久美小姐Ms.Jovi: 緊緻

顯示具有緊緻標籤的文章。顯示所有文章

2020年11月10日星期二

【7天有效打造亮肌緊緻效果｜全新FILORGA提拉緊緻潤色底霜】

Lady Gaga都愛用嘅法國抗衰老品牌FILORGA，
產品效果一向備受讚賞，效果亦十分出色，
而言近年口罩下大家已習慣以偽素顏示人，
所以一支打造自然美顏效果嘅素顏霜，成為好多女生日常妝容最佳拍擋。

FILORGA最近亦加入戰團，以拿手抗衰老同提拉緊緻成分加入素顏霜中，
打造出全新「提拉緊緻潤色底霜」，只需連續使用7日，就能達至提拉緊緻，
同時可以即時提亮膚色，美機app都慳番！

提拉緊緻潤色底霜50ml HK$645

呢支8月全新推出嘅潤色底霜，配方靈感嚟自注射型醫學治療方法，

令肌膚自然回復光澤嘅3T亮肌技術，打造健康亮澤效果。
係我近排最愛，每日出門口前都會使用，
用完能夠即時亮澤、均勻膚色，而且仲可以改善膚質，
特別適合想改善皮膚鬆弛、暗啞同膚色不均勻人士。

粉嫩色嘅乳霜，唔單止好易推，而且適合任何膚色使用，

用後能夠塑造健康氣息嘅光澤肌膚

只要喺早上化妝水同精華後使用就可以，

方便又簡單，趕出門口同埋懶人必備。

用完皮膚好光澤，而且亦好自然，效果好持久，

加上成分中具有類珍珠反射粒子，更可打造平滑亮肌，

如果平時戴口罩唔想化妝，用呢支就最合適不過，

護膚同時又能提亮皮膚，就算除口罩都唔怕嚇親人啦。

除提拉緊緻潤色底霜外，想加強提拉緊緻效果，

就要用埋FILORGA全套The Lift提拉緊緻塑顏系列。

提拉緊致塑顏精華30ml HK$640

我個人都幾推介手上嘅提拉緊致塑顏精華，

能達到緊致面部肌膚，提升立體輪廓作用，

而且其獨特嘅緊緻滾輪儀設計，使用時能將緊緻活性成分精華平均佈滿滾輪儀上，

一邊護膚一邊提拉，配方質地清爽又唔油膩，皮膚吸收得一乾二淨。

由於精華與地輕盈，所以用後肌膚無負擔，

皮膚軟滑又有光澤，同時能收緊面部線條，效果十分出色！

Facebook：www.facebook.com/FilorgaHK

Website： www.filorga.com/world

❝ Provided By FILORGA❞

聯絡MsJovi： ww.jovi@ymail.com / www.facebook.com/blogger.ms.jovi
Blogspot She Elle BeautyExchange

UBeauty TheZtyle SheWIn Cosmopolitan

FaceBook WeShare OpenRice

免責聲明: 是次產品/產品資料由品牌提供, 本文章內容屬個人意見及感受,

並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢

#FILORGAHK #LiftStructureRadiance #提拉緊緻潤色底霜 #OinkOinkPR #Skincare #抗衰老 #提拉 #緊緻 #塑顏

2020年8月9日星期日

【感受深海提拉力量｜CELLNOC抗衰老系列】

千祈唔好以為年紀大先需要抗衰老，
一聽到D抗衰老產品就覺得40+以上先啱用，其實愈早保養，
及早把關，愈年輕開始就更能保持肌膚最佳狀態。
嚟自韓國CELLNOC抗衰老系列 (諾克海細胞)，
成分具有源自深海中嘅菲朵深能量，能幫助喚醒肌膚細胞，賦予肌膚彈性。

成個CELLNOC抗衰老系列共三件產品，
全方位對抗肌膚衰老、緊緻提升面部輪廓，喚醒肌膚細胞，
由肌底慢慢改善老化問題，加上質地易於吸收，
短時間能提升膚質。

菲朵深緊緻藍色神仙水
Phytocean Lifting Blue Toner 140ml HK$284
菲朵深提拉緊緻精華
Phytocean Lifting Ampoule 25ml HK$448
菲朵深提拉面霜
Phytocean Lifting Cream 50ml HK$387

成個系列蘊含專利成分「Sirtalice™」，
由探險船於法屬留尼旺島附近深達3400米嘅無污染深海發現，
被喻為「具拉提效果的寶石」。

呢種珍貴嘅專利成分同專利科技「TREC Technology™」結合，
就創造出滲透率高而又有效拉提、抗皺同時緊膚嘅
Cellnoc Phytocean拉提安瓶同Cellnoc Phytocean拉提面霜，
聽說如果喺注射填充物同埋線前後使用，更有助增強效果！

成個系列都以温和低刺激配方而成，同時符合EWG綠色等級，
不含致敏成分、人工色素、人工香料、防腐劑同礦物油。

菲朵深緊緻藍色神仙水含有豐富礦物質、
螺旋藻萃取物同7種海藻海洋成分，能全方位填補肌膚屏障，
而且補水同提拉效果亦十分明顯。

質地非常水盈，用後有效改善皮膚老化，增加肌膚免疫力、
回復皮膚嘅水油平衡，而且我覺得能為肌膚打好基礎，
加強提升後續護膚品吸收，補充水分並集中滋養肌膚。
當皮膚好乾燥時，亦可以將神仙水倒喺化妝棉再敷上臉，
幾分鐘急救皮膚，妝前使用效果特別好。

菲朵深提拉緊緻精華含有高分子、低分子給超低分子嘅三重透明質酸，
其保濕效果相當不錯，而且透明質酸能吸收自身體質100倍水分並將其鎖住，
因此用後皮膚十分水潤，摸起嚟又軟滑。

喺微整形術前使用有助提高填充同提拉效果，
而平日日常護膚下能撫平肌膚皺紋，當中銅三肽成分則可以防止肌膚老化，
促進膠原蛋白同彈性蛋白嘅合成，令膠原蛋白自我增生，從而縮細毛孔。

精華滲透性強，相當易於吸收，而且吸收後皮膚更飽滿，
毛孔睇落無咁粗糙，膚質都有所好轉呢！

菲朵深提拉面霜塗抹後就好似喺肌膚上形成抗衰老保護膜，
天鵝絨般質地如同濃縮咗水分同營養咁，奶油狀適合提拉按摩，
不過用後一啲都唔膩，反而滋潤得剛剛好。

除咗專利成分外，當中具有腺苷，呢個成分更加強耐光性同穩定性，
所以面霜可用於白天同夜晚，用時只需輕輕一抺，
就可以為皮膚注入極高營養。

唔單止面部，亦可塗抹眼部作眼霜使用，使用28天後有善改善眼角皺紋，
用完我覺得皮膚係有所提升嘅，而且無咁乾燥，水分同彈性都有改善，
不過緊致肌膚係長久戰，所以keep住使用相信效果會更加好。

想keep住俐落輪廓影相，大家都要努力，及早做好抗衰老保養呀！

Facebook：www.facebook.com/cellnoc.hongkong
Website： www.cellnoc.com





❝ Provided By CELLNOC❞



聯絡MsJovi：

ww.jovi@ymail.com / www.facebook.com/blogger.ms.jovi/









Blogspot She Elle BeautyExchange 





UBeauty TheZtyle SheWIn Cosmopolitan





FaceBook WeShare OpenRice





免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,














如需協助或希望獲得更多有關產品資訊, 請直接聯絡該品牌查詢
#Cellnoc #Cellnochk #諾克海細胞 #海洋萃取物 #抗衰老配方 #緊緻 #提拉 #補濕 #韓國品牌

2018年10月18日星期四

【打造立體緊緻小臉｜Lancôme立體塑顏緊緻系列】

相信每個女生都希望擁有立體緊緻小臉，除咗靠treatment同埋日常按面之外，
護膚品亦都係相當重要一環，早前我就收到Lancôme立體塑顏緊緻系列，
星空紫色嘅包裝非常吸睛，可以同時抗皺緊緻、舒緩同修復肌膚。
新產品仲要香港率先有售，大陸未有售，深信一推出定必被搶購。

立體塑顏緊緻修護啫喱Rénergie Multi-Cica Gel Apaisant 3ml X 7 HK$700
立體塑顏緊緻修護乳霜Rénergie Multi-Cica Anti-aging Repair Crème 50ml HK$820
立體塑顏緊緻面膜Rénergie Multi-Lift Masque 75ml HK$700

成個系列都幾銀同星空紫色為主，放喺屋企見到都心情大好，
無法啦，紫色就係有一種迷人嘅力量。

立體塑顏緊緻修護啫喱
Rénergie Multi-Cica Gel Apaisant 3ml X 7 HK$700
以獨立支裝設計，一次用一支，一共7小支嘅修護啫喱，
專門針對乾燥、痕癢、泛紅同敏感皮膚。

而且功效通過曾進行激光療程嘅肌膚測試，
據說只需要用7天，肌膚就可以得以鎮靜舒緩！
小巧設計非常方便，就算持去旅行都唔會阻位，
加上面膜剛剛好嘅分量，絕對係懶人好物。

重點一提，面膜極致清爽輕透嘅啫喱質感能瞬間降低肌膚溫度 2.8°C，
用嚟紓緩做完光學或有熱力 treatment後嘅皮膚就最好不過。

啫喱面膜蘊含保濕同鎮靜活性成分，包括咗甘油、維他命原 B5等等，
所以敷後皮膚好舒適，發揮深層舒緩功效，
又可以改善乾燥繃緊泛紅問題。

可以豪氣咁連續7天使用或者作週期性護理，
只需要洗面後全面敷上，靜待 10 分鐘後沖洗即可。

唔好睇佢細細支得果3ml呀，經已好足夠全面同上頸使用，
另外比較乾少少嘅位置就再揸厚啲！

敷完之後毛孔收細咗少少，而且皮膚比較亮白，
有效改善繃緊泛紅，特別係做完光學後用，明顯皮膚無咁乾燥。

立體塑顏緊緻修護乳霜
Rénergie Multi-Cica Anti-aging Repair Crème 50ml HK$820
專為修復肌膚屏障功能而研製同時結合咗立體塑顏緊緻系列嘅抗皺緊緻功能，
配方採用Up-Cohésion 科技，糅合啟發自太空生物科技嘅活性成分，
高科技複合物蘊含鳥苷，呢個成分係透過生物科技萃取喺細胞中嘅分子，
具有幫助提升皮膚基礎支撐纖維結構特性。