買走tim!
至於食物方面都幾多選擇下,
唔單止有海鮮,亦有一些特色串燒,
例如日本雞蛋燒廣島蠔、黃金扭扭薯條、芝心日本廣島蠔脆棒等等。
汁燒豆腐串 HK$25 (推薦指數:4.5/5)
意想不到嘅好食,豆腐外脆內在嫩滑,
加上燒得夠熱,而燒汁又被豆腐索哂,我同男友都覺得非常出色!
黑松露蒜蓉燒日本廣島蠔 HK$59/2隻 (推薦指數:4/5)
日本廣島蠔燒得岩岩好,而蒜蓉夠多食落好香口,
再加上面頭嘅黑松露,簡直係兩重香味係口入面,
價錢唔貴,值得點嚟食下!
川式脆燒雞軟骨 HK$25 (推薦指數:4/5)
燒得香脆嘅雞軟骨要嚟送酒一流,爽口彈牙,味道好好。
左:札幌芝麻香燒雞翼 HK$28/2隻 (推薦指數:3.5/5)
右:川式麻辣香燒餃子雞翼 HK$49/2隻 (推薦指數:3.5/5)
札幌芝麻香燒雞翼燒得幾好,唔會太乾,食落仍然幾juicy,
而且雞皮頗脆,食落香口惹味。
川式麻辣香燒餃子雞翼其實係明太子釀雞翼咁,
不過外皮塗上了川式麻辣,所以入口時好惹味,
男友話食落都幾麻辣,忍唔住飲多咗幾啖啤酒呢~~
鹽燒厚切牛舌 HK$59 (推薦指數:4/5)
牛舌好厚切,可見小店絕不小家,
燒起喛爽口彈牙又唔會韌,而且入口仍帶juicy,好味道!
燒麻吉 HK$20 (推薦指數:4/5)
來自台灣麻吉,好特別而且唔係度度都有得食,
煙煙韌韌,食落好似年糕咁,而外皮又脆卜卜,好得意。
生蝦配特色泰醬 HK$68 (推薦指數:3/5)
生蝦比較細身,但係醬汁造得幾好,所以加返唔少分數,
當然呢度嘅生蝦唔可以同泰國餐廳比較,但係都可以過下口癮。
燒菠蘿 HK$29 (推薦指數:4/5)
食咗咁多串燒,最後當然要食返串燒菠蘿作為總結啦。
外皮帶有焦糖香甜脆口,而內裡嘅菠蘿則相當juicy,
好好食!好多汁!
埋單每人大概HK$400,價錢合理唔算太貴,
但係可以輕輕鬆鬆咁過一個晚上,食物質素幾好,
環境又舒服,嚟開呢頭不妨可以試下!

串酒里KEBABEER 
尖沙咀山林道6號B舖 (漢國中心對面)
聯絡MsJovi:
ww.jovi@ymail.com / www.facebook.com/blogger.ms.jovi/


2018年3月19日 星期一

【 拒做黑面神-CAUDALIE INOPERFECT 葡萄蔓極緻完美系列 】

每個女生都想擁有潤白透亮無瑕肌,
但係好多美白護膚品嘅保濕度又唔夠,有D又唔夠溫和,
所以我要分享CAUDALIE嘅VINOPERFECT 葡萄蔓極緻完美系列,
全效四步曲,能夠加倍亮白力量,
用咗一排肌膚能夠感覺得到紓緩、深度保濕及更顯亮白光澤!
Vinoperfect 葡萄蔓極緻完美系列,
不含有害防腐劑同埋油份等化學物質,
可以日夜全效亮白淡斑,
由內而外展現源自葡萄園嘅天然潤白透亮肌!
大概一個月前,我先去咗CAUDALIE 專門店進行第一次肌膚測試,
可能天氣開始有D轉變,令到肌膚分數好低,
結果令我真係好唔滿意。
最後,我聽從BA嘅意見,帶走咗Vinoperfect 葡萄蔓極緻完美系列!
美白全效四步曲:
STEP 1:淨白煥膚 PREPARE 「極緻完美透白精華露」 
STEP 2:淡斑亮白 CORRECT 「葡萄蔓極緻完美精華液」 
STEP 3:全效防護 PROTECT 「極緻完美亮白日霜 SPF20」 
STEP 4:更新亮肌 RENEW 「極緻完美凝白晚霜」
Caudalie Vinoperfect Concentrated Brightening Essence 
極緻完美透白精華露150ml HK$260
極緻完美透白精華露結合咗溫和去除老化角質嘅甘醇酸、
有助均勻膚色嘅白牡丹萃取物、紓緩保濕嘅有機葡萄籽水、
同埋帶來細膩觸感嘅橙花水,
能於源頭重塑潤白透亮肌膚,達至雙倍淡斑功效,肌膚五倍透亮。
每日喺早晚潔面後嘅第一步使用,
將極緻完美透白精華露沾滿一片化妝棉使用,
適用於面部同頸部,使用後有時會見到化妝棉上帶有黃色,
其實係因為帶走咗面上嘅老化角質。
用咗呢支極緻完美透白精華露差不多三個星期,
肌膚回復原來光澤,而且也能夠令後續護膚產品更加吸收,
皮膚狀態更穩定,肌膚保濕度好不錯。
Caudalie Vinoperfect Radiance Serum 
葡萄蔓極緻完美精華液30ml HK$510
蘊含獨家專利成分Viniferine 葡萄蔓萃取物,
當中1000ppm 濃度亦係眾產品之冠,亮膚功效比維他命 C 高 62 倍。
好似牛奶般又不含油份嘅精華液唔會引起光敏感,
能強效撃退已形成嘅色斑同預防黑斑再生,從而打造亮白美肌。
質感易推又易滲透入肌膚,用後一點都唔黏膩,
即使三月份天氣比較潮濕都唔會加重肌膚負擔。
有效改善肌膚光澤度同提升肌膚透明度,
意外地覺得其滋潤效果亦相當不錯,一年四季都適用使用。
用咗三星期左右,成支精華液用咗成4分3支,
個人覺得好好用,水盈得嚟又易被吸收,
怪唔之得連續 9 年被選為法國第一嘅亮白淡斑產品。
而且臨床實驗證實,色斑密度、大小同數量,
包括日光性雀斑、暗瘡印、懷孕期間引起的荷爾蒙斑或妊娠斑,
最快係用嘅第四週已經可以明顯減退呢~


Caudalie Vinoperfect Day Radiance Moisturizer Broad Spectrum SPF20 
極緻完美亮白日霜 SPF20 40ml HK$310
有效預防色斑同提升肌膚光澤,具即時修飾功效,
當中所含天然柔焦色體同啞光珠光亮粉,
令塗抹後嘅肌膚猶如被光環包裹般顯得完美光滑。
最令我喜歡嘅係同時具有SPF 20防曬因子等天然成份,
不含油分、不會造成粉刺,同時蘊含 500ppm 高濃度 Viniferine,
兼備保濕鎖水功能嘅橄欖鯊烯同埋透明質酸,有效緊緻毛孔、
抑制過度油脂、修飾色斑、用後膚色均勻透亮。
只需薄薄一層塗上就可以,一次過集合咗面霜、防曬同妝前底霜功效,
係一支理想嘅妝前底霜。
我最鍾意就係妝前使用,因為呢支日霜可以有效緊緻毛孔,
而且不含油分,所以妝前用仲可以幫到手控油,
而且又有提升肌膚亮白度效果呢!
Caudalie Vinoperfect Cell Renewal Night Cream 
極緻完美凝白晚霜40ml HK$310
能夠喺晚間促進肌膚更新,有效淡化黑斑同時提亮膚色。
當中蘊含 500ppm高濃度Viniferine 葡萄蔓萃取液、木瓜酵素同甘醇酸,
所以喺晚間睡眠時間溫和咁去除老化角質同時緊緻毛孔。
質感相對起面霜較杰身同滋潤,
所以每次使用嘅份量唔洗太多就足夠全面使用,
雖然話係杰身但係用後一點都唔膩黏。
能喺晚間睡眠時間為肌膚帶來足夠保濕同保護,
醒來後肌膚變得嫩滑、毛孔更細緻、膚色均勻,能煥發清透亮澤。
向法國女生學美白,用咗三個星期左右,顯膚色更亮白剔透,
而且乾紋、粉刺同皮膚彈性都有明顯改善,
皮膚好似有自動柔膚filter效果咁!
由於想比較一下用前用後對比,所以上星期再去咗做皮膚測試。

用CAUDALIE VINOPERFECT 葡萄蔓極緻完美系列之前,
皮膚嘅粉刺比較嚴重,而且皮膚緊緻度亦比較差,
而三星期過去有明顯改善,皮膚平滑得多。
仲有重點嘅黑色素亦有大大減少,
而且毛孔方面亦無咁明顯。
再睇埋皮膚水份同彈性都有整體提升,實在令人太開心啦,
分數增加不少,更有彈性同水分充足呢,
齊齊展開美白工程,為肌膚迎接夏天啦!
Website:http://hk.caudalie.com/
Facebook:www.facebook.com/CaudalieHK/
 Provided By Caudalie & BeautyExchange
聯絡MsJovi:
ww.jovi@ymail.com / www.facebook.com/blogger.ms.jovi/


免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#Vinoperfect #Caudaliehk #GrapeBeauty #CleanBeauty