【大愛小黑瓶-Lancôme升級版嫩肌活膚精華肌底液】

Lancôme哩支小黑瓶一直極受歡迎，
原來呢件傳奇產品配方奧秘之一，就係：
Saccharomyces Cerevisiae 酵母萃取

以前，酵母萃取喺美容界仍屬未知領域時，
經已係Génifique 嫩肌活膚精華研發初期嘅配方成分嚟。
因為當時Lancôme嘅美研實驗室深信獨特配方中擁有護膚功效，
決定將哩種嶄新高效成分，加入 Génifique 嫩肌活膚精華配方入面，
而2013年，AdvancedGénifique 升級版嫩肌活膚精華亦誕生。

全效精華肌底液經已成為好多女生所有護膚日程第一步，
完美加強後續護膚品嘅吸收，讓女性深愛每一刻自嘅己。
Advanced Génifique 升級版嫩肌活膚精華肌底液，
就saccharomyces cerevisiae酵母萃取作護膚契機，
令 Lancôme研發成果極盡大膽創新，
酵母萃取能賦活肌膚，煥發青春活力。

皮膚每一日都遭受外來環境侵擾，
除咗要防止水分流失之外，又要抵擋外來物入侵，
若果皮膚保護功能改變，會更容易受侵害，變得脆弱，
外來壓力因素就會有機可乘影響肌膚。

而Lancôme獨家嘅saccharomyces cerevisiae酵母萃取，

佢主要作用係先令表皮嘅分層更綿密細緻，幫手強化保護肌膚屏障，

令肌膚全面發揮保護功能。

Advanced Génifique 升級版嫩肌活膚精華肌底液，

早晚使用可修復內在老化細胞，

對真皮結構發揮作用，從底層去修復肌膚底層細胞，

促進細胞基本元素合成，從而協助激活年輕肌膚。

每滴肌底液都蘊含數百萬計酵母萃取成分，
100%親和肌膚，性質溫和，更於全球獲得逾150項國際殊榮。

質感透薄，絕對唔會對肌膚造成負擔，而且更具舒緩效果，
能快速滲透至肌膚底層，帶來舒適滋潤柔滑觸感。

可以早晚喺爽膚水後同精華素前使用，
適合不同年齡、不同膚質使用，敏感肌就更加適合不過，
可以大大加強皮膚防禦力。

精華肌底液非常水感，所以輕輕一按就能滲入皮膚，
後續用護膚品，皮膚吸收能力大大提升。

用咗個幾星期，皮膚好穩定，
就算時晴時雨都好，都無影響到我，
一向我嘅皮膚好易出現敏感，的確得到有效改善，
仲提升咗光澤同透亮度呢。

果然，哩支小黑瓶絕對有名有實，真心好用！

Lancôme升級版嫩肌活膚精華肌底液 
30ml HK$695 / 50ml HK$970 / 75ml HK$1,100
Website：www.lancome.com.hk/
Facebook：www.facebook.com/lancomehk/

❝ Provided By Lancôme❞

聯絡MsJovi：

ww.jovi@ymail.com / www.facebook.com/blogger.ms.jovi/

Blogspot She Elle BeautyExchange 

UBeauty TheZtyle SheWIn Cosmopolitan

FaceBook WeShare OpenRice

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,

如需協助或希望獲得更多有關產品資訊, 請直接聯絡該品牌查詢
 #LancomeHK #AdvancedGenifique #FindYourLight #YouthfulRadiance #小黑瓶

【一夜之間締造緊緻小臉 Kiehl’s薑葉秋葵緊緻晚安面膜】

工作嘅忙碌，有時真係未必可以安排到時間咁乖敷mask，
好彩有Sleeping Mask可以係晚間睡眠時段修護肌膚。

而大部分睡眠面膜都係重點補給水分為主，
Kiehl's就研創出全新薑葉秋葵緊緻晚安面膜，
其配方注入兩種具修護力量嘅天然成分，晚間睡眠時段修護肌膚，
用後具即時緊緻功效，第日起身皮膚變得柔滑光澤。

晚安面膜適合所有肌膚類型，具即時緊緻效果，
可簡單快速地加係日常護膚程序中，
由於其性質好溫和，所以每星期可以敷用 5次。

先同大家折解吓呢兩個主要成分先，睇吓有幾咁巴閉！

秋葵萃取：
有助滋潤皮膚黏膜，蘊含高效鎖水成分，同時提升肌膚角質層含水量，
為肌膚作出保濕同緊緻提升。

薑葉精華：
薑葉一直被中國傳統醫藥同印度阿育吠陀醫學廣泛應用，
係東南亞頻會用作香料同食物調味劑。
配方入面所採用嘅薑葉，就來自越南和平省同北江省，
喺3月至10月期間，由14位農婦小心採摘，然後碾碎，
以萃取其活性成分並注入配方中，帶來減退細紋功效 。

農民喜愛栽種薑，因為日常煮食中，薑喺中國人社會真係不可缺少，
但係薑葉就常被棄掉，而Kiehl’s產品研發專家就了解咗薑葉特性，
發現對肌膚有莫大裨益 ，於是就向越南薑葉產地周圍本土社區農民，
傳授可持續同環保耕種技術，為摘葉婦女提供工具，
改善佢哋工作情況同生產力，從而增加收入。

面膜質感好有彈性，有如絲絨般柔滑，搽喺皮膚上面好舒服，
而且配方仲添加咗精華油，散發紓緩鎮靜芳香，
又不含苯甲酸酯類防腐劑，用完皮膚好滑溜。

夜晚先用爽膚水同精華素，就可以搽上面膜，
以向上手法按摩令面膜畀皮膚吸收，
好快就喺皮膚面層形成薄薄保護膜保護皮膚，

喺瞓覺時候修護肌膚，提升皮膚緊緻同水分～

用後第日皮膚光澤感提升，仲無咁乾燥，
連續用幾日有緊緻平滑肌膚功效，美人巴掌臉瞓醒就有，
我覺得對於暗啞疲憊、出現老化跡象肌膚尤其有效呢。

薑葉秋葵緊緻晚安面膜 100ml HK$495
Ginger Leaf & Hibiscus Firming Mask 

❝ Provided By Kiehl's❞


聯絡MsJovi：

ww.jovi@ymail.com / www.facebook.com/blogger.ms.jovi/








Blogspot She Elle BeautyExchange 





UBeauty TheZtyle SheWIn Cosmopolitan





FaceBook WeShare OpenRice





免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,





如需協助或希望獲得更多有關產品資訊, 請直接聯絡該品牌查詢

#DermatologistSolutions #FaceMask #sleeptight #小臉面膜

【每日5分鐘深層Face Yoga - Philips Beauty微晶亮白緊膚儀】

日日收工嘅時都過哂美容院last booking，
但係做女仔邊可以懶㗎！
要keep住有亮白光澤嘅小Ｖ臉，
我會放部Philips VisaCare Prestige 微晶亮白緊膚儀看門口。

一部儀器達致亮白、緊緻同去角質，
好適合都市忙碌嘅女性，
要擁有緊緻V面絕對無難度！
加上Philips Beauty嘅產品一向性價比高，
我家中有好多品牌嘅產品呢～

VisaCarePrestige 微晶亮白緊膚儀 HK$ 2,398

打開盒子會見到配配件唔算多，所以好方便儲存，
配件主要為：
VisaCarePrestige 微晶亮白緊膚儀一部、充電座、充電線、
收藏袋、兩款機頭同保養書。

全白色嘅簡約設計，維持品牌一貫作風，
一讚係機身流線形嘅手握位置，用起嚟好方便，加上機身輕巧，
只有一個按鈕操作儀器，非常啱電器白痴用。

用VisaCarePrestige 微晶亮白緊膚儀前，需要先充滿電，
而說明書寫咗第一次使用前先建議先充12小時。
將充電座同充電線連接後就可以將機身放係充電座上，
如果成功充電，機身上的顯示燈會不停閃爍，代表正在充電中；
充電完畢後，顯示燈會長著，代表已充電完畢。

呢兩款機頭設計分別係白色同金色，白色嘅係亮白探頭，
可以每天使用，主要作用係溫和去除表層死皮，務求短時間幫助刺激肌底血液循環，
令膚色變得亮白，去除角質後皮膚仲好滑tim！
而金色嘅係緊緻探頭，每週可以使用約1-2次，
強效嘅提拉吸力有效按摩深層肌膚，刺激肌底血液循環，
好易就可以達緻V面。

呢部緊膚儀可以乾濕兩用，使用後只直接將機頭取下，
然後喺水龍頭下清洗就可以，所以洗臉後用都無問題。

呢個白色嘅亮白探頭可以每日使用，因為都市污染加上每日化妝，
好容易會污染物或者化妝品等等會殘留係皮膚，
從而大大咁影響皮膚光澤同吸收力，正好儀器可以去除老化角質。

我覺得keep住用除咗可以令搽嘢咁易吸收之外，
亦可以大大減低有黑頭粉刺問題，所以我連鼻嘅位置都唔放過。

另外，緊緻探頭利用真空吸力嘅原理刺激微循環，
用緊果陣會有輕微吸起皮膚感覺，用完之後皮膚明顯有提拉效果，
用起嚟仲好舒服tim，記緊係要由下而上來進行提拉，
先可以達致V面。

工作忙碌不忘要keep住個靚樣見人，

每日5分鐘就能夠同時做到亮白、緊緻、去角質。

我都有試過其他品牌緊膚儀器，不過操作起嚟比較麻煩，

而且又無咁快可以睇到效果。

但係我用咗Philips Beauty微晶亮白緊膚儀兩個星期，

面部輪廓更加俐略，更易吸收護膚品，重點係皮膚無咁暗黃，

就算淡妝睇落都好blingbling。

女生當然要對自己好啲，每日5分鐘嘅Face Yoga Time，
咁就唔洗再單靠美圖幫手V臉啦。
Website： www.philips.com.hk
Facebook：www.facebook.com/PhilipsBeauty.hk

❝ Provided By Philips❞

聯絡MsJovi：

ww.jovi@ymail.com / www.facebook.com/blogger.ms.jovi/

Blogspot She Elle BeautyExchange 

UBeauty TheZtyle SheWIn Cosmopolitan

FaceBook WeShare OpenRice

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,

如需協助或希望獲得更多有關產品資訊, 請直接聯絡該品牌查詢
#MySkinNeedsLiftUp #MySkinNeedsWorkOut #5minsFaceYoga #微晶亮白緊膚儀 
#VisaCarePrestige
 #PhilipsHK @PhilipsBeautyHK