而且好多餐廳都食過，加上做咗十幾個鐘個人又累，
想快食完即刻返屋企瞓(但又唔想食碗麵就算喎！)，
近日發掘咗間新餐廳，絕對要分享一下。
先係地點方便，而且開到1:00AM，食物又唔錯，
仲有勁多手工啤選擇，可以講得上係夜消磨好去處嘅串燒店！
可以一行十幾個朋友一齊用餐都無問題。
仲有幾多燒海鮮，啱哂海鮮怪～～
單係香港嘅手工啤就有成4、5款，最衰我第日返工，
下次一定會過嚟試下「回魂夜」，哈哈。
呢度最窩心嘅地方係串燒以基本調味去處理，
另外每枱再放上唔同嘅調味品，等我地自己落手。
燒得剛剛好，可惜唔夠嫩身，
食落帶有渣，但係勝在孜然粉加燒汁同蘆筍好match。
後：鹽燒牛舌 HK$59(推薦指數: 5/5)
呢個牛舌我覺得係必點呀，牛吞燒得剛剛好，而且食落彈牙，
入味又唔羶，比起好多串燒店，呢一間係做得非常好。
好值得encore多一串。
鮑魚好彈牙，而且亦相當新鮮，
加上秘製汁燒後嘅鮑魚好香好惹味。
微甜嘅醬汁有提鮮嘅作用呢，味道很不錯。
前：汁燒翠肉瓜 HK$20(推薦指數: 4/5)
翠肉瓜一向是我必點串燒之一，
今次我加埋encore一共點咗兩串，
係因為燒嘅時間控制得好，所以食落仍然juicy，
加埋份量比起出面好多串燒店為多。
後：甜薯串 HK$20(推薦指數: 4/5)
甜薯唔係間間串燒店都會提供，所以我次次見親都會食兩串，夠哂香甜，外胞內軟，真係好好味。
懶人一定會喜歡食，因為啖啖肉無骨，所以食落好方便。
魚肉嫩滑亦好入味，呢個價錢嚟講都幾抵食。
虎蝦巨型虎蝦足足同隻叉一樣長，餐牌上寫明有15cm果然無欺場。
蒜蓉燒海鮮好味道不用多疑，加上虎蝦肉質挺彈牙。
後：蜜糖扇貝 HK$59/2(推薦指數: 2.5/5)
果然單靠蜜糖配海鮮有點失色，味道較淡，
幸好扇貝本身幾鮮甜，所以挽回一點分數，下次會試芝士同蒜蓉味。
最後以棉花糖多士來作為總結，
面層棉花糖稍微焗焗，底層嘅多士亦有烘過，所以食落脆口，
而棉花糖又帶溶，絕對能過下BBQ癮。
總結全晚每人三百幾唔算太貴，食到都幾飽下，
而且呢度收成凌晨1點，對於夜貓一族嚟講係一個好地方！
肚餓了串燒烤焗專門店
尖沙咀亞士厘道17-19號6樓
聯絡MsJovi：
ww.jovi@ymail.com / www.facebook.com/blogger.ms.jovi/
