我真係會錯過喺「V Point」嘅嘉門鐵板燒Kamon Teppanyaki，
食完之後真係好推薦大家，可以試下呢度嘅鐵板燒，
同平日食開比較油膩或者傳統嘅完全唔同。
再加埋一望無際無柱遮擋嘅無敵維港夜景，氣氛真係超好，
餐廳經理話如果放煙花日子，佢地更會打開外牆玻璃趟門，
令到無敵夜景更加無遮無擋，甚至可以聽到煙花嘅聲tim！
另外，餐廳更有2間VIP房，其中一間更有獨立廁所同休息區，
可以成班朋友一邊嘆美食，一邊享有高嘅隱私度，確實係聚會好地方，
不過VIP房有最低消費，預約前不妨打去問問。
一邊睇住廚師席前為顧客烹調，一邊望住咁靚嘅夜景，實在非常寫意！
三款前菜令人食慾大增，特別值得一提嘅係鴨胸卷，
鴨胸卷內有茄子，以自製酸汁浸著，味道清新很討好！
輕輕一拉就可以食花螺肉，方便又細心，
螺肉煮得入味而且又很鮮甜。
鮟鱇魚肝滿滿脂香味道，口感軟滑，廚師巧妙地利用酸汁，
減低鮟鱇魚肝嘅油膩感。
所以跟男友另外單點了壽司同埋刺身三點，果然沒有令人失望。
刺身三點
太新鮮了吧！！！
個人覺得唔係間間鐵板燒餐廳都可以同時兼顧鐵板燒同刺身都咁好食，
但係嘉門真係做到呢一點！
帶子刺身新鮮到不得了，真想多點一份，
若非店員話套餐有好多嘢食食，我諗我一定會再嗌嚟食。
左口魚刺身
師傳切得非常薄身，肉質爽彈新鮮，
入口味道帶淡但能食到魚生嘅鮮甜。
火炙左口魚裙邊
經火炙後嘅左口魚裙邊油脂甘香，入口魚香味道強烈，
跟刺身完全食法不一樣，非常滋味！
刺身壽司師傳巧手手藝，再加以獨門嘅醬汁，令壽司味道更昇華！
這個甜蝦加以師傳獨門特調嘅醬汁，食起嚟非常鮮味，
入口爽脆，新鮮度爆燈。
中拖羅魚脂非常香，而黑松露經過火炙，
入口脆身又能帶出黑松露香味，口感和味道層次豐富。
這個甘鯛魚簡直係驚喜之作，因為食落同平日嘅鐵板燒做法好唔同。
新派嘅煮法令甘鯛一D都唔油膩，利用鐵板焗至熟透，魚肉非常軟滑，
而魚皮和魚鱗燒得又脆又香口，實在配合得天衣無縫。
嚟到嘉門鐵板燒最令我大開眼界同認為必食嘅一定係龍蝦。
好多時餐廳都會用波士真頓龍蝦或者法國藍龍蝦等等，
而佢地就算用咗日本龍蝦，原因係日本龍蝦肉質彈牙而且味濃，
即使成本較高但亦絕對能帶出不一樣嘅味道同口感。
就會將蝦頭部份拿入廚房蒸煮，蒸煮好後就會製作龍蝦湯，
而呢個龍蝦湯同平日飲嘅100％完全唔一樣，
因為係採用全亞洲唯一一部昆庭龍蝦機，
通過擠壓方法將龍蝦精華擠壓出來，龍蝦湯味道好似係成隻龍蝦飲落肚咁濃味。
價值過百萬，全世界只有11部，而亞洲就只有嘉門鐵板燒呢一部，
有幸可以親自擠壓龍蝦，實在覺得好食又好玩呢！
每一滴都可以稱之為龍蝦精華呀！
像是一杯shooter似的，味道非常非常濃郁鮮味，原味回甘。
而黑魚子嘅點綴，再加埋龍蝦肉爽嫩彈牙香濃，
真係覺得好好食！！！
鴨肝雖然比起鵝肝略遜色，但係呢度嘅廚師造得一點都唔油膩，
多士輕輕煎過所以入口帶脆、而鴨肝大大件，實在好有口感。
這個蕃茄是蔬菜還是水果呢？
甜味像是水果，但又真係蕃茄嚟喎，絕對能減低油膩感，
令我更有胃口食下一道菜呢！
多汁嫩滑嘅A5和牛，入口即溶即牛味濃郁，
廚師說如果4成熟就會帶即溶口感，
5成熟左右就較有點口感，試畢兩者我比較喜歡4成熟嘅薄燒。
利用鐵板來煙燻黑毛豬，煙燻香氣撲鼻更能令肉汁能鎖住，
意想不到比起牛肉造得更出色。
味道出奇地夾，而且一點都唔油膩。
另外一點要讚讚嘉門鐵板燒嘅係佢地有好多野菜伴碟，
可以平衡一下肉同蔬菜嘅比例，可見安排相當用心！
以為鐵板燒最後只會提供炒飯嗎？錯了！
嘉門這裡就後傳統提供泡飯，大大減低油膩感，
就算吃到幾飽都能把泡飯通通吃下！
加上有玄米脆脆能令口感更好，
以蟹肉來點綴這個泡飯，這個配搭非常好。
最後為晚餐畫上句號嘅係抹茶布甸，
甜度剛剛好，布甸幼滑但係抹茶唔算好濃，
所以成個食哂都唔會覺得好漏。
不但有一個無敵靚景，而且食材食鮮又好味，
煮法新穎同平日食開嘅鐵板燒完全與別不同呢！
嘉門鐵板燒Kamon Teppanyaki
銅鑼灣登龍街18號V Point 28樓
聯絡MsJovi：
ww.jovi@ymail.com / www.facebook.com/blogger.ms.jovi/
