2019年5月21日 星期二

【讓肌膚嚐一口鮮果！LUSH All the Best Gift】

一向好喜歡LUSH浸浴產品，能夠抽少少時間，
沈醉喺天然香氣之間，幫助放鬆肌膚組織，
而且浸浴後肌膚睇落更細嫩水潤。
除咗浸浴產品外，近幾年LUSH產品更加多元化，
仲選用各式各樣新鮮原材料作為產品成分，
重點係絕不含任何人造防腐劑，所以用落好安心。
另外，我個人好欣賞嘅係LUSH嘅包裝，
對地球真係好友善，除咗減少不必要包裝，
連保護產品入面嘅填充防撞物料，
都採用咗一種由簡單澱粉物料所製成嘅Eco Flo。
Eco Flo能夠迅速於水和土壤中進行生物降解，
不但能夠好好保護產品，又擁有極好嘅環保性質，
所以唔需要擔心對地球造成嚴重影響。
今次同大家分享呢盒又抵又正嘅
LUSH美好人生禮盒(All the Best Gift)，
當中三款產品都滿載香橙、檸檬同佛手柑香氣，
用後可以提亮膚色同時軟化肌膚角質死皮。
檸汁香薰磨砂沐浴露 130g
意大利橄欖沐浴露 100g
我愛蜜糖兒香氛皂 100g
檸汁香薰磨砂沐浴露含有豐富礦物質海鹽，
具天然防腐同去角質功效，
再加入檸檬汁能令肌膚更有活力同光澤，
順帶一提連頭髮都可以使用。

當中所有成分取自天然精油，用起嚟真係好滋潤，
加上濃郁花香用時能有助於提升心情，
一星期用上一次幫肌膚去除角質，搽body lotion就更吸收啦！

我會喺沖涼前先喺手肘或者足踝等粗糙位置重點使用，
因為經已穿著有跟鞋，所以足踝位置死皮比較多，
用咗幾次就覺得摸落滑好多，個人都幾推薦大家使用，
始終夏天手肘或者足踝都多機會外露，唔好忽視呢啲部位嘅保養。
呢支意大利橄欖沐浴露香味好舒服，
滿載嚟自加利利婦女合作社嘅農民攜手收採嘅公平貿易橄欖，
再以冷壓方式製成沐浴露原材料。

另外成分有葡萄葉浸泡液同鮮榨橘子汁，用時能為肌膚補充水分，
可以提升心情同時具有非常好嘅潔淨度。
輕輕一搓就可以起出泡泡，泡泡細滑又香噴噴，
沖完涼除咗皮膚好滋潤之外，心情都特別好！
平常真係好少用沐浴皂，因為覺得唔方便同埋好多用後皮膚好乾，
但係LUSH嘅沐浴皂真係好潤，又可以紓緩肌膚乾燥問題。
我愛蜜糖兒香氛皂具有甜橙精油同佛手柑精油，
不但能提升心情，另外蜂蜜同蘆薈凝膠成分仲可以紓緩肌膚，
呢一件我愛蜜糖兒香氛皂經已係我第二次用啦，
如果你備受濕疹困擾，不妨試吓呢款沐浴皂，
用後皮膚好舒服，又夠滋潤潔淨！
呢盒LUSH美好人生禮盒都只係HK$265，真心覺得抵買，
能夠三重滋潤呵護肌膚，如果你未試過LUSH產品，
可以望下有咩SET合適自己慢慢試啦～
Facebook：www.facebook.com/LushHK
Website：  hk.lush.com











聯絡MsJovi：



ww.jovi@ymail.com / www.facebook.com/blogger.ms.jovi/





















免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,























如需協助或希望獲得更多有關產品資訊, 請直接聯絡該品牌查詢 

#Lush #LushHK #LushSkincare





張貼者： 於
標籤： , ,

沒有留言:

張貼留言

訂閱： 張貼留言 (Atom)