2018年5月12日 星期六

►► 卡路里checked！饞嘴女生必到餐廳 ◄◄

想食好嘢又怕食完好肥？但如果每道菜你都知道卡路里咁就唔洗怕啦！
位於炮台山站 A 出口嘅呢間Helfit Lifestyle Club，
相信係你不二之選，著重食材的營養及熱量，主打推廣健康飲食文化。
Helfit Lifestyle Club有瑜珈課程提供，而餐廳更有營養師駐場，
所有嘅食物會註明卡路里同埋其營養價值，更選用健康方式來烹調。
餐廳環境簡約整潔，裝修帶有田園風，令人感覺放鬆。
除咗有set dinner之外，亦可以散嗌嘢食，
不過見到set dinner價錢咁抵，所以就同男友每人嗌一個試試。
當日晚餐都有好多選擇，我就點咗紅酒比目魚伴香煎帶子配紅酒汁(HK$288)，
而男友就點咗焗寶雲酥羊架伴新薯配百香里汁(HK$358)。
雅枝竹准山湯（卡路里：127)
呢個係我從未飲過嘅湯，對我嚟講非常新鮮，
原來雅枝竹又稱朝鮮薊，係菊科類植物的嘅花蕾，
湯口感幼滑，入口有點似忌廉湯但帶有少少酸味。
另外，附湯更有熱哄哄嘅餐包同埋橄欖油陳醋，食落好開胃。
蟹肉及蟹子沙律（卡路里：127)
雜菜沙律再加上頗多嘅蟹肉同蟹子，配以沙律醋上場，
係一個好開胃嘅前胃，而且口感清新。
焗寶雲酥羊架伴新薯配百香里汁（卡路里：422)
羊架係採用咗蒙古羊，而蒙古羊含有8種人體必需胺基酸同鋅質，
對於免疫系統好有益，有助於穩定血糖。
寶雲酥係法國南部一種傳統嘅焗羊架方法，
男友話呢個羊架處理得好好，首先食落完全唔油，
而且肉汁豐富，又好入味，重點食哂都唔覺得膩。
紅酒比目魚伴香煎帶子配紅酒汁 (卡路里：242）
比目魚無論係味道、營養、功效價值上都好好，而且魚肉細嫩，
好多時我都會嗌比目魚食。
一讚係餐廳嘅紅酒汁做得唔錯，能有提鮮作用，
加上魚肉嫩滑，只可惜魚皮未夠脆身，失咗一點分數。
不過伴旁嘅帶子好大隻，盡顯餐廳誠意，
而且帶子煎得剛剛好，食落仍然好juicy。
另外一個得分位係餐廳除咗注重卡路里之外，仲好著重營養，
主菜嘅伴菜份量好足夠，絕對唔會出現多肉少肉嘅問題，
而且伴菜亦好新鮮鮮甜呢！！
法式奶凍
法式奶凍加以藍莓醬，味道清新，唔會太甜。
薄荷茶
最後來一杯薄荷茶，作為晚餐嘅總結，
能促進血液循環同時紓緩壓力，實在令人感到relax呢！
三百幾蚊有齊頭盤、主菜、甜品同飲品，實在係一個抵食價錢，
而且呢度上菜速度好快，環境又簡約舒服。
同男友嚟食完飯之後，佢經已約咗同事食幾次lunch啦～
聯絡MsJovi：
ww.jovi@ymail.com / www.facebook.com/blogger.ms.jovi/

張貼者： 於 沒有留言:
標籤： , , , , , , , ,

2018年5月9日 星期三

【15分鐘貴婦級護理－日本殿堂級TOKI「升級版黃金毒蛇眼膜」】

原來當毒蛇為咗獵食，就會利用其毒液向生物注射毒素，
當中毒素會直接攻擊生物神經系統同肌肉系統，
導致其呼吸系統障礙、肌肉麻痺，最終令生物死亡，然後獵食成功。
而點解近呢十年咁多護膚品會使用天然毒蛇原液提練呢，
係因為毒液嘅毒性降低後，能阻斷肌肉神經訊號，
令肌肉收唔到神經訊號，咁就能有功減少動態表情紋，
同時肌肉得到放鬆，亦能夠抑制皺紋產生。
手上呢盒嚟自日本殿堂級美容品牌TOKI 嘅「升級版黃金毒蛇眼膜」 ，
喺日本屬於貴婦級別護膚品，眼膜萃取自純天然嘅蛇毒成分，
值得一提係升級版第二代黃金毒蛇眼膜嘅配方，
仲有國際特許成分基肽 3000 ，再配合埋改良版棉纖維膜布，
敷起上嚟feel得到更薄更貼。
一盒裡面共有60塊黃金毒蛇眼膜，即係30對嘅份量，
眼膜使用納米分子賦活作用技術，精華可以好精準咁滲至眼底，
能達致提拉緊緻，仲可以喚醒細胞自我修復，
keep住使用可以有效去皺、淡化黑眼圈，bling bling眼恩物！
納米分子賦活作用技術係將成分納米化，以強化產品嘅滲透性，
促進營養物質導入，令到用後效果更顯著同時提升其效用，
所以呢個眼膜敷大概15分鐘後，明顯見到眼袋位置即刻撫平同pump飽水。
TOKI升級版黃金毒蛇眼膜除咗天然毒蛇原液外，
成分中仲有5種SF皮膚再生成分同2種抗糖成分，能令眼周瞬間恢復彈性。
另外，具有積雪草提取物，呢個成分好出名能舒緩肌膚，
補濕同緊緻肌膚，可以加速淡化黑色素。
打開盒就見到附有鑷子可以方邊取出眼膜，
好細心嘅安排，因為一盒眼膜有60塊，咁就可以確保用時更衛生。
眼膜經已好整齊咁存送係盒內，30對眼膜，
每一片都充滿住精華，能對眼部肌膚做個特別呵護護理，
每個星期我會用一至兩次，所以一盒足足能用上三個幾月呢～
個人嚟講我會比較喜歡用布質眼膜，
因為夠貼服，敷緊果時仍然可以坐係度做嘢或者睇電視，
而且後眼周肌膚變得明亮水潤，保濕度大大提升。
喺化妝水同原液後，取出眼膜，先用一隻手固定，
然後用另一端慢慢向上提拉，令眼膜貼服於眼下，
一般敷眼膜嘅最佳距離係眼下3毫米左右，大概敷10-15分鐘就好足夠。
由於眼膜係腰果型設計，我亦會敷係法令紋位置作重點修護，
可以有淡紋抗皺嘅作用。
來一個貴婦級護膚，有效快速減退乾紋，
一次過改善眼部同法令紋位置嘅問題，我覺得保濕度好好，
可以快速滲透肌膚進行修護。
記得敷10-15分鐘就好足夠，喺半乾濕情況下就要拎走眼膜，
否則乾掉嘅眼膜會倒抽眼周皮膚水分，造成反效果呢！
用後眼肚位置仲有好多精華，需要進行按摩再幫助加強吸收，
效果都幾顯著，細紋同黑眼圈都有改善，能夠撫平緊緻鬆浮眼肌。
有效為幼嫩眼周肌膚提供營養，
同時眼膜具有多達180種成長因子同肉毒桿菌素，可加速細胞修復，
提高眼部自我修復，增加肌膚彈性。
TOKI升級版黃金毒蛇眼膜能一次過滋潤補濕、增加肌膚彈性，
改善黑眼圈同眼紋問題，令雙眼時刻保持醒神精靈，絕對值得一試。
想睇多啲分享？睇埋我條片啦！

 Very Lucky Japan Ltd 係TOKI Japan大中華嘅總代理 
WhatsApp即入手: bit.ly/57013678
WeChat: bestbeautyhk
Website: www.bestbeautyhk.com
Toki FB: www.facebook.com/jptokiasia
❝ Provided By Very Lucky Japan Ltd❞

 聯絡MsJovi：
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
張貼者： 於 沒有留言:
標籤： , , , , , ,

2018年5月7日 星期一

【 完美秀髮源於健康頭皮－韓國DR. FORHAIR 】

次次睇親韓劇，都見到韓仔韓妹嘅頭髮睇落又濃密又光澤，
原來係佢地好重視頭皮嘅健康非常注重頭髮保養，
所以我們注重頭皮應該要同皮膚一樣，一視同仁，
同樣需要保持護理同保養，先能夠打造真正健康髮絲。
由於我嘅頭髮成日漂染，所以呢幾年開始都好注重護理頭髮，
但原來頭皮亦需要好好細心呵護，先可以維持良好髮質。
Dr. FORHAIR喺韓國成立咗超過25年，
亦喺當地擁有11間專業頭皮護理中心，
係韓國權威防脫髮專家嚟，所以旗下產品好受歡迎。
Folligen Shampoo 防脫健髮洗髮液
洗頭水係佢地皇牌產品嚟，當中含有獨有防脫成分 Hergen Liquid，
經臨床測試證實，有88%以上試用者認同產品有防脫髮、健髮功效。
只需要輕輕按摩就有大量泡泡，加上淡淡嘅香味，
用起嚟好舒服好令人放鬆，我用咗個幾星期，
吹頭時脫髮情況就減少咗好多，相信持續用會更顯著，
因為其改善脫髮同促進髮絲生長效果經已獲韓國食品藥品管理局認可。
Sea Salt Scaler 海鹽深層清潔磨砂
原來定時為頭皮進行深層磨砂潔淨，能去除老舊角質，
清除頭皮油脂同污垢，減少頭皮屑同痕癢問題，
亦令能後續嘅修護產品更容易滲透同吸收。
用法好簡單，只需要濕透髮絲後，塗上海鹽泥係頭皮度，
再輕輕按摩直至起泡，大概過咗三分鐘後用溫水徹底沖洗，
再用埋Dr.FORHAIR健髮強根洗髮液效果更加好。
當中幼細嘅以色列死海海鹽係按摩時令頭皮好舒服，
而且用咗幾次之後，我覺得頭油問題的確係少咗好多。
Kaoline Scalp Pack 礦物泥頭皮護理膜
幫頭皮敷mask？無錯，呢個頭皮護理膜就好似急救面膜咁，
能夠迅速舒緩電染髮後嘅痕癢發炎、天氣乾燥引起嘅頭皮敏感等，
短時間為頭皮提供滋養、軟化同潤澤功效。
可以每日係洗髮後，將適當份量嘅頭皮護理膜輕柔地按摩頭皮同頭髮，
能代替護髮素，大約放置三分鐘後以溫水徹底沖淨，
用後頭髮明顯好順滑，而且毛燥問題有改善呢。
Folligen Scalp Vital Ampoule 健髮強根頭皮精華液
呢支精華液主力係防止脫髮，強健髮根，
提供適當嘅滋養成分令頭髮茁壯成長，
由於用法好容易，所以懶人唔怕複雜買咗唔用。
平日我成日漂染頭髮，而且又日日夾頭髮，的確令髮絲愈來愈脆弱，
但用咗個幾星期，髮絲明題更強健，脫髮有改善，
特別係每日吹完頭之後，唔再成地都係頭髮呢！
用前先搖勻精華液，然後洗髮後喺頭頂滴上10滴左右，
再用指喺尖頭皮上打圈按摩，用後唔洗沖洗，超易用。
經臨床研究顯示，持續使用精華液24週，頭髮密度明顯增加，
頭皮與頭髮質素都有所提升。
Folligen Spot Effector 茶樹速效紓緩急救棒
一聽到急救棒即刻好好奇，頭髮有咩需要急救呢？
原來有好多人因為油脂分泌過盛而飽受頭瘡困擾。
我媽咪就係其中一份子，
成日手多去抓破啲頭瘡，以為可以自然痊癒，
其實咁做只會更容易引起細菌感染而導致傷口更難癒合。
走珠式設計好方便易用，用時只需直接塗抹係頭皮不適處，
例如頭瘡或者痕癢等，用後唔洗沖洗，可以持續使用至好返就可以，
我媽咪就好鐘意呢件小法寶啦，
因為可以幫助頭瘡快啲好返，咁就唔洗成日受頭瘡之苦。
Folligen Easy Swab SOS 即用頭皮護理棒
香港天氣潮濕，呢個即用即棄一次性頭皮護理棒正正好啱我哋，
呢支含有天然清潔成分蘋果醋嘅SOS即用頭皮護理棒，
能夠有效清除頭皮屑、細菌、頭油。
衛生設計好方便隨身攜帶，除咗可以係辦公室使用，
都好啱長途機、戶外活動後甚至住院休養等，唔方便洗頭時使用。
用時只需要將頭髮分開多份，直接應用喺髮線上，
每一包內含兩支護理棒，一次用一包用完即棄。
用時頭皮會感到冰冰涼涼，帶有薄荷嘅味道，
使用後最大分別係頭髮能保持乾爽無頭氣，有需要時使用好方便。

 Folligen Shampoo 防脫健髮洗髮液300ml HK$138
Sea Salt Scaler 海鹽深層清潔磨砂200ml HK$158
Kaoline Scalp Pack 礦物泥頭皮護理膜200ml HK$158
Folligen Scalp Vital Ampoule 健髮強根頭皮精華液15ml HK$128
Folligen Spot Effector 茶樹速效紓緩急救棒15ml HK$128
Folligen Easy Swab SOS 即用頭皮護理棒6ml x 10 Packs HK$128

 屈臣氏獨家發售
Facebook：www.facebook.com/drforhairhk/
Website： www.drforhair.co.kr
❝ Provided By Dr.❞
聯絡MsJovi：
ww.jovi@ymail.com / www.facebook.com/blogger.ms.jovi/

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
張貼者： 於 沒有留言:
標籤： , , ,
訂閱： 文章 (Atom)