2019年11月18日 星期一

【奪目奢華！Lancôme瑰麗寶石絲滑唇膏】

Lancôme新推出L’Absolu Rouge Ruby Cream 瑰麗寶石絲滑唇膏，
真係超級奪目，唇色同外型都深得我心，大愛！
呢個系列唇膏啟發自具療癒功效嘅水晶，
設計時將紅寶石色澤同專利成分注入唇膏，
另一方面將唇膏化作珍貴寶石，
以寶石切割外型獨特設計，締造璀璨華麗光芒。
每款奢華絲滑唇膏更蘊含比 L’Absolu Rouge Cream 增量達 25%色素粒子，
綻放前所未有嘅深邃唇色，秋冬天使用就最合適不過。
由楓葉色到豆沙色，全新唇膏系列足足有成15款色調，
當中7款裸色同8款紅調，每款都好似紅寶石咁珍貴耀目，
今次我就收到其中4款色調，同大家分享吓先！
設計限量版唇膏外殼，再加上每支都有唔同顏色，
我個人十分喜歡呢個包裝，夠哂簡約高貴，
拎出嚟補妝時，非常吸睛呢！
獨特尖頭三角形設計，不但創新，而且貼合櫻唇，
用時只需三兩下就可以輕易勾勒唇形唇角，輕易上色，
而且色調濃郁豐富，顯色度高，用後可以特顯唇部輪廓更為立體。
Lancôme  瑰麗寶石絲滑唇膏 
L’Absolu Rouge Ruby Cream HK$270
由左至右，今次同大家分享以下唇色：
#03 Kiss Me Ruby
#01 Bad Blood Ruby
#02 Queen Ruby
#481 Pigeon Blood Ruby
#03 Kiss Me Ruby豆沙色
呢4款唇色入面，最令我喜歡嘅莫過於係呢款豆沙色，
顏色優雅自然，超易配搭，即使無化妝就咁單搽效果都好好。
唇膏水潤又易上色，色調溫柔，無論咩穿搭同妝容都可以carry得到。
#01 Bad Blood Ruby火紅色
呢款顏色較為鮮艷亮麗，所以用時眼妝可以自然一點，
咁就可以令成個妝容更平衡，更能突然唇妝。
由於顏色比較鮮豔，所以用後會明顯顯白，
我會喺派對或者慶祝飯局時使用，整體感覺滋潤唔會乾燥。
#02 Queen Ruby楓葉色
呢款楓葉色用後令我相當驚喜，本以為顏色會比較深，
但原來係帶橙紅色，用後一點都唔誇張，
反而令人睇落好精神。
我會化一個大地色眼妝配襯呢個唇色，
整體感覺同秋天衣服好配襯呢！
#481 Pigeon Blood Ruby血紅色
呢款唇色會比較偏深，較能突然獨特個性，
個人認為配搭型格少少嘅穿搭同妝容。
呢個唇色非常顯眼，對我嚟講比較cool，係平時少用嘅唇色，
不過用後反而覺得幾特別，秋冬天使用可以令成個造型更型格，
效果意想不到呢！
Website：www.lancome.com.hk/
Facebook：www.facebook.com/lancomehk/
❝ Provided By Lancôme❞
聯絡MsJovi：
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢 
#LancomeHK #LabsoluRouge #RubyCream
張貼者： 於 沒有留言:
標籤： , ,

2019年11月13日 星期三

【Lancôme 升級版瞬白亮肌雙效遮瑕氣墊粉底組合】

用過Lancôme粉底液嘅朋友就會知道，品牌嘅底妝產品好好用，
不但貼服又絲薄，而且貼服度高，效果非常理想，
所以我都用光咗兩支粉底液，其氣墊粉底更係補妝must have item，
方便之餘質地透薄自然，全日都可以好膚質示人！
早前收到Lancôme升級版瞬白亮肌雙效遮瑕氣墊粉底組合，
超 級 推 薦！因為係二合一產品，能輕鬆省時締造無瑕美肌。
Lancôme 升級版瞬白亮肌雙效遮瑕氣墊粉底組合
BLANC EXPERT CUSHION URBAN DUO PALETTE SPF 36 PA+++ HK$435
二合一粉底組合，兼顧肌膚內外需要，集化妝、遮瑕同補妝一身，
玫瑰標誌印壓於奢華纖薄純白粉盒，高貴大方，簡潔華麗。
全新嘅雙面粉撲形態好似水滴咁，結合咗兩種材質打造，
圓弧形部分以超微氣孔設計，用時可以均衡沾取粉底，
而尖尖絨面嘅部分就可以為黑眼圈細緻遮瑕，一次過做好底妝準備。
採用特殊雙槽設計，上面係氣墊粉餅，下面係具有絲滑柔滑質地嘅遮瑕膏，
氣墊粉餅以原裝Blanc Expert Cushion為基礎，用後不但能深層保濕，
亦可以保護肌膚免受環境侵害；
而柔滑遮瑕膏，就可以針對性修正黑眼圈同瑕疵，二合一真係好方便！
氣墊粉餅質感十分水潤，當中蘊含咗濃縮保濕成分，
值得一提嘅係高山雪絨花萃取精華，能夠強化肌膚防禦力，
再結合防曬指數SPF 36/PA +++ ，可以降低紫外線對皮膚造成嘅傷害。
酵母萃取物同亞麻籽油，就能提供極致修護作用，緊緻肌膚。
用後皮膚好光澤，而且完全唔會有厚重感，
可遮蓋瑕疵同均勻膚色，重點係全日唔易脫妝，
膚色變得均勻有光澤，加上一物兩用，
不但方便朝早趕時間出門口，同時亦可以一次過將暗瘡印同眼袋得遮蓋。
Lancôme 升級版瞬白亮肌保濕氣墊粉底 SPF 36 PA+++
BLANC EXPERT CUSHION COMPACT LIGHT COVERAGE HK$290
除咗推出咗Urban Duo Palette外，
Lancôme亦為Blanc ExpertCushion保濕粉底，換上全新升級配方，
專為均勻膚色研製，限量版氣墊粉盒更以玫瑰金色為主，令人愛不釋手！
加入嶄新天然親膚配方，可強化肌膚保護屏障，抵抗外來傷害，
更具有24小時保濕功效，令肌膚望落健康明亮。
嶄新天然親膚配方，蘊含抗污染同抗氧化成分，再配合埋SPF36防曬系數，
防護同時令肌膚水潤飽滿，從而發揮保護功能。
比起以往感覺妝容更水潤更貼薄，效果更加理想，
而且妝效輕盈自然，唔會用完之後令膚色灰白，
就算哩排轉季使用，都唔會覺得泛妝呢！
Website：www.lancome.com.hk/
Facebook：www.facebook.com/lancomehk/
❝ Provided By Lancôme❞
聯絡MsJovi：
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢 
#LancomeHK #BlancExpert #CushionUrbanDuoPalette #makeup #cushion
張貼者： 於 沒有留言:
標籤： , , , ,

【Unique Beauty毛孔復活針Facial．收細、治療粗大毛孔好方法】

打從二十五歲後，膠原真係流失得好快，加上休息唔夠，
個樣成日睇落好似好憔悴，兩頰鬆弛皮膚無咁有彈性，
毛孔又大又粗，輪廓無咁俐略。出完trip見有少少時間，
立即去咗位於尖沙咀嘅Unique Beauty，做返個收毛孔Facial。 
我一直都唔知收細毛孔嘅方法，而「毛孔復活針」Futera Dots膠原槍，
就可以針對性治療粗大毛孔，幫你重拾年輕無瑕肌。

Unique Beauty環境好舒適，地方光猛乾淨企理。
仲記得體驗療程當日落緊大雨，就算有帶傘都濕哂，
但我一到達Unique Beauty就有職員細心遞上洗手間鎖匙。

一杯熱騰騰嘅花茶，令我感到非常放鬆，
簡單填寫個人資料同了解療程資料後，就立刻可以開始療程，
盡情享受一吓屬於我嘅me time！
療程房間整潔企理，給人舒適又放鬆嘅感覺。
今次我做嘅facial係專收細毛孔 - 「毛孔復活針」Futera Dots膠原槍，
以多極式分段嘅射頻，將高頻電磁波射入皮膚，
從而將表皮至上真皮層加熱，去換走老化角質死皮，更新肌膚。
唔單止可以促進膠原BB增生，又可以令肌膚更緊緻，
而且重點係可以收細毛孔，有效治療毛孔粗大，
從而改善膚質，係收細毛孔最佳方法。
開始療程前，治療師先幫我徹底卸妝兩次，
由於我有植咗睫毛，所以治療師小心翼翼又細心咁幫我卸走眼妝，
過程體貼，真係好值得一讚。
「毛孔復活針」Futera Dots膠原槍療程
係一個非侵入性療程，做完Facial，收細毛孔後，
可以立即化妝，完全唔會有任何不便，
呢款增生膠原療程好方便好安心溫和。
治療師為我塗上保濕舒緩面膜，短時間內提升肌膚水分，
大約幾分鐘後就可以抹去，立即進行療程治療粗大毛孔，
令毛孔復活，同時緊緻提升肌膚！
膠原槍利用射頻刺激底層皮膚，從而增生多啲膠原BB，
療程時治療能量好溫和，所以就算敏感肌都可以做呢個收毛孔Facial，
加上無任何創傷又唔會結焦，重點連泛紅情況都無，
呢個收細毛孔方法，絕對啱哂我呢啲日日返工都要見人嘅OL。
成個過程完全無痛，只係會有少少溫暖嘅感覺，
喺修復過程中會促進更新同刺激膠原蛋白，
輕輕鬆鬆就可以回復皮膚緊緻、彈性度。
完成療程後，治療師為我敷上水分面膜，立即補充肌膚養分，
能增生膠原效果可以更加出色。
完成成個「毛孔復活針」Futera Dots膠原槍療程，
只見粗大毛孔被治療，皮膚更皮膚飽滿緊緻有彈性，
而且毛孔睇落無咁粗糙，肌膚一下子復活起來，飽滿又有光澤。
做完療程效果咁好，心情都好啲，
無副作用又可以輕鬆舒服咁幫皮膚生膠原BB，
絕對係收細毛孔的最佳方法，係每個女仔都會喜歡做嘅保養。
Website：http://promotion.uniquebeauty.com.hk
Facebook：www.facebook.com/UniqueBeautyHK





❝ Provided By Unique Beauty❞



聯絡MsJovi：



ww.jovi@ymail.com / www.facebook.com/blogger.ms.jovi/






















免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,











如需協助或希望獲得更多有關產品資訊, 請直接聯絡該品牌查詢

張貼者： 於 沒有留言:
訂閱： 文章 (Atom)