2018年1月11日 星期四

【 告別「無眉娘」 Natural House 韓式半永久專門店 】

每次化妝,覺得往往最花時間嘅係畫眉,有時一趕時間出門口,
真係好易畫到遲哂大到,好激氣!
由細至大我都被受高低眉問題困擾,再加上眉毛稀疏,
所以點都好,眉妝一定唔可以無,否則自信心大減。
打從幾年前認識咗飄眉,真係覺得絕對係各位「無眉娘」絕佳嘅選擇~
不過對上一次整完,顏色維持嘅時間經已過咗,
再加上覺得上年整完都未係好啱自已心水,所以一直不了了之。
近年更加流行韓式半永久化妝,
係Facebook見到呢間Natural House嘅廣告,
見到飄眉同埋飄眼線嘅效果分享幾自然,加上價錢又OK,
所以就係旅行前即刻整咗飄眉。
位於銅鑼灣站C出口附近,地點好方便,而且呢度嘅環境亦都好好,
所以當日第一印像都真係幾好㗎。
係開始飄眉前,Natural House 先好仔細咁了解我眼眉方面嘅資料,
例如有無做過飄眉啦、對上一次係幾時、健康狀態等等,
傾計過程內亦令我對於飄眉存在嘅疑問一一拆解。
究竟飄眉同傳統繡眉紋眉有何分別呢?
紋眉同埋繡眉係比較舊嘅技術,顏色一般都會做得較深入D,
所以做完之後好多年都唔會甩色,但係做出嚟嘅效果唔太自然,
通常顏色會比較實,過咗段時間仲會變色tim,
我試過喺街見到有人條眉變咗橙橙啡啡咁;
飄眉係較新嘅技術,顏色會做喺皮膚表面,多數以手工刀「刻」上一條條仿真眉毛,
效果比較自然,而且唔會變色,只會慢慢地褪色,通常keep 1-3年左右。
決定想做嘅類型後,Natural House先為我卸走眉妝,
係相圖可以見到一雙眉毛嘅高低,而且亦好淺色。
飄眉師好細心咁幫我畫上合適嘅眉形,不停咁修正,
過程絕對feel到一點兒也不馬虎。
由於上次飄眉搞到左右不對稱,所以這次飄眉師就幫我矯正眉型。
確認好眉型後,就會敷上麻醉膏,由於有麻醉膏關係,
所以成個過程無咩痛嘅感覺,只係接近眉山的位置感覺會大DD。
等待嘅時候仲發現Natural House 韓式半永久專門店,
除咗有飄眉同埋飄眼線等等韓式半永久化妝,仲有美甲服務,
而且更係日籍美甲師呢,怪不得甲片上嘅設計都咁仔細好看。
進行療程嘅房間整潔簡約,令我放鬆不少。
飄眉師雙手消毒後戴上手套就開始療程,
只見經驗豐富嘅飄眉師手勢相當熟練,令我過程一點也緊張也沒有~
圖中右眉係剛做完嘅效果,可見好自然,
好似自己真嘅眉毛一樣,實在好滿意呢!
飄眉後會有視覺毛量增多嘅效果,
加上看起來超級自然,完全靠飄眉師熟練專業嘅技術,
就算出面有好多飄眉價位便宜得多嘅小店,
但我都係相信專業技術同口碑,最後先上嚟呢度飄眉。
兩邊都完成了,看到嗎?!
跟平日畫眉真係無咩分別,
看起來自然得多而且又唔會覺得好粗好濃密。
加上飄眉師真係手勢好好,做出嚟嘅眉型絕對唔係平眉,
係有弧度嘅眉型嚟嘅,而微微弧度嘅眼眉可以令女生睇落自然又温柔,
所以整完之後真係令我覺得非常滿意呢!
立即令我自信心大大增加呢,成個過程只係一個多小時,
輕輕鬆鬆就可以令到眉型即時變得更美觀,告別高低眉問題~
完成後,Natural House 韓式半永久專門店更細心咁送上修復膏,
等我可以好好take care飄後嘅眼眉。
基本上隔二、三日就可以濕水,
但想維持更長效果就可以利用卸妝棉沾水輕輕擦拭眼眉、全面而取代潑水洗臉。
飄眉後第二日眼眉會結焦,所以直到大約第四日,
眼眉會明顯較深色,有一點點搔癢感覺,但記得忍住唔好抓損。
大概一星期左右,所以結焦地方經已甩哂焦,
就能見到一雙美美又自然嘅眼眉,實在太喜歡了!!
未去Natural House 韓式半永久專門店前,雙眉看起來一點也不對稱,
又有高低眉問題,完成飄眉後雙眉變得非常清秀呢~
看起來好像自己長出來嘅眉毛,成個感覺睇落令我更加精神,
每天返工都唔洗再花太多時間畫眉毛啦!
如果想要濃一點嘅眉毛,我還是可以用眉筆補一下,
不過記得要輕手一點,否則好易太過over。
其實飄眉可以算得上係較輕嘅紋身,所以必須搵信譽良好嘅技師操刀,
始終keep嘅時間比較長,如果真係因為貪平而整得唔好,咁就更加得不償失。
試完Natural House 韓式半永久專門店後,我覺得真係唔錯,
重點係服務細心又專業,等我儲儲彈藥,下次嚟整眼線先~
注意:第一次做完唔會100%上色,所以需要安排補色,
咁先可維持得耐D,咁當然亦都會應人體皮膚狀況同吸收程度而有所不同,
所以進行療程前可以問問飄眉師。

Natural House 韓式半永久專門店地址: 
銅鑼灣駱克道491-499京都商業中心21樓A室(銅鑼灣站C出口對面,花園餐廰招牌上)
Tel:27883133
Facebook:www.facebook.com/Hknaturalhouse/
 Provided By Natural House 韓式半永久專門店❞
聯絡MsJovi:
ww.jovi@ymail.com / www.facebook.com/blogger.ms.jovi/
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,
如需協助或希望獲得更多有關產品資訊, 請直接聯絡該品牌查詢

沒有留言:

張貼留言