久美小姐Ms.Jovi

2021年3月18日星期四

【“口罩肌” 及 “痘痘肌”必備：Kiehl’s 安白精華】

戴口罩成為新常態，口罩肌亦因此洐生而來，
唔單止生多咗暗瘡，而且膚色暗啞同不均更嚴重，
Kiehl's醫學維C淡斑精華出名專為膚色不均或色素沉澱等問題
而研創嘅高效精華素，可以針對改善口罩肌嘅皮膚問題。

唔想化妝時左遮右遮都遮唔到啲暗瘡印同色斑，可以使吓用呢支
醫學速效淡印精華，祛印效果真心唔錯，
以硫磺同維他命 B3 精心調配而成，
經臨床測試證實可以喺24小時內快速溫和咁擊退成年人暗瘡同撫平印痕。

我一向都好多暗瘡印，所以大大話話用過好多牌子嘅淡印精華，
呢支溫和得嚟又唔會搞到甩皮，
雖然精華有少少氣味，但係容易接受，而且都幾易就可以推開。
keep住用係有效改善到印痕，又能減少暗瘡出現，

蘊含高效亮肌嘅活性維他命 C、甘油、白樺萃取同牡丹萃取成分，
有效針對4大色素困擾，佢一直係熱熱熱賣產品，
因為能一次過減淡色斑、去暗瘡印、均淨膚色、改善暗沉同黃氣，
同時更能夠預防黑色素形成同積聚，達至19天安白效果。

雖然係美白精華，但係用完皮膚唔會覺得好乾，
而且不含矽氧烷、Parabens、香料、色素或者紫外線反射劑等，
所以配方好溫和，敏感肌都適用，唔怪得一直咁受歡迎。
另外值得一讚嘅係其質地保濕又唔會黏膩，快速可以被肌膚吸收，
完全係唔好造成任何負擔。

除咗當精華用，我近排會配合埋安白濕敷貼用，
濕敷貼以100% 純棉質地及 100% 可生物降解貫徹環保理念而製，
能完美貼服肌膚，有效將成份更快速滲透至肌底。

每包有4 款特別剪裁濕敷貼，可以用於：
額頭、臉頰、下巴、痘痘、色斑等等，
員須以醫學維 C 淡斑精華整濕安白濕敷貼5-8分鐘，再根據自己需要，
就可幾濕敷喺唔同位置，能夠加快擊褪面部色素困擾。

額頭及下巴可以重點改善暗瘡印、泛紅同暗啞；
臉頰位置就能針對雀斑同色斑；圓型果款就可以用於暗瘡重點位置。

現凡於 3 月 1 日－ 4 月 21 日期間，
喺任何專店購買醫學維C精華50ml或100ml，即可獲贈安白濕敷貼1份(價值 HK$100)，
每盒有7組濕敷貼，加埋足足有成49 片㗎，不過送完即止。

Kiehl’s 醫學速效淡印精華 20ml HK$300
Kiehl’s 醫學維 C 淡斑精華 30ml HK$495; 50ml HK$710;100ml HK$1,150

Website：www.kiehls.com.hk/

Facebook：www.facebook.com/KiehlsHongKong

❝ Provided By Kiehl's❞

聯絡MsJovi：

ww.jovi@ymail.com / www.facebook.com/blogger.ms.jovi/

Blogspot She Elle BeautyExchange

UBeauty TheZtyle SheWIn Cosmopolitan

FaceBook WeShare OpenRice

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,

如需協助或希望獲得更多有關產品資訊, 請直接聯絡該品牌查詢
#kiehlshk #安白精華 #19天安白 #速效安白cp

2021年3月7日星期日

【「Buy Now, Pay Later」 Atome香港首個彈性支付平台】

我真係好鍾意Online Shopping，特別大時大節好多做promotion，
 真係好難忍到手唔買，但係又怕自己買大咗， 
又唔想畀信用卡利息或者最低付款金額喎。 
不過我有個好推介，香港首個提供「Buy Now, Pay Later」支付平台， 
「Atome」一家新加坡領先嘅科技初創公司， 嶄新付款方式唔單止非常彈性，
仲同傳統信用卡嘅分期計劃與別不同， 更加係零利率，以及近乎即時嘅批核速度。 

其實Atome提供畀消費者喺合作商戶掃瞄二維碼或在網上付款時可以選用，
付款會自動咁將帳單分為三份，隨即享受零利息分期付款，
 購買時只需支付第一筆款項，跟住落嚟兩筆付款將分別相隔30天。
首先可以係IOS或playstore下載Atome APP，
輸入完電話號碼做認證後，就可以輸入個人資料開立帳戶。

輸入完個人簡單資料同埋信用卡等就可以成功開户，
過程基本上唔洗兩分鐘，真心好快又易用。

我覺得最好嘅地方係Atome已確認咗超過100個網上同實體零售， 
當中包括時尚、美容、電子產品、生活品味等。
例如：Kapok、6IXTY8IGHT、CityLink領域、友和YOHO、 Suchprice優價網、
FX Creations、Zenz、Ztore、THEA Beauty等。

E-shop：https://hk.6ixty8ight.com/
呢排我因為身體有少少唔舒服所以少左出街shopping，
所以決定喺6IXTY8IGHT online shopping買內衣褲， 最方便嘅係除咗實體店外，
網上付款時都可以直接選擇Atome，實在方便又相當易用。

付款方法選擇Atome後，就會見到呢個頁面， 
開啟Atome APP掃描QR code就可以立即進行付款，帳單分為三份，
享受免利息無手續費嘅分期，「Buy Now, Pay Later」。 
而且左邊仲會好細心咁show哂每個月要付款嘅金額同日期，
 咁就唔洗擔心自己洗突咗，但又能盡享彈性付款好處。

我強烈分享大家真係要好好善用呢個App，
除咗可以喺應用程式中的“賬單”下檢查付款時間表狀態外， 
仲有「我的優惠券」呢個頁面，有好多唔同商店嘅優惠。 
我就用咗新用戶首次喺6IXTY8IGHT線上或實體店鋪消費並選用Atome付款，
滿HK$300即可使用HK$50優惠券， 計落足足接近8折，
方面輕鬆得嚟又有著數， 我自己就真係好滿意。

我選用Atome除咗係因為想靈活運用自己嘅資金， 
亦同步想透過其帳單整理同結合下理智消費同做好財政預算，
 加上佢嘅合作商戶愈來愈多，線上同線下都可以使用，
 啱哂我呢啲咁鍾意shopping嘅OL，你都真係要體驗一下咁方便嘅付款服務！

睇到呢度分享個著數畀大家先，即日起至3月31日，
Atome新用戶在6IXTY8IGHT線上或實體店鋪消費並選用Atome付款，
滿HK$100即可享9折優惠。
另外消費時輸入此專屬我的優惠碼：Jovi03，可享95折優惠！

立即下載Atome: https://atome-hk.onelink.me/Yz2c/5972582f

Website：www.atome.hk

聯絡MsJovi：

ww.jovi@ymail.com / www.facebook.com/blogger.ms.jovi/

Blogspot She Elle BeautyExchange

UBeauty TheZtyle SheWIn Cosmopolitan

FaceBook WeShare OpenRice

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,

如需協助或希望獲得更多有關產品資訊, 請直接聯絡該品牌查詢

2021年2月28日星期日

【新年禮物首選！護髮必備 - Philips SenseIQ智能感控溫護髮電風筒】

一向我好討厭吹頭髮，除咗怕髮質受損， 
最驚吹頭要花太耐時間，特別冬天好難乾，
 但前排因節日優惠入手 Philips SenseIQ智能感控溫護髮電風筒，真心大愛！
 價錢唔貴、外型又靚，強勁吹髮氣流，重點係揉合創新SenseIQ智能感溫調控科技，
可以感溫調控護髮，每次吹完頭都覺得髮質變得好好。
 SenseIQ 智能感控溫護髮電風筒 (型號：BHD628/03 )

我諗每個長頭髮女生都好怕頭髮越吹越乾， 
呢個Philips SenseIQ電風筒可以透過感溫、調控、護髮， 防止秀髮過熱受損。
佢內置紅外線感溫器，能持續感應頭髮嘅溫度，
而其處理器就會同時分析感溫器收集到嘅數據，吹髮時調控風溫多達4,000次***，
鎖緊髮芯90%天然水分**，吹完頭都唔會覺得毛燥。

電風筒唔單止好靚，而且外型輕巧，流線型設計拎上手仲好舒服。

打開盒子除咗有一部電風筒外， 更附有三個風嘴，
由左至右分別係： 速乾集風嘴、造型集風嘴同擴散風嘴。

速乾集風嘴能夠集中吹出氣流，令風壓更強⽽有⼒， 有效短時間快速吹乾頭髮，
如果朝早洗頭趕時間出門口使用一流， 適合時間較緊逼⽽髮質較厚嘅情況使⽤。

呢款11毫米嘅造型集風嘴平日男友用得最多， 
皆因其集中吹出嘅氣流，⽅便塑造順滑貼服造型 

擴散風嘴係我最常使用嘅，因為非常適合曲髮造型用， 
風嘴能平均分送吹出氣流，增加頭髮豐盈度同完整度，
 吹髮後嘅髮絲無咁容易⾶散。