2018年10月13日 星期六

【Kiehl’s全新醫學紓敏系列|防治敏感肌膚】

近日天氣終於開始有少少涼意,濕度都開始驟降,當一轉季時,
敏感性皮膚就會出現痕癢、甩皮、泛紅,所以著實要好好護理!!
肌膚敏感係因為肌膚天然屏障受損所導致,當肌膚暴露於環境變化,
例如寒冷、風吹或者陽光等等,就會好易加劇敏感情況。
而敏感肌使用一般美容產品後,最易出現過敏跡象包括乾燥、泛紅同刺痛。
近日發現其中一個我最喜歡嘅品牌Kiehl’s研創咗專為敏感肌而設嘅修護孖寶:
醫學紓敏修護潔面乳同終極修復保護屏障嘅醫學紓敏修復霜。

多年備受敏感影響嘅我,當然要率先試用同大家分享吓啦~


呢兩款修護新星配方,蘊含性質溫和而功效顯著嘅積雪草精華,

並以100%敏感性肌膚人士為對象作臨床測試,
積雪草功效顯注,之前用過呢種成分嘅原液同大家分享過,真心好用。
醫學紓敏修護潔面乳
Centella Sensitive Facial Cleanser 250ml HK$315

對極敏感膚質嘅人嚟講,用水洗面都過於強烈,

所以呢款潔面乳除咗可以清水洗淨外,溫和到可以紙巾拭去。
特具酸鹼值平衡配方,含有豐富積雪草精華,
再加上配方無酒精、香料同肥皂,所以加水後無大量泡泡出現,
但最令我喜歡嘅地方係用後肌膚感到徹底潔淨,同埋非常柔滑,
真係覺得意想不到嘅溫和好用!
可以有效去除面上污垢、油脂雜質,潔面乳無任何濃烈香味,用起嚟好舒服。
用後皮膚唔單止好水潤,而且摸起嚟好平滑,
雖然唔會起泡泡但潔淨力好好,但真係能夠平衡保濕同潔淨,
又可以去除角質同時呵護強化皮膚天然屏障,
完全無諗過,積雪草精華成分加入潔面乳效果係咁好。
醫學紓敏修復霜 
Centella Sensitive Cica-Cream 250ml HK$370
由馬達加斯加持續採集嘅羥基積雪草苷同醫學研創嘅泛醇,
以天然揉合科學配方,針對性修復受損肌膚鎖水屏障,
重點能夠效緩和美容療程所致嘅乾燥同不適。
實證顯示可即時改善肌膚質感,提供 48小時保濕功效,僅僅使用3日,
就能減退泛紅現象同細小乾紋。
質地比較杰身少少,但係唔難推開,推開之後唔會覺得黏膩,
呢幾日一下子溫度有所下降,我會係精華後再用呢支醫學紓敏修復霜,
感覺好似有一層保護膜保護皮膚咁
研創靈感源於西方醫學美容界沿用嘅紓緩霜,名字中入面「cica」,
就係取自「cicatrice」,解作疤痕,意思即係乳霜有助修復受損肌膚。
配方入面蘊含泛醇同來自積雪草嘅羥基積雪草苷,
可以幫手舒緩容易乾燥或敏感肌膚天氣轉變或唔夠水分時嘅不適。
修復霜質地同樣非常溫和,可以喺晚間修護皮膚,
重點保濕度好高,可以減低精華原液被冷氣、天氣抽乾問題,
加上定價唔貴,我覺得秋冬天時值得入手。
敏感性肌嘅你,快啲去了解吓Kiehl’s全新醫學紓敏系列喇!
 Provided By Kiehl's
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢

沒有留言:

張貼留言