2019年12月21日 星期六

【TONYMOLY江華島藥艾神奇力量好用見證】

之前有拍片同大家分享過江華島藥艾鎮靜強化雙效面霜，
用完我覺得好方便，因為一瓶有齊舒緩同深層面霜，
可以按皮膚需要同日夜唔同嘅護理選擇使用合適嘅面霜，
加上又能夠舒緩乾燥皮膚，冬天用好好用，
等我今次同大家一口氣分享TONYMOLY江華島藥艾鎮靜強化系列。
咁好用嘅TONYMOLY江華島藥艾鎮靜強化系列，其中包括有：
江華島藥艾鎮靜強化雙效面霜
江華島藥艾鎮靜強化眼膜
江華島藥艾鎮靜強化精華面膜

 成個系列採用經過3年熟成嘅江華島「獅爪藥艾」，
可以強化肌膚屏障，鎮靜同護理肌膚，
近日肌膚都唔係太穩定，有時會有紅腫、暗瘡情況出現，
使用後皮膚無咁泛紅，能有效打造通透有光澤健康肌膚。
TONYMOLY江華島藥艾鎮靜強化雙效面霜
集鎮靜同保濕功效於一體，
可以根據自己嘅膚質配搭，
因應皮膚需要，選用舒緩同深層面霜嘅分量。
一半係啫喱狀嘅舒緩面霜補水，
另一半係滋潤嘅深層面霜作出鎖水，一瓶面霜有兩個功效。
乾性肌可以搽兩重疊層，混合肌可以分開T字位、U字位，
而油性肌就可以分開日夜用，近日我皮膚較乾燥，
所以就搽兩重疊層，希望可以保持皮膚水分迎接節日大大小小聚會。
不含香料同色素，成分溫和純正，
仲要一啲都唔笠，用完有即時舒緩皮膚效果，
特別近來天氣忽高忽低，正好大派上場使用。
TONYMOLY江華島藥艾鎮靜強化眼膜
眼膜一盒有足足三十對，能鎮靜疲倦嘅眼周肌膚，
同樣集鎮靜同保濕功效於一體，年尾真係好忙，
呢款眼膜可作出修護，改善眼底肌膚乾燥問題，減少細紋。
打開後會聞到眼膜保留淡淡艾草天然香氣，
仲會見到有一點點綠色喺眼膜上，原來係真正嘅艾草葉粉，
使用時更能加強效用。
由於眼膜比一般市面上眼膜大塊，
能作出大範圍眼周護理，
加上啫喱質地有冰涼感，用落雙眼十分舒適。
使用後明顯眼底肌膚水分提升，雙眼睇覺無咁攰，
細紋亦無咁覺眼無咁明顯呢！
TONYMOLY江華島藥艾鎮靜強化精華面膜
呢款面膜舒緩皮膚泛紅效果好好，
所以之前都有買過兩盒使用，面膜有大量精華，
用時能快速鎮靜肌膚，解決缺水泛紅等問題。
面膜材質具有優秀貼服度同吸收度，
所以用時唔洗擔心水分好易被空氣蒸發，精華可被肌膚吸收。
面膜可為底層保濕，加上大量精華可同時修護皮膚，
效果都幾令人滿意，特別係皮膚泛紅、敏感時使用，
更能夠感受到其效用呢！
Website： www.tonymoly.com.hk
Facebook：www.facebook.com/TonyMolyHK
❝ Provided By TONYMOLY❞ 
聯絡MsJovi： ww.jovi@ymail.com / www.facebook.com/blogger.ms.jovi
Blogspot She Elle BeautyExchange 
免責聲明: 是次產品/產品資料由品牌提供, 本文章內容屬個人意見及感受,
並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢
#江華島藥艾神奇力量 #薈萃韓國江華島藥艾精華 #江華島藥艾鎮靜強化系列 #藥艾鎮靜 
#藥艾保濕 #FromGanghwaPureArtemisia  #TONYMOLYHK #TMHKStreetModel #TMHKReview
張貼者： 於 沒有留言:
標籤： , , , , , , , ,

【The Body Shop．2019年聖誕禮物攻略】

每年The Body Shop都有多款聖誕限量套裝，
樣樣都令人心心眼，而且所有產品都不經動物測試，
包裝仲可以回收，令到節日過得開心同更有意義。
早前收到The Body Shop嘅聖誕禮物，
即刻同大家開箱，順便分享吓有咩優惠啦！
倒數月曆禮盒、身體護理禮盒、面部護理禮盒、
香氛禮盒、彩妝禮盒、可愛小禮物、同埋最特別嘅純素禮盒都有，
宜家去The Body Shop 買指定精選聖誕禮盒，
可享買2送1優惠，
各款唔同用途、包裝設計精美嘅節日限量產品都有，
快啲去佢哋分店了解多啲同入手啦！
身體潤膚霜套裝
小小禮物盒內含3重香氛同質感豐盈嘅身體潤膚霜，
用後可保持肌膚柔軟嫩滑、滋養。
三重香氛包括：紓緩杏仁奶及蜂蜜、果香怡人嘅芒果，
同埋芬芳花香嘅辣木潤膚霜，蘊含來自世界各地社群貿易材料外，
同時亦有來自社群貿易乳木果。
-杏仁奶蜂蜜潤膚霜 50ml 
-芒果身體潤膚霜 50ml 
-辣木身體潤膚霜 50ml 
身體潤膚霜適合乾性皮膚，可24 小時保濕，
用後肌膚即時感覺水潤柔嫩，而且香味好持久。
杏仁奶蜂蜜身體護理尊貴禮盒
專為乾燥敏感皮膚而設嘅完美禮品，用後皮膚細膩又舒緩，
哩套禮盒產品成分主要係以紓緩杏仁奶同蜂蜜而成。
仲開心係套裝有齊埋身體磨砂、沐浴乳同沐浴球、
身體潤膚霜，一次過呵護全身肌膚，
而當中嘅有機杏仁奶及蜂蜜仲係來自社群貿易，
用時可以放鬆心情，仲可以軟化潤滑肌膚。
沐浴乳用時香氣四溢，再用埋杏仁奶蜂蜜磨砂清潔身體，
成身即刻香噴噴又白滑。

 -杏仁奶蜂蜜沐浴乳 250ml 
-杏仁奶蜂蜜身體潤膚霜 200ml 
-杏仁奶蜂蜜磨砂 250ml 
-杏仁奶蜂蜜潤手霜 30ml 
-沐浴球
Website：www.thebodyshop.com/zh-hant-hk
Facebook：www.facebook.com/TheBodyShopHongKong
❝ Provided By The Body Shop❞
聯絡MsJovi：
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢
#TheBodyShop #2019年聖誕禮物 #Christmas2019 #ImDreamingOf #DreamBig
張貼者： 於 沒有留言:
標籤： , , , ,

2019年12月19日 星期四

【Yadah好物盡在梨花 Ewha Care 來個快速遊覽！】

好快就聖誕節啦， 呢排都忙緊買禮物比身邊嘅朋友，
同大家分享吓梨花嘅聖誕套裝優惠，如果果你苦惱緊買咩交換禮物，
佢哋嘅套裝抵至HK$75，仲有好多選擇又好用，
買滿$500包埋速遞送貨良心小店的確好值得大家幫襯～
等我同大家快快分享幾款梨花 Ewha Care有賣嘅產品先，
等大家可以睇完我嘅review再入手，
因為宜家買滿HK$100 或聖誕節套裝，仲有靚靚禮物盒包裝，
我覺得店主真係好有心思，多一點愛多一點正能量，
相信收禮物嘅朋友會更加開心同驚喜！
先嚟介紹吓Yadah White Boosting系列，韓國品牌，包裝好年輕，
其實好耐之前都有介紹過Yadah，價錢平但質素幾好。
而呢個系列主打提亮同美白，備受KFDA認證其美白效用，
仲要10種無添加，唔洗怕會太刺激皮膚，真心都幾推薦！
Yadah White Boosting 美白潔面乳
雖然話係美白潔面乳，不過佢採用咗無硫酸鹽天然表面活性劑，
呢個成分係敏感肌都用得，所以可以放心使用。
泡泡能夠深入肌膚毛孔，清除髒污同埋多餘油脂，
可以改善膚色黯沉，加上淡淡香氣用時感覺好舒服。
Yadah White Boosting 美白爽膚水
爽膚水具有銀耳、仙人掌、雪絨花提取物，
呢三款成分可以促進美白同皮膚光澤度，同時又唔會令皮膚感到乾燥，
可以平衡保濕同美白兩者，實在要分享一下。
雪絨花萃取液含豐富天然植物元素，維他命同礦物質，
滲透性同親膚性都好高，能抗氧化同時改善肌膚乾燥同暗黃問題。
帶有同潔面乳一樣淡淡香氣，用時能夠清除面部污垢同老化角質，
平日我比較少用美白爽膚水，因為擔心皮膚會好乾，
但係呢支用完無出現乾燥問題，反而皮膚好光澤，變得有活力。
而且可以帶走我臉上老化角質死皮，
令到後續吸收可以更加好，你望吓相入面塊棉花，
真係見到黃黃黑黑，效果都幾驚喜吓！
Yadah White Boosting 美白乳液
跟住要分享嘅係Yadah White Boosting 美白乳液，
其實呢個系列主要係採用咗由德國洋甘菊萃取出來嘅紅沒藥成分 (Alpha Bisabolol)，
再加埋「GIGA WHITE 美白配方」，具有鎮靜舒緩同抗菌作用，
美白效果更加係熊果苷兩倍。

白色乳液質地，滋養又唔會覺得油膩，反而係好輕盈質感，
用時輕輕按摩，直至被皮膚完成吸收，
塗抹喺皮膚上後好水澤同埋好清爽，味道好好聞。
使用後皮膚好光澤，又能夠有效舒緩乾燥肌膚，
氣色睇落更加健康白淨，明顯無咁暗黃呢。
Yadah White Boosting 美白面霜
除咗具有相同成分外，面霜仲加入咗天然椰子油，
能深層修復膚色不均問題又能夠滋潤肌膚。

我覺得市面上唔多美白產品有加入椰子油，
加入咗椰子油嘅Yadah White Boosting 美白面霜感覺都幾滋潤，
就算呢排天氣咁乾都好，用後皮膚唔會乾燥，
同時間又能夠提亮膚色，乾紋都少啲。
講完Yadah White Boosting系列後，要分享吓呢款產品，
用完真心推薦大家買嚟試吓，就係Yadah 仙人掌爽膚棉。
Yadah 仙人掌爽膚棉
爽膚棉不含水分，係以87%仙人掌精華萃取取代，
所以用落做到真正嘅補濕，
而仙人掌成分蘊含嘅維他命A和C，更加係比天然蘆薈高出5倍。
一包會有兩塊爽膚棉，有潔淨肌膚、去除老死角質同保濕功能，
其實呢啲包裝真係好討我歡心，因為可以旅行時用，
又或者做完拎出去做完運動時用，潔淨又能保濕。
雖然仙人掌成分具有天然水楊酸，
但係擦拭臉部時唔會覺得有唔舒服嘅感覺，
用後皮膚好清爽，後續吸收能力仲更加好。
最後要介紹埋Yadah Lovely Lip Tint Stick 有機水漾唇膏，
呢家HK$75有兩支，真心好平，買哂幾隻色都唔心痛。
Yadah Lovely Lip Tint Stick 有機水漾唇膏
呢款唇膏最特別地方係天然有機成分，配合唇溫智慧調色，
當中利用咗6種天然草本保濕配方滋潤雙唇，為唇部提供水分。
上面果隻係05 Cherry Punch，
而下面無見嘅就係01 Vanilla Latte，
呢個系列唇膏嘅成分都非常滋潤，
包括有月見草油、琉璃苣種籽油、甜杏仁油、
摩洛哥堅果油等等，能滋潤雙唇，用後唔會乾燥。
顯色度高又持久，
其實呢個價錢買多幾支放吓office看門口都抵！
❝ Provided By 梨花 Ewha Care❞ 
免責聲明: 是次產品/產品資料由品牌提供, 本文章內容屬個人意見及感受,
並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢
張貼者： 於 沒有留言:
標籤： , , ,

2019年12月16日 星期一

【TONYMOLY好用推介．打造濟州尊貴蝸牛水潤底妝】

咁乾燥嘅天氣，皮膚稍為唔夠水分，
個妝唔單止浮粉，仲會一撻撻，
再加上冬天真係好易懶床，所以未必有完整化底妝嘅時間，
所以我近排喜歡用氣墊粉餅化妝，
大大節省時間，好快就可以出門口返工。
而TONYMOLY好好用嘅皇牌蝸牛系列，
新出咗氣墊粉餅，係我近日新寵，當中蘊含高級安瓶成分，
水分可以填補細紋同毛孔，輕易打造水光肌。
濟州尊貴蝸牛安瓶氣墊粉餅 HK$368
哩款咁好用嘅濟州尊貴蝸牛安瓶氣墊粉餅，
有大量黃金發酵蝸牛黏液過濾物，
由於當中精華經過咗4倍發酵過程，令粒子變得極微細，
用落比其他TONYMOLY Cushion好用，有兩款膚色供選擇。
哩個氣墊粉餅係集美白、抗皺同防曬3重功效化妝品，
由於有高級安瓶成分，所以用後能無懼乾燥天氣，
肌膚幾時都咁水潤，散發水潤光采。
輕輕一印上手背，可以見到質地好水潤，而且非常透薄，
微細嘅遮瑕粉末，能超貼服遮瑕，細緻地遮蓋瑕疵。
氣墊粉餅同膚色極融和，而且透薄又水潤，
啱哂呢啲冬天咁乾嘅天氣。
每日幾鐘左右，就可以打造濟州尊貴蝸牛水潤底妝，
有個光澤肌膚返工見人，睇落都精神啲，自己心情都好啲。
化妝同時護膚，真係覺得TONYMOLY氣墊粉餅好用！
❝ Provided By TONYMOLY❞ 
免責聲明: 是次產品/產品資料由品牌提供, 本文章內容屬個人意見及感受,
並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢
#濟州尊貴蝸牛 #PrestigeJejuSnail  #越小的蝸牛精華粒子 #越強的彈力效果 #水光肌 #化妝同時護膚 
#TONYMOLYHK #TMHKStreetModel #TMHKReview
張貼者： 於 沒有留言:
標籤： , , , , , , ,
訂閱： 文章 (Atom)