對於日本開架面膜專家Utena最深嘅印象應該係皇牌黃金啫喱面膜，
當中滿滿嘅精華，用後令皮膚水潤光澤，再加上親民價錢，
真係令人好一試難忘，我亦一直有keep住入手。
Utena今季就加入咗全新大米發酵面膜
用日本最流行嘅「大米發酵液」作為全新面膜主要成分，
可以3分鐘速效急救乾燥肌膚，令肌膚瞬間回復細緻滑溜如初。
活動當中品牌安排咗好多活動，
畀我哋能好好了解杜氏同藏人所發現嘅大米發酵美肌奧秘。
日本清酒原料為大米、酒麴同水，除咗能飲用外，
原來喺釀製日本酒時發酵過嘅原料能製成護膚品，
由於釀製師傅長期接觸釀酒時所生產嘅大米發酵液，雙手仍然光滑潤澤，
正正因為酵母所發揮出嚟嘅神奇護膚功效。
當日除咗可以自己親手製作米酒外，
仲有機會品嚐三款唔同嘅日本清酒點樣配搭食物，
引出清酒風味同時豐富菜式味道，絕對係極大嘅學問。
平日我都幾喜歡飲用日本清酒，淡淡香味喺口中擴散，
餘香喺口中停留好一陣子，感覺十分好，加上適量飲用其實對身體有益處。
除咗學吓釀酒同品酒之外，
點少即場試試日本大米發酵精華面膜嘅威力，
畀皮膚一齊品嚐清酒，回復細緻滑溜如初。
除咗新推出嘅PREMIUM PURESA 日本大米發酵精華面膜，
個人覺得Utena好多產品都好好用，亦有不少皇牌產品，
價錢又唔貴，非常親民，CP值相當高，所以我一直有回購！！
喺分享新推出嘅日本大米發酵精華面膜之前，
同大家簡單介紹Utena呢幾件同樣好好用嘅產品畀大家，
我屋企都仲有幾件產品未開，証明我真係好喜歡用呢個品牌呢！
造型魔髮球絕對係女生must have，能幫助頭髮定型，
令散落嘅短髮或者毛躁髮絲持久貼服，扎頭髮時就必定會用到。
用時可直接塗抹，唔會整污穢雙手，就算斜側分界瀏海都可以定型，
呢排落雨用就最適合，可以預防雨水或汗水令髮型鬆散。
無添加頭髮護理柚子油就可以1物4用，
能當作護髮精華、造型劑、髮膜同頭皮按摩使用，非常方便，
雖然係柚子油，但用落質感清爽，容易推開，好易吸收，
用後散發自然清新柚子香氣。
白泥磨砂潔面膏就加入咗嚟自日本嘅廣島白泥，
可以徹底吸附臉上污垢，清除毛孔黑頭同埋老廢角質，
另一方面亦可以好似我咁用喺較粗糙嘅腳跟位置，
用後粗糙大大肌膚有絕大改善！
口碑載譽嘅皇牌PREMIUM PURESA黃金啫喱面膜
揉合33g美容精華啫喱，所以我一直不斷地回購，
當皮膚極乾燥缺水時，用後立即有改善。
金箔化妝水同樣都係我有回購嘅產品，
高濃度啫喱配方蘊含5大保濕成分同金箔，
用後立刻柔軟皮膚，有時妝前急救敷上一分鐘，
皮膚充滿光澤，上妝都會貼服啲。
仲要無人造香料、人造色素、礦物油等等，
一支只係百幾蚊，用多啲幫肌膚做好第一步補濕，都唔會心痛。
全新PREMIUM PURESA日本大米發酵精華面膜無令我呢個忠粉失望，
兩者同樣都非常好用，備有清爽型同豐潤型兩款，
滿足唔同嘅疲倦肌膚需要。
綠色呢款係日本大米發酵精華面膜-清爽型，
能夠特別針對油性同混合性肌膚，
當中清透嘅水凝保濕啫喱蘊含透明質酸，可以增加肌膚含水量，
用後可保濕同時高效滋潤修細毛孔。
綠色呢款係日本大米發酵精華面膜-豐潤型，
針對乾性疲倦肌膚，濃厚嘅水凝保濕啫喱額外添加水溶性膠原蛋白成分，可以雙重補充肌膚保水能力、提昇肌膚彈性、減淡皺紋同時細緻毛孔。
呢啲透明果凍係UTENA 嶄新研創嘅高鎖水性「水凝保濕啫喱」，
蘊含特殊分子嘅保濕成分，構成唔會溶喺水嘅水凝啫喱質感，
能夠鎖住比本身重多百倍水分同其他水溶性保濕成分如大米發酵液等。
就能迅速為肌膚導入多近 40%水分，
順帶一提，透明果凍精華分量極多，仲可以塗搽喺頸部位置。
敷落就令面膜更能貼近面部輪廓，令精華更易被吸收。
另外由相片可以見到皮膚充滿透亮光芒，摸落肌膚亦平滑柔嫩。
幫肌膚注滿大量大米發酵液，急救極乾燥、粗糙、暗沉肌膚。
用後真係覺得不錯呢！！
就算你未用過Utena嘅產品，個人認為二十幾蚊一片面膜嚟講，
品牌喺管方面得分都非常高，值得一試，
下次再同大家詳細分享品牌其他產品。
❝ Provided By Utena❞
Facebook：www.facebook.com/utenahk
Website： www.utena.hk
沒有留言:
張貼留言